سلط فروت قصر الامارات

عزيزاتي

كيف حالكم
من زمان ما حطيت لكم وصفة اكل

والحين عندي وصفة يديدة وجربوها وجبروني عنها

لاني اللي بياكله عندج بيطلب طريقتها

وهي عبارة عن سلطة فواكة يسوونها في فندق قصر الامارات في بوظبي

وهي عبارة عن
اي نوع من الفواكه اللي تقدرين تقطعينها مكعبات مثلا
البطيخ والتفاح والمانجو والكيوي وشي ما اعرفة اسمه مثل الكيوي بالداخل ابيض وفيه حبوب سود ومن برا وردي لونه واي نوع ثاني تحبون

المهم تقطعين الفواكه على شكل مكعبات

بتقولون في اليديد في هذا

الحين اقولكم السر

اتيبين حبتين افوكادو ونص علبة حليب مركز وايس كريم الفانيلا وتخلطينهم

وتخلين الفواكه برحهم والخلطة بروحها
ولما تقدمينها لحد تقومين تصبين الخلطة على الفواكة

وراح ينبهرون بالنتيجة


على فكرة انا ما احب الفواكة
بس احب اسوي اشياء يديدة وغريبة


المهم اتريا النتائج