أختي العزيزه احلى ريومه
تسلمين عالصور الحلوه
الله يعطيج العافيه ودمتي بخير
حبيت أوضح للبنات شنو هي السفرة
سفرة العجم هاذي تقليد من تقاليد العجم واللحين عادي يسونها العرب
وهي تكون في ليلة العقد يحطووون سفرة الأغلبيه يختارون اللون الأخضر
والبعض على حسب لون فستان العروس ويحطوون فيها اشياااء وايد
مثل الحلويات والمكسرات مثل الجوز واللوز والبندق المصبوغ باللون الذهبي او الفضي
والفواكه والاناناس وبعض الهدايا والتحف للمعازيم وعسل عشان المعاريس
يأكلون بعضهم البعض بالخنصر عشان تصير أيامهم كلها عسل :shy:
وقفص فيه عصفورين او حوض سمج صغير ونافوره صغيره وشموع أنواع وأشكال
وقرآن ومنظره <---مقابل وجه العروس والمعرس
وفي بعض البنات يحطون اطار وداخله صورهم <----هاذي حركه جديده
وبعدين يقعدون العروس والعريس قبال السفرة ويواصلون احتفالهم بليلة الملجه
وبس
أختكم الدانـــــــه
