الزواج من رجل متزوج سؤال

أنا من رايي أن الوحده ماتفكر تتزوج من واحد متزوج وخاصه اذا عنده أولاد :no:
ارضي لغيرك كما ترضين لنفسك .........:yes:

اذا ما كنت انت بتكون غيرج
بعدين الريال شكله مقتدر وقادر يفتح بيوت وبما انه في باله الزواج بيتزوج يعني بيتزوج ، فاذا كان الريال وايد زين ليش لا وقادر يعدل واخلاقه طيبه.....اذا جائكم من ترضون دينه وخلقه فزوجوه...... عزيزتي اذا بغيتي تفكرين في الموضوع بشكل جدي استخير واسألي اهلج القراب وهم ان شاء الله بيدلونج على اللي فيه الخير..... ولا تنتظرين راي الناس انت في هالوضع واللي مش في مكانج ماراح تفكر مثلج ..... انتي ادرى باوضاعج ..كل واحد بيتكلم من وجهة نظره هو وقناعاته
والله يكتبلج اللي فيه الخير

لا تسوين جذي
شلون تفتحين بيت على حساب بيت وحده ثانيه ؟
اذا بتكون وحده ثانية مثل ما تقول اختي راعية الزين
خليها تكون وحده ثانيه
لان الزوج ما راح يعدل و بيظلمهم فبيدعون عليج
لا تصيرين انانيه انتي حطي نفسج مكانها ترضين ؟

بصراحة موضوع يحير
احيانا تقولين هوا بيتزوج منك او من غيرك ويكون هوا عاجبك واحيانا اخرى تفكري انة الي ما ترضينه على روحك ما ترضيه على غيرك وخصوصا ادا كان عندة اطفال وحتى لو ما عندة والله صعبة حرق القلوب ربي يعينك والله القرار صعب
استخيري ربي وان شاء الله يصير خير .....طمنينا عليك ما تنسي في امان الله

والله الله يعينج بس استخيري اكثر من مرة علشان ما تندمي

انا راي ((مثل ماقلت راي)) على حسب وضع ...



مثلا اذا كنتي وايد اكبيره في السن (يعني عانس او طاف عليج سن الزواج) او مطلقه...


على فكره انا اعتبر الحرمه عانس اذا جاوزت سن 40

مب 25 او 28 سنه مثل يفكرون بعض الناس والمجتمعات...


او كانت حرمته ماتقدر تحمل ..او عندها مرض ماتقدر تعطي لزوجها حقوقه الزوجيه

بعدين ياالغاليه تعداد مب حرام ,, والرسول (صلى الله عليه وسلم) ماخذ كم وحده

واذا كان ريال وووايد طيب وخلاقه زينه ويعرف ربه والحمد الله

وطبعا مايكون في فارق سن وايد ,,

ليش لا؟؟؟



طبعا لازم الريال يكون عادل بين حريمه , ويكون ميسور الحال عسب يقدر يصرف كم بيت




واهم شي لازم تعرفين راي حرمته,,

اذا كان في مشاكل وخراب بيوت بسبب هاي الزواج ,, نصيحة اتركي عسب ماتكوني انتي السبب
وماترتاحين ابدا بسبب المشاكل....
واذا هي موافقه وطيبه واتحب الخير,, اتوكلي على الله...




بس اذا انتي اصغيره في السن,, صبري ...

ان الله مع الصابرين..
وان شاء الله يوفقج برجلا صالح..








اختج في الله
بنت العين

اذا بترضيين بربع ريال وافقي ....

يعني حطي في بالج انه ماراح يكوون عندج على طوووول يوم عندج ويوم في بيته الثاني
ويوم عند ربعه ويوم عند اهله (امه وابوه)

وفيه اوقاات بتحتاجنه جنبك بس ما بتحصلينه لانه بيكوون دووور حد ثاني غيييرك

عند اللي ذكرتهم فووووق

والله يوفقج ,,,,

انا اقول وافقي ولا ترددين اذا اخلاقه زينه ولد ناس ويعدين انا اشوف من كثر الردود ان ممنوع وحرام وكلام كثير بس هم مافكرو برجل نفسه يمكن ناقصه شي وزوجته مومهتمه وفكر بلحلال وكثير يقولون اذاما بترضين لنفسج لا ترضين لغيرج طبعا مابرضا لنفسي لني شايله زوجي علا كفوف الراحه وبجذي مابيفكر يتزوج ابد اما اذا قصرت معاه فحقه الزواج وانا زوجه ثانيه وزوجي يقول قبل كنت بس افكر بزواج ولما خذاني يحلف يقول خلاص لقيت احد يحس فيني ويهتم

وعليكم السلام ورحمة الله وبركاتة
هناك عددت حلاات يعني ما اكدر اتكلم لان ما اعرف الظروف
بس انتي اكيد تعرفي مصلحتج اكثر منا ومن اي شخص
بس نصيحة صغيرة من اختج
الي يزوج مرة مرتين وما يسلك مع اي زوجة المعنى العيب منة
وعسا الله يهدي الجميع

ماااااااااااانصحج يا الغاليه...
الا اذا كنتي فوق الاربعين،،،
ترا الدنيا مو سهله ،،، وتاكدي راح تواجهج صعوبات كثيرة وانه ماراح يكون جنبج مثل ما قالت احدى الخوات بيكون لج ربع او ثلث زوج

انا زوجي ماعندي غيري ولا اشوفه،،، ولا تنسين انه متزوج وهل تستحملين الغيرة؟؟
والناس قدرات بموضوع الغيره

وقبل كل شي ما خاب من استشار،،، وتوجهي للي خلقنا هو اعلم بما يسرنا وبيضايقنا

ماااااااااااانصحج يا الغاليه...
الا اذا كنتي فوق الاربعين،،،
ترا الدنيا مو سهله ،،، وتاكدي راح تواجهج صعوبات كثيرة وانه ماراح يكون جنبج مثل ما قالت احدى الخوات بيكون لج ربع او ثلث زوج

انا زوجي ماعندي غيري ولا اشوفه،،، ولا تنسين انه متزوج وهل تستحملين الغيرة؟؟
والناس قدرات بموضوع الغيره

وقبل كل شي ما خاب من استشار،،، وتوجهي للي خلقنا هو اعلم بما يسرنا وبيضايقنا

مدري احترت من جد بس اظن كلان بنت العين عدل شوفي اش ظروفقك واستخيري والله يوفقك

@عصفورة دبي@:
أنا من رايي أن الوحده ماتفكر تتزوج من واحد متزوج وخاصه اذا عنده أولاد :no:
ارضي لغيرك كما ترضين لنفسك .........:yes:

انا رأيي مثل رايها ..
ولو كان متزوج 1 وانتي الثانيه او حتى الثالثه ..
في يوم من الايام بيقول يبي الـ 4

وبعد مثل ماقالو بعض الاخوات ..
الغيره لها دور ..
يعني حطي في بالج .. مو كل يوم معاج ..


والله يوفقج يااااااااااااااارب..:)

أنا أتمنى أكون الزوجه الرابعه مادري ليش دايما أفكر بهالشي... و سبحان الله كل اللي يتقدمون لي يكونون يا مطلقين أو متزوجين و عندهم عيال هههه و من يومين تقدم لي واحد متزوج و عنده عيال و يبا الزواج يكون بالسر عشان ماتعرف زوجته لانها زعلت يوم عرفت إنه مفكر يتزوج، شي طبيعي لكن إذا أنا اقتنعت فيه على طول بوافق... بس أهلي مش موافقين على الزواج السري أكيد يبون يفروحن بعرسي لكن أنا عادي عندي كله واحد سواء تزوجت أو ما تزوجت فكلا الحالتين بكون رايقه و مرتاحه.. إذا ما تزوجت تراني عند أهلي مرتاحه و إذا تزوجت واحد متزوج بعد زين لأن أغلب الوقت بيكون عند زوجته الأولى أحسن عن مايجابلني 24 ساعه ما أحب أتقيد بشخص أو شي ما.....

لا تحرموا ما احل الله له ... والرجل لا يقدم على الزواج الا هو متأكد من نفسه ... ويابنت اتركوا عنكم خرابيط التلفزيون والمسلسلات المصرية ...

الايدز والامراض الجنسية ماطلعت عندنا الا يوم حرمتوا على الريال الزواج من اخرى ممكن تكون اول شيء ستر وغطى على ريلج وثاني شيء تكفيج انتي من الامراض

يا بنات اتقوا الله في انفسكم قبل اي شيء واعتقد انه زوجات الرسول افضل نساء العالمين ..
انتوا مارح تكونون احسن عنهم ... في اي شيء

ثاني شيء وهو اهم شيء واعتقد انه لا انتي ولا غيرج مسؤولين عنه ... النصيب والحياة والموت والرزق والحساب والعقاب كلها بيد رب العاليمن منو انتوا عشان تحاسبون الريال او تحاسبون الحرمه على اللي هي تسويه ...

يا بنات مافي شيء الله شرعه لنا الا له حكمه ...

تعرفون التقيت بحرمه مسيحيه ... تقولي كنت بسلم بس يوم عرفت انه الريال محلل له اربع كرهت الاسلام .. تخيلوا وشو قالت قالت انه الله مايحبكم ...

وسرت وسالت وانا نفسي دخل في قلبي الشك .. الشيطان واعوذ بالله منه ... يا بنات .. وهذا اللي اكتشفته

اني امراة الله يحبني وقدر لي حسابي وعقابي ونصيبي في الدينا ... قدر لي امتحاني وقدر لي الزوج ... وقدر لي كل ماراح يصير في حياتي

كون زوجي تزوج ... هذا اكيد امتحان لي لقوة ايماني بالله
كون زوجي تزوج ... لانه رب العالمين يحبني ويحب زوجي اللي فكر بالحلال ومافكر بالحرام واتخذ له زوجه وليست عشيقه لمسها هو وغيره من الرجال وتتسبب في نقل الامراض لي وله ولعايلي بعد
كون زوجي تزوج اكيد الله كاتب له ويختبره
كون زوجي تزوج مش معناة خيانه معناه انه الله يحبني ونبهني اني مقصره في حقه ولازم اكون مش مقصرة

يا حريم ويا بنات الله ماشرع شيء في الدنيا الا له اسباب

ولاتقولون لي العدل ... هذا واجب الريال مش واجبج ...

كل اللي تقدرين تسوينه في حياتج شيء واحد فقط تدعين رب العالمين انه يصبر قلبج

يابنات انا زوجه لرجل ومعنده غيري ... ولكن لو في يوم تزوج علي

اشهد بالله العظيم اني لان اتكلم وراح اصبر وراح احتسب هذا الشيء لوجه الله تعالى ...

لاني نويت اجتهد بكل شيء لدخول الجنة

يابنات هذه جنة الخلد واتركوا عنكم امور الدنيا

اختكم

اللهي يهديني ويهديكم لما يحبه ويرضاه
ويغفر لي ولكم ولجميع المسلمين والمسلمات
الاحياء منهم والاموات

وشكراً

اختي انتي ماوضحتيلنا وضع هالريال
هل هو متزوج ومطلق والا معاه حرمته الاولى؟
يعني انتي تقدرين تتحملين تتقاسمين زوجج مع وحده غيرج؟
اذا كنتي غيوره وحساسه كأغلب البنات فالزواج منه صعب وبيتعبج وايد
يعني انا لو كنت الزوجه الأولى بندمج اليوم اللي فكرتي فيه تاخذين زوجي مني
واذا كنت الثانيه كنت بغيرتي بندم زوجي اللي اختارني ثانيه على زوجته الاولى
فنصيحه لج لاتقدمين على هالخطوه الجريئه عشان لاتخربين حياتج وحياة غيرج الا اذا كان مطلق

والسموحه على صراحتي القاسيه بس مثل ماقالوا خواتي ارضي لغيرج مثل ماترضين لنفسج

[QUOTE=katkooota]اذا بترضيين بربع ريال وافقي ....

يعني حطي في بالج انه ماراح يكوون عندج على طوووول يوم عندج ويوم في بيته الثاني
ويوم عند ربعه ويوم عند اهله (امه وابوه)

وفيه اوقاات بتحتاجنه جنبك بس ما بتحصلينه لانه بيكوون دووور حد ثاني غيييرك

عند اللي ذكرتهم فووووق

والله يوفقج ,,,,[/QUO

والي تزوج التانية بياخد بعدها التالتة والرابعة
ومو كل شي انو الزوج يصرف عليها بيضل وقت للمحبة والالفة
ما بعتقد انو قصة الحج متولي تكون حقيقية او ممكن تصير واقع

مشكورين وايد و انا شاءلله بفكر قبل ما اقدم على هذا الشي

حبيبتي لو بتحبيه وبتحسي حالك انه هو حبك الحقيقي

ما عليك من الكلام ولو يكون متزوج ثلاث اخده

لان مش كل يوم نحب هو حب حقيقي واحد نحس بيه مرة واحده في العمر

وان كنتي تحبيه وضيعتيه منك عشان غير وكلام الناس اكيد بتتندمين طول عمرك

لانه ولا رجال راح تفرحي معه غير حبيبك

كفاية انه شرع ربنا وانتي ماراح تعملي شي حرام

اما اذا ما بتحبيه وبس الامور عندك سترة او مسائل مادية كانه غني او شي هيك

فريحي حالي وبلاش المرمطة و الشرشحة مع الضراير

انتي ممكن تضحي وتتزوجيه اذا كنتي بتحبيه لانه كل شي راح تقدري تتحمليه كرماله وهو كمان لو بينكم حب

اما لو بس حيا الله زواج واي كلام

ما في داعي انك تعذبي حالك مع الضراير وفوق هذا مافي شي عاطفي قوي يجمع بينكم ويخلي تتحدي العالم وتصبري

اتمنى لك التوفيق ولي كمان ولكل النساء المسلمات

ولا تنسي ان تطمنينا عليك