إلا هالإنسان ...

السلام عليكم ورحمة الله وبركاته ..


قبل كل شي اتمنى من كل قلبي اللي تقرا موضوعي ..

ما تحكم علي وتحط ف ذمتها شيء او سوء ظن ..

وتخف علي بكلامها ..

بنات ضاقت فيني الدنيا ... صدق والله مب عارفه مب عارفه مب عارفه وين اروح .. ما لقيت بعد ربي غيركم ..

وصدق يا بنات .. احس عمري تعبانه .. كل مشاكلي ف صوب ..

والموضوع اللي بكلمكم عنه ف صوب ..

يمكن تافهه للبعض .. لكن بالنسبة لي مشكلة المشاكل ..

عمري 20 ..

بنات انا احب ....

احب انسان ما يعرف اني احبه ..

انسان ملتزم واشدد على ملتزم .. خلوق يخاف ربه .. """""""""""ما افكر اغلط معاه ولا حتى اكلمه""""""""""""""" ..

رجاءاً محد يسبه .. ولا ييب طاريه بشر .. هالانسان بالذات .. سبوني انا ولا تسبونه ..

بتقولون كيف حبيتيه .... ومتى ... و وين ... وليش ... وانتي ما تعرفين عنه شيء ..

عندي الاجوبه لكن استسمحكم بالاحتفاظ فيها .. ولا تحطون ف بالكم شيء غلط وحرام ..

لكن تمنعني وايد اسباب اني اتكلم ..

صدقوني بنات والله مابي يجمعنا حرام والحمدلله مافي بينا اي حرام ... برغم حبي الا اني احب ربي اكثر ..

ولأني من حبي له .. ماباه يحصل اثم .. وهو اغلى عندي من اني اوصله بالحرام ..

ف البداية كنت اقول اعجاب وبيروح وبتجاهله واضحك على نفسي .. لكن مرت سنه ..

واحس هالشعور يكبر وبكبر .. ومب عارفه شو اسميه غير حب .. ابعده عن بالي ويرجع اقوى عن قبل ..

اكيد في ناس يضحكون علي ويقولون ماعندها سالفه ..

لكن والله توني اشوف برنامج عن التعقل .. رفعت راسي للسما اطلب ربي يعطيني التعقل ..

يقولون التعقل يساعدنا نفكر صح .. انا طول عمري افكر بعقلي ..

لكن اليوم احس قلبي مسيطر علي .. كلنا مرينا بإعجاب .. لكن شعور بهالقوه عمري ما حسيت ..

هالانسان بالذات .. احبه اكثر من نفسي .. ادري مشكلة محرجه .. لكن والله تعبت ..

تدرون .. فضفضت لوحده بس مع كبر سنها وعقلها الكبير والتزامها ..

ماعرفت تساعدني .. و تقولي صرت اخاف عليج من نفسج وهالمشاعر .. لأن تأثيرها واضح عليج ..

صدقها يا بنات متعب انج تحبين شخص مايدري عنج .. هو يعرف بوجودي بس مشاعري ما يدري عنها ..

استويت ماآكل ولا انام ولا اذاكر ولا اضحك ولا حتى اصيح ... ساكته بس ..

ودايماً ادعي ربي انا يجمعنا على خير ..

بتقولون وين المشكلة ..

المشكلة اني ماعرف كيف استمر ف حياتي .. اكيد مستغربين ..

لكن جد احس بإكتئاب وحزن كبير والله يا بنات .. ابد ابد شعور مب طبيعي .. مابا اخسره .. مابا ما يكون لي انا ..

مابا ايي يوم .. واتيي انسانه تاخذ هالانسان ..

اتمنى يجمعنا ربي يجمعنا بالحلال ..

صدق اتمنى يكون معاي .. بس هو مابي غيره ..

لا تقولون فراغ عاطفي .. كنت بملاه بالجات والعفن والمسن .. بس انا احب ربي اكثر واكثر واكثر ..

بس انا والله احب هالانسان حب طاهر مابيه يغلط معاي ..

امس وللمره الثانيه وعلى غير عادتي فضفضت لشخص عزيز ..

تدرون شو موقفهم ..

قالولي طحتي من العين .. وانتي ما تسوين شيء ... وانجرحت وقعدت ابكي للفجر ..

ولا نمت ولا كلت شيء ولا حتى داومت .. معقوله يا بنات انا خاينه ؟

بس لأني احب بمشاعري بدون ما اتبعها بتصرف حرام ...

معقوله انا ما اسوى شيء بس لأني احس بهالمشاعر .. انزين وانا شو بيدي ..

انا ماغلطت يابنات ولا سويت شي حرام .. حسيت بحزن عظيم بمعنى عظيم وفي نفس الوقت ..

احس لازال هالانسان حلمي .. واجمل احلامي ..


مابا شيء .. لأن مافي حل .. بس ابا افضفض .... بعيداً عن الاهل والربع ..

لأن محد بيفهمني ...

ادري مابيدكم شيء .. بس الله يخليكم ادعولي ....

لو كان في خيره ربي يجمعنا على خير ..

رجاءاً لا تنسوني من الدعاء ... لأني صدقت محتاجتنه ...

هالشخص بس لو تعرفونه .... ساعات اتمنى لو ما كنت اعرف عنه شيء ...

الله كريم ...


" ربي اني احبه فإجمعني به "