بغيت آخذ رايكم بس ضروري ألحينه

بنت خالج يعنى اهل ...عادي اختى بس احسن يوم تكونون بروحكم من دون خواتها ...يا تتصلين لها تلفون وتسألينها يا ويها بالغرفه ...واكيد بترد لج خبر

عادي تكت ايزي :)

هلا اختي

اكيد تكلمينها بروحكم بدون مايكون احد يمكم عشان البنية ما تنحرج

و انتي آخذي وقتك يعني أول شي سولفي وياهم عادي وبعدين كلميها

و الله يتمم على خير

و لا تنسين تعزمينه على الخطوبة اذا تم الموضوع ان شاء الله خخخخخخخ اضحك معاك

مساء الخير

والله فال حلو غبت عن المنتدى

وأول ما رجعت لقيت روحي اشارك

في موضوع خطوبة وزواج

الفال لي ولكل خواتي العازبات يارب

أختي الف مبروك لخوك وبنت خالتك اول شئ

وبعدين اختي الله يبارك فمن جمع رأسين بحلال

يعني انتِ مشاء الله لو مو متزوجه رح يجبر الله بخاطرك ويفرح بزوج قريب

ما أكثر عليك الكلام بس اختي من رأيي تحكي معاهم شوي لكن تبدي تعطي

للموضوع في رؤس أقلام للكل حتى لو معاها خواتها,,انا ما قولك تكلميها بروحها

بس اختي لو خواتها اكبر منها يمكن هي تنحرج وماتقدر تاخذ وتعطي معاك كلميها بروحها

هذا احسن شئ ,وانا هل شئ صار مع اختي ما رضت تتكلم مع اخت زوجها قبل ما يتزوجها

الا لما صارت مع اخته بروحها بعيد عن خواتي الاكبر منها كانت مكسوفه تتلكم.

وبعدين بروحها افضل عشان تقدر لو عندها شئ تحكي فيه من غير خوف

ويارب يكون خير وتكون من نصيب اخوك ,وكل شئ يصير بالخير وبركة الله ورسوله

بس ماتنسينا من العزومه عشان نحضر الفرح اختي

وربي يتمم بخير .

في امان الله

اول شي سوي خطة محكمة

المرحلة الاولى ان يكون عند اخوك قبول مبدئي للبنات

المرحلة الثانية تشرحين له اهمية الاستخارة و تعطينه نص الاستنخارة

المرحلة الثالثة لما يقولك انه حاس انه مرتاح للموضوع ابدئي بالخطة " ب "

الخطة " ب "

تصلين انتي نفسك استخارة في انك اتكوني طرف في الموضوع

تظبطين الكلام الي لازم تقولينه للبنت و تتخيرين وقت مناسب و لحالها بدوناحد
و تنتقلين للخطة " ج "

تروحين لهم
تسولفين مثل كل مرة
تاخذينها على جنب
تفهمينها القصة كاملة و تشرحين موقفك

تدعينها الى ان تتعرف على فضل الاستخارة

تعطينها نص الاستخارة و تتوكلين على الله في سغيك للخير

تنتظرين النتيجة

ها الطريقة هي الاسلم للاطراف كلها

بالتوفيق لما يحبه الله ويرضاه

وعليكم السلام ورحمة الله وبركاتة
عزيزتي هية بنت خالتج يعني على كولت المثل دخلي بموضوع مباشر ههههههههههههه
يعني لالف ور دوران وحتى لو تتكلمين كدام خواتها يكون احسن

يجب ان تكلميها وحدها حتى تكون اكثر حرية فى الرد

دام انها بنت خالتج اكيد قريبه منج .... كلميها بروحها فالبدايه احسن عشان تاخذ راحتها .... يمكن تنحرج جدام خواتها اوترد رد هي مب مقتنعه فيه ......


والله يوفق اخوج وياها اذا كان فيه خير لهم يارب


وبشرينا عاد ... ننتظر :shy:

اختي يمكن يكون ردي شوي متاخر انا اقول انك تكلميها على انفراد افضل شي وتسالينها عن رايها ولو وافقت تروحون تخطبونها رسمي عشان تقولك رايها فصراحه وتكونين تعرفينه بدون ضغظ من حد فالموافقه او الرفض وان شالله تكون من نصيبه بشرينا اختي شصار .

السموووحه لأني تأخرت فالرد عليكم المهم حبيت أخبركم شو اللي صار معايه مثل ما قلت فالموضوع اني بزورهم وطبعا أول شي سويته اتصلت عشان أعرف اذا بيكونون فالبيت والا لا المهم لما وصلت هناك كانت حرمت أبوها موجوده وبنت خالوتي اللي نبا نخطبها بس خواتها ما كانو موجودات وبعدين قعدت معاها سولفنا وكنت أقول بتريا خواتها بس سبحان الله كأنه ربي كاتب اني أكلمها بروحها ولأنه خواتها تأخروا فقلت أكلمها واتوكل على الله قبل ما أقولها السالفه قالت انها بتملج قلتلها لتتمصخرين لأني يايه أكلمج في موضوع المهم قلت بصراحه أخويه حاب يخطب وحده فيكم واللي هي انتي فهي اتفاجأت وتمت ساكته لأنها ما كانت تتوقع اتكون هي وبعدين حبيت أوضح شي هي الكبيره يعني عمرها 22 سنة المهم قالت في ناس يايين قبلنا وودهم يخطبونها لولدهم وهو أخو ربيعتها والرمسه كانت بين الرياييل وهي حاليا ما تعرف شو بيستوي وقالت لي انه نتريا شو بيستوي وان شاء الله خير

الحلوه نعناعة

مشكوووره يالغاليه على مرورج وردج ولا هنتي

ابرار الجنة

تسلمين يالحلوه عالمرور والله يجعل مثواج الجنة وفالج الطيب بعزمج على جلكسي خخخخخخخخ

عروس ليبيا

مشكوووره يالغلا على ردج وبصراحه كفيتي ووفيتي والله يرزقج بالزوج الصالح ويرزق الجميع وان شاء الله بعزمج على عرسي بس انتي تيبين الأكل ههههههههه

انا حلوة

مشكوووره يالغاليه عالمرور وما شاء الله عليج وردج ما عليه كلام وربي يوفقج ويحفظج من كل شر وان شاء الله بنفذ الخطة المره اليايه ويعطيج العافية

الينبوعة

تسلمين يالحبوبه عالمرور وسلمت يمناج على الرد ولا هنتي

السمسم

مشكوووره عيوني عالمرور واللي قلتيه في ردج أنا سويته ونورتي الصفحه بمرورج

بنت الغالي

مشكوووره يالغلا عالمرور وأكيييد بخبركم شو بيستوي بعدين لأني مالي غنى عنكم والله ييسر أمرج ويفرح قلبج ويرزقج بالزوج الصالح

alshegra

أول شي مشكوووره يالغاليه عالمرور وثاني شي ردج مب متأخر لأنه نحنا في هالمنتدى نفيد ونستفيد يعني ما فيها شي لو كان ردج بعد ما صار الموضوع المهم فديتج ربي يوفقج دوووم ويحفظج

واشكر كل من دخل على موضوعي والله ليحرمني من طلتكم الحلوووه والله يوفق الجميع لما يحبه ويرضاه والسموووحه مره ثانيه على التأخير ويعطيكم العافية

تسلمين حبيبتي عالدعاوي الحلوهـ

انصحيها تستخير والي فيه الخير ربي بيقدمهـ ان شاءالله (f)

خليها تستخير .....
والله يكت لعهم اللي فيه الخير

بس بليز قولي لناااااا وافقت على من...... :)

انتي شحسيتي من كلام البنت انه هي مايله اكثر انها حابه اكثر انها تاخذ اخو صديقتك او اخوك شوفي رايها وقوليلها تفكر عدل وتستخير وانتي مثل اختها والله يكتب اللي فيه الخير ان شالله.

سبحان الله تصدقين السالفه هذي جالسه افكر فيها لانها مشابهه لقصتي اخوي يبي بنت عمي واهي الصغيره واخواتها هم صديقاتي وامووون كثير عليهم بس هي من الجيل الي بعدنا فما فيه احتكاك كثير ومحتاره اكلمها هي والا اقول لاخواتها وهم يكلمونها ؟وش رايكم بنات

نسيت أخبركم خواتي هي خبرتني انها استخارت حق أخو ربيعتها وارتاحت وأنا ما قلت لها تستخير حق أخويه انتوا شو رايكم أقولها تستخير مره ثانيه والا نتريا شو بيستوي؟؟؟

بنت الغالي

مشكوووره غناتي على مرورج مره ثانيه وهذا يدل على اهتمامج بالموضوع وربي يحفظج

رايقــــة

مشكوووره يالغاليه على مرورج وأكيييد بخبركم شو بيستوي والله يسعدج ويهنيج

alshegra

تسلمين يالغلا على مرورج مره ثانيه وتبين الصراحه هي ما كانت تتوقع انه أخويه بيخطبها واحس انها ما تبا ترفض أخويه بس تقول نترك الموضوع ونتريا شو بيستوي وان شاء الله خير وربي يحفظج من كل شر والله يجعل مثواج الجنة

بنت الريااض

أول شي اشكرج على مرورج وثاني شي سوي شراتي كلميها بروحها وتوكلي على الله وان شاء الله خير بس لتنسين تخبرينا شو بيستوي معاج والله يوفق الجميع لما يحبه ويرضاه ويعطيج العافية

وبصراحه أنا وااااااااااااااااايد مستااااااااااانسه لأنكم دخلتوا على موضوعي مره ثانيه وحياكم الله وكل يوم تعالوا خخخخخخخخ مصختها صح ههههههه
المهم خواتي الله ليرحمني من طلتكم الحلوووه وربي يحفظكم من كل شر

اختي الحبيبه بنت دبي

انا اقول دامها استخارت وحست انها مرتاحه وهي قالت لكم كذا الله واعلم قد يكون نصيبها وكل هذي تساهيل من الله سبحانه فلا تقولين لها تستخير حق اخوك دامها استخارت من الاول اللي كاتبه ربي يصير

لو اخوك من نصيبها مارح يتم موضوع خطبتها

ولاتنسين انها مخطوبه الحين وخطبه فوق خطبه ماتجوز مالكم الا تصبرون بعد قرارها اذا وافقت على اخو صديقتها فهذا نصيبها والله يوفقها واذا ماوافقت وقالت لكم انها رفضت وقتها تقدرون تكلمونها مره ثانيه

اسيرة قلبه:



اختي الحبيبه بنت دبي

انا اقول دامها استخارت وحست انها مرتاحه وهي قالت لكم كذا الله واعلم قد يكون نصيبها وكل هذي تساهيل من الله سبحانه فلا تقولين لها تستخير حق اخوك دامها استخارت من الاول اللي كاتبه ربي يصير

لو اخوك من نصيبها مارح يتم موضوع خطبتها

ولاتنسين انها مخطوبه الحين وخطبه فوق خطبه ماتجوز مالكم الا تصبرون بعد قرارها اذا وافقت على اخو صديقتها فهذا نصيبها والله يوفقها واذا ماوافقت وقالت لكم انها رفضت وقتها تقدرون تكلمونها مره ثانيه

مشكوووره يا عروستنا عالمرور ونورتي الصفحه بتواجدج وحبيت أقولج يالغاليه أنا قلتها دامج ارتحتي بعد الاستخاره وصار الموضوع بسرعه فهذا معناته انه ربي ميسر الموضوع وانه الزواج قسمه ونصيب وبصراحه هي شرات اختي يعني اذا ما خذت أخويه ما عندي مشكله بكون مستانسه لها وان شاء الله خير والله يوفق الجميع لما يحبه ويرضاه وأنا مستانسه أكثر لأنج رديتي على موضوعي والله ليحرمني من مرورج وربي يحفظج ويسعدج ويهنيج ويعطيج العافية ولا هنتي