ابي حل ويرتاح بالي يااخواتي.....

السلام عليم ورحمه الله وبركاته
اتمنى من خواتي في المنتدى ان تكونو في اتم صحة وعافية..
واتمنى ان اجد راي صائب للمشكلة اللي انا فيها والمشكلة هي.:
انا الحمدلله من الله علي بزوج صالح ذو اخلاق عالية ولله الحمد ومر على زواجنا 8 شهور يعني تونا في بداية الحياة الزوجية وانا عند اهلي وهو في مكان عمله والسبب جلوسي عند اهلي بسبب الدراسة وحنا متفقين على الشي هذا من اول والحمدلله باقي شهرين واتخرج واخذ الشهادة الجامعية عقبالكم ان شالله
المهم..
انه اذا اتصل يلمح في الزواج من الثانية جلست فترة وبعدين صارحته في شي هذا وفعلا مثل ماتوقعت كان ينوي يخطب وحده بس ربي ماكتب وانتهى الموضوع بعدها صار يقولها عن طريق مزحه وكنت اجاريه في مزحه بس احس اني مقهورة ماني عارفه ايش اسوي بعدها صارحته في الشي هذا مرة ثانية وقال انه يمزح معاي في موضوع الزواج قلت هذا الموضوع ماينمزح فيه ابداً بعدها ماعد صار يتكلم في الموضوع هذا وانا عارفه انه السبب اللي خلاه يتكلم في الموضوع هذا هو بعدي عنه وهذا الشي مو بيدي لانه نقل من كليه الى كليه ثانية وخاصة في السنة التخرج يكون امور نقل صعبة وفوق هذا طبيعة عمله متنقل مو مستقر فاتفقنا انه اكمل عندي وتم الشي هذا بموافقة هو والا كان بامكاني انقل بداية السنه بس هو قال كملي عند اهلك افضل..
خواتي ادري ثقلت عليكم بس ايش اسوي ماعندي احد لا خواتي ولا شي مالي الا الله ثم انتم ..
ابي رايكم اذا صار يمزح معاي في موضوع هذا ايش اسوي صرت اذا مزح في موضوع قلت ربي اذا كاتب شي بصير يصير وكل شي في وقته حلو. وبعدها يسكت مايقول شي ابد..
الحمدلله انا احب زوجي وهو بعد يحبني واخلاقه عالية جدا وانا مابي اخسره لسبب كلام ماصار وحتى هو مايبي يخسرني والكل حاسدني عليه لدرجه انه في يوم الزواج حضروا ناااس كثير من محبتهم له ولي لانه ماتوقعوا انه بياخذني
اتمنى اجد راي صائب ويرتاح بالي