خيانه بعد 26 زواج

الله يعينها صراحه ...


الأب يخون تعودنا على هالشي ..أما الأم ؟؟؟؟؟؟؟؟؟؟؟؟؟؟؟


الأفضل أنها تخبر حد من خوانها ...أو أذا عندها خالات ..تخبرهن ...


وهن يتفاهمن مع أختهن ...


والله يعينها صراحه صعبه ..

اعوذ بالله

افاااااااااااااااااا شنو هذا توقعناها من الرياييل مو من الحريم


لا لاتقول لخالاتها تقول لاكبر اخوانها وتقول له كأنه هو اللي اكتشف مو هي
لأن المشكله لو طلعت من البيت انتشرت فنصيحتي لا تقول لاحد من برا

اكبر اخوانها ممكن يساعدها في الموضوع

الله يهدي المسلمين اجمعين

انا ما فهمت شلون الولد غير موجود هو متوفي يعني او مطلق الوالده فهالحاله المشكله بتكون اخف لانه هالسيده بلا زوج يعني يحق لها الزواج مره ثانيه لكن لو كانت متزوجه فهي مشكله كبيره جدا انا ما نصح يالاخوان لان غالبا بتصير مشاكل كبيره وبيتضايقون وبيتعبون نفسيا خصوصا انه هالشي من امهم صعب يتقبلونه احسن شي تروح تكلم وحده من خالاتها الكن تكون ثقه او وحده من صديقات الام المقربات اللي يكونون على دين ووعي ويقعدو ويشوفو حل لهالمشكله في هذا الزمن عشنا وشفنا عجايب توقعناها من المراهقات او الجرال لكن من حرمه عندها بنت شابه ومستواها التعليمي عالي الله يستر .

لا حول ولا قوة الا بالله

وانا ما بزيد على كلام البنات ..

والله يهدينا ويهدي جميع المسلمات

انا منو؟؟؟:

السلام عليكم
انا ماعندي مشكله بس رفيجتي عندها مشكله وابي مساعدتكم
ماراح اطول عليكم بدخل بالموضوع على طول

رفيجيتي قبل فتره 3 اشهر تقريبا كانت تدورمسجات حلو بتلفون امها وشافت مسج صدمها ان مسحيل يكون من حرمه,, حاولت تجذب عيونها وتغير تفكيرها بس الشيطان شاطر وقامت تدور بالتلفون وشافت اشياء ثانيه قالت يمكن بس مسجات بس الواقع اكثر
راقبه تصرفات امها وتغيرها اللي بدات تحس فيه وعرفت انها على علاقه
وهي مو عارفه شتسوي تكلم اخوانها صعبه شوي (وهي البنت الوحيده)
وابوها مو موجود
وماتقدر تقول لاحد بره العايله عشان ما تصير مشاكل اكثر
وهي من النوع اللي ما تقدر تواجه احد بشي
وامها كبيره بالسن ومستواها التعليمي عالي جدا جدا جدا
ساعدونا انا ما اقدر اشوف رفيجتي تخسر مستقبلها ودراستها شوي شوي
بلييييييييييييييييييييييييييييز اللي عندها حل تساعدنا بليييييييييييييييييييييز

هاذي امهااا
ولو انااا منها (الله لايبلينا ان شالله)
ما اقول حق احد ولا اخواني
استر واسكت ...

يمكن حد يشتغل معاهاااااا
ولا شي .... لاتحطين في ذمتج

لا تكلم اخوانها
احس الاولاد ينصدممون اكثر خاصة من ناحية الام

ان لله

مو غريبه والله منتشره هالظاهره

حسبي الله حريم اخر زمن قلة حياء

خليها تكلمهااااااااا

وتوقفها عند حدهااااا

قسم قلة حياء

لا حول ولاقوة الابالله 000الله يكون في عونها00

لاحول ولاقوة الا بالله
نصيحتي لها تكتم عن هالشئ ولاتقول لحد وتبداء تدعي لامها الهدايه

والله يهدي الجميع يااارب دنيا تخووف

وعليكم السلام

اختي هالامر مب هين


اتمنى تكوني متاكده ميه بالميه وباشياء حقيقية مش مجرد شكوك


طبعا ابدا لا تخبري احد


ما نعرف كيف ظروفك وشو اللي تقدري تسويه بس اذا الله للحين ستر على امك لا تقومي انتي تفضحيها

لو كنت بمكانك مع ان الموضوع وايد قاسي بس كنت بحاول امسك اي طرف حوار قدام امي عن الزوجه الخاينه بحيث اوضح موقفي بكل صراحه وكيف ان هالنوعيه ما تخاف الله و ما تحسب حساب عيالها وبناتها

وكيف اذا انفضحت بتخسر كل اللي حواليها وما بينفعها عواطفها ولا الرجل اللي تخون زوجها معه

وكيف بتصير نظره عيالها لها باشمئزاز



صراحه الله يكون في عونك بس اكرر فكري كثيييييييييييييير بالموضوع يمكن تكون ملاحظاتك اوهام اكدتها لك شكوكك


بالنسبة للمسجات يمكن وحده من صديقاتها جتها مسج من زوجها وسوت اعادة ارسال لباقي صديقاتها يعني هذي مب دليل





الله يستر عليها ويعينك

أولا اذا كان هذا الموضوع حقيقي ربنا يكون في عون صديقتك
ثانيا تحاول صديقتك تعمل خطة كالأتي
تكلم أمها من خارج المنزل بالتليفون وتغير صوتها وتعرفها أن موضوع علاقتها أصبح غير
خافي وتنصحها أن تتقي الله أولا وزوجها ثانيا وتهددها وتشدد عليها بعدم تكرار مثل هذا الفعل
الشنيع والا..............
أو ترسل لها رسالة علي جوالها من خط جديد وغير معروف لوالدتها وتكتب لها رسالة تهددها فيها
بفضح أمرها
ومن يدري ربما ترجع عن طريق الحرام وتتوب الي الله تعالي..........ولله الأمر من قبل ومن بعد

خلها تتأكد قبل كل شي

ان بعض الظن إثم !

لا حول و لا قوة إلا بالله...

واااايد انتشرت ظواهر مالها علاقه فينا.....

انا من رايي تكلم امها وجها لوجه و تكون على ثقه مو تردد...

بس مب معناها تكون قويه (( هذه امها مهما كان ))....

خلها تبين لامها انه مكانتها فوق و مافي شئ بيغيرها...

و ان الانسان يغلط...ز مثل ما امها ما ترضى الغلط على بناتها...

بنتها بعد ما تحب تشوف امها على غلط...

خلها تبين لها انها فكرت تقول حق اخوانها...

بس شافت الافضل انه تكلم امها قبل....

و خلها تبدا الموضوع و تنهيه في نفس الوقت...

لا تعملون مثل الملفات المؤجله....

تفتح موضوع و تسكره و تتراكم عليهم و اخر شئ يصير ما لا يحمد عقباه...

و افضل انه تعزم امها في مكان عشان محد يقاطعهم في الموضوع....

الله يهديها ان شاء الله....

لا حول الله ياربي ليش الخيانة وهيا ام وبهذا السن الله يهديها ان شاء الله
الله يهدي الجميع انا معرف شكولج عزيزتي والله

دي قبل كل شئ والدتها ولو كان الزوج متوفي فهي حقها تبداء حياتها خاصة لو كل اولدها متجوزين حقها فالصح مش انها تعمل علاقات هتبقي اكيد حسه بفراغ واكيد والدتها مش طفلة او مراهقة عشان تعمل فيها مقالب او تخوفها باتصال او غيرة
لازم تفهم وتقدر مشاعر والدتها قبل ما تتصرف ده لو اصلا متاكدة من الكلام ده
ليه نحس بنفسنا وننسي غيرنا خصوصا ان دي الانسانه اللي ضحت بسنين فحياتها عشان تكبر وتعلم انا رايي تتكلم معاها منها ليها مش بتدخل اي حد ومش بتهديد
وتفتكر (الجنة تحت اقدام الامهات)

لا حول ولا قوة الا بالله

الله يهديها

هذه امها مو اي شخص ولايجوز تتكلم عنها باي شي مهما كان وكيف تخبرج بهالشي قوليلها
استري عليكم وتقول ان اامها مثقفه يعني سهل التعامل معاها محد عارف ششنو ظروفها او يمكن تمر بازمه دوري عن احد من خالاتك القريبات من امكم وفاتحيهن احسن


ياااااااااااااااااااارب سترك

مسكينه الله يعينها .. كيف قدرت تستوعب الموضوع !!

قوليلها لا تسوي اي شي ولا تخطو اي خطوه قبل لا تتأكد 100%

ثاني شي تروح عند امها وتواجهها يمكن تطلع السالفه شي ثاني !!

وبعدين احذرها ماتروح تخبر اخونها او الوالد لان السالفه بتكبر وبتستوي مصيبه فالبيت

لان الرياييل ما يتفاهمون خصوصا في هالسوالف .. وخلها تفهم امها ان اللي تسويه غلط

وبيهدم بيتها .. بس اذا مثل ما تقولين الام مستواها العلمي عالي عيل ليش تسوي هالحركات !!

والله غريبه .. اللهم لا شماته والله يهديها انشالله .. ويعين هالبنت على هالبلوه صراحه مب شوي

السلام عليكم
مشكورين وما قصرتوا للي ابدوا رايهم
انا بقول حق رفيجتي كل هالحلول وان شاء الله بتلقى الحل المناسبه لظروفها
وارجع واقولكم ما قصرتوا