حوامل البحرين .. وينه مصنع الكاكاو ؟

اختي انا ما اعرف المصنع وللحين ما زرته
بس سمعت عنه من موضوع حوامل البحرين
عموماً
اسمه dutch delight
وهذا رقم تلفونه اذا حابه تستفسرين
(يمنع وضع أرقام هواتف، يرجى إرساله على الخاص)

اتمنى اكون ساعدتج

مشكووورة اختي و ما قصرتي ..

يزاج الله خير (f)

مرحبا اختي ..
بالنسه ق المصنع، اسمه Dutch Delight مكانه في الحد --> الحوض الجاف
اذا تبين الوصف بالضبط .. اذا انتي جايه من جهه عراد روحي سيده الين توصلين جسر الشيخ خليفه، الجسر بيكون على يدك اليمين، طوفي الاشاره وبعد روحي سيده الين يجيك دوار، على يسار الدوار راح تلاقين مجمع سكني وفي الجهه المقابله راح تلاقين محل كبير اسمه BIBC اتوقع مكتوب عليه (تنمية المشاريع الصغيره) .. المهم قولي على الحارس انك تبين تزورين مصنع الكاكاو .. بيكون رقم (4).

بالنسبه حق نوعيه الكاكاو .. فهي نوعيه فاخره 100% .. صناعه سويسرية .. الحلو انهم يقدرون يسون لك اي شكل تبينه .. عندهم كاكاو بالقطع، الكيلو بــ 14 دينار وعندهم اشكال مثل اطفال وجذي بس هذه القطع تكون غاليه حوالي 3.5 دنيار للقطعه الوحده

انا وووايد استانست على المحل و على جوده الكاكاو اللي عندهم .. ما طلعت الا وانا ماخذه لي ربع كيلو مشكل .. طلع علي بـ 3 دينار ونصف (16 قطعه فقط) ..

يالله ان شاءلله تروحينه ويعجبك ..

ان شاءلله قدرت افيدج ..

إنسانة

أنا مجربته مرة وخذيت كيلو طلع لي ب 13 دينار،، نوعا ما حلو بس لازم يكون بوقته، يعني يستهلك خلال أيام من شرائه...
كذا وحده ماخذته لولادتها وكان حلو شكله بغرفة الولادة....

يزاااكم الله خير خواتي insana و رانيا البحرينية

و الله شجعتووووني وااايد .. ان شاء الله اروح و اشوفه هالمصنع :)