خبز جباب من مطبخ امـ خماسـ

خبز جباب من مطبخ ام خماس
السلام عليكم ورحمة اللع وبركاته
حبيت اسويلكن اليوم خبز مشهور بالامارات وهو الجباب
وطبعا طريقته بسيطه وسهله وطعمه وايد لذيذ :ok: اتمنى ان يعيبكن
اول شى المكونات
1-طحين رقم واحد او اثنين مب مشكله
2-فنجان سكر ورشة ملح
3-فنجانين حليب بودر
4-ملعقه خميره
5-زعفران
6-فنجان ماي ورد
7-بيضتين
وطبعا ماي
الطريقه
نجيب طنجره ونحط فيها كل المقادير ما عدا الطحين
نظيف عليهم كوب ين ماي دافي ونخلطهم زين ما زين لين ما نشوف الخميره ذابت
بعدين نظيف الطحين ونخلطهم مع بعض ونظيف الماي الدافي بالتدريج الين ما تصير العجينه رفيعه شوي
نخليها بمكان دافي لمدة ساعتين وياريت انلفها بقطعة قماش حتى تخمر بسرعه
وعقب ما تخمر نجييب تاوه ياليت تيفال حتى الخبزه ما تلصق ونحطها على نارهاديه وناخذ مقدار ملعقه كبيره ونفرشها بالتاوه ونخلي الخبزه الين ما تحمر من تحت بعدين نجلبهاالصوب الثاني
ونستمر بهالطريقه حسب الكميه اللي نباها
اخر شي ندهن الخبز بالسمن البلدي
اتمنى ان تكون الطريقة سهلة والخبز عيبكن
وصحتين وهنا :salam: