آآآه نفسيتي متحطمه .. ( يارب ساعدني )

السلام عليكم ورحمة الله وبركاته

شحالكم خواتي ان شاء الله بخير

انا عندي مشكله وبنظري هي كبيره :sad:

كلنا نشوف هالاغرائات الي تنعرض فالاسواق والتلفزيونات .. اقصد عارضات الازياء و هالله هالله ع اللبس والميك آب .. والبشره الصافيه .. ( إخرطي )!! والشعر الحرير

اااااااه تعبنا وربي تعبنا..

الرجال لو كانوا يخافون الله وملتزمين لاكن بعد عيونهم تروح يمين ويسار.. وكله يبون نسوي نفس فلانه وعلانه ..

وانا بروحي ابي اكون دوم مميزه .. قبل لايطلبه زوجي..لاكن تعبنا والله كثر الخلطات والملطات :sad:

الان بخبركم عن مشكلتي بالظبط .. واسمحولي ماعرفت وين انزل الموضوع ..

خواتي انا ولله الحمد جميله .. ومب ناقصني شي ولله الحمد والمنه .. لاكن أشعر ان جمالي يخترب كل يوم ..

مثلا شعري كان يهبل.. ولازال لاكن فيه عندي مشكلة التقصف و شوي خفيف.. تعبت والله تعبت كثر الخلطات .. وماني عارفه اصدق منو ولا منو

وجهي.. حلو بعد الا يجنن ولله الحمد !! لاكن الحبوب ذبحتني وبتسوي لي قلق :confused: المشكله انا ماتعبث فيهم لاكن يتم لون بني عقب ماتروح .. طبعا عقب ماتطلع روحي هي تروح الحبه :angry:
واذا راح الحب.. اكون واقفه فالشمس او ليت قوي احصل وجهي متروس حبوب صغيره وكأنها حفر.. :confused:
وحتى بدون ماوقف ف الشمس..ملمس البشره يدل على انه فيه حبوب صغيره :confused:
و يوم ماخلي كريم أساس يتقشر وجهي.. او مايظهر حلو ..


ننتقل للجسم .. جسمي بعد حلو وعيني الله عليه !!

لاكن !! ؟؟؟

يوم أتسبح وأليف جسمي احس انه لحين فيه دهن مع اني افرك بقوه بس بعد يتم فيه دهن احسه لحين وصخ ..
أضافه لهذا السيليولايت.. ااااااااه من قبل الزواج وانا اعاني منه خصوصا منطقه بطة الرجل.. والافخاذ وخلفيتي.. كلها خطوط بيضه ومترهله تقريبا..

اضيفوا لهذا بشرتي بشكل عام ماحس انها ناااعمه حيل..


الحين بخبركم عن المشكله ألأكبر

لي فترة احس بضغط كبير والله ماقدر اوصفه .. وع طول افكر

وكله استخير

تعرفون ليش

لي شهر.. وانا دايخه بهالمنتجات .. الي تنحف والي تنبت الشعر والي والي

اااااااه مب عارفه منو أصدق ومنو ومنو ..

القهر كل ماحصلنا علاج ولا خلطه يطلعون لنا ثاني يوم يقولون هذا تسبب سرطان ولا أمراض قاتله :sad: اااااااااااه وش السوات ياعالم

ماعاد عندي ثقه بأي حد ..

أبي املي عين زوجي.. ومابيه يقول هالشي مب عند زوجتي..

المشكله الكبيره اني خبيره فوتوشوب.. وهالحركات

يعني ان شفت منتج وشفت نتايجه ع الغرشه ولا الموقع اقوم اوسوس..واقول اكيد مسوينه فالفوتو

مثلا الشعر بكل سهوله الحين اقدر احول اصلع لانسان مشعر بشكل مجنون وبخمس دقايق عن طريق برنامج الفوتو

فهمتوني؟؟؟ :sad: مافيه ثقه .. وكل اشك .. فكل ششي أشك..سواء كان طبي او طبيعي..

حتى هني.. يوم تعرض وحده خلطه او زيت للشعر وتكتب شهادات فمنتجها.. اقوم أشك واوسوس..

اقول اكيد هي مسجله بنك ثاني.. وجالسه تمدح عشان يشترون .. ولا موصيه رفيجاتها :confused: :confused:

ياعالم وش السوات خبروني.؟؟؟

ان رحت لطبيب قالوا مب زين .. ان رحت للاعشاب بعد مب زين

وين أروح ياربي..


بنات اختكم تعبانه نفسيا.. والله شاهد علي .. ومطلع وعارف وشلون انا تعبانه ..

وحيرانه ..

:sad: :sad: