بنات جدة استفتاء ادخلوا الله يوفقكم

الملكة الواثقه:
السلام عليكم

وعليكم السلام ورحمة الله وبركاته
كيفكم يا بنات عروس كلكم عامة وبنات جده خاصة

تمامو الحمدلله


حدخل في الموضوع بسرعه .........



بنات جده ابغى استشيركم في كم موضوع وانا متأكدة انكم ماراح تبخلون علي ان شاء الله والله يوفق الجميع ياااااااااااااارب

تفضلي

اولا/ يمنع السؤال عن الطربات والفرق الغنائيه ( تم حذف السؤال)

السؤال هنا مو باين ندخل عالثاني ههههههههه

ثاني استشارة / محتارة بين 3 صالونات
1) امارة سنتر

حبيبتي هذا انا حجزت عندهم رحت عندهم وشفت عرايس عاملين عندهم وكمانا شوفت صور من شغلهم وكان حلوووو وناعم وجذاب زي ماتبغي وروحي انتي وشوفي لانه الازواق تختلف2)

منة سنتر

هذا ياقلبي وحدة اعرفها زوقها مرة حلو مدحتلي هو بس مشكلتهم انه بعيد على ما اعتقد انه في السامر معنو امارة في حراء بس شي اهون من التاني يعني السامر بعيد شوية عن القاعة اللي حاجزين فيها وشوفي انتي اللي يناسبك

3) في وريما

ازا كنت تقصدي ريما اللي في حراء تراه مو حلو يعني شغلهم عفش ومو مرتب بالمرة يعني اللي يحب الشي الناعم مارح يناسبهم وانتي روحي وشوفي احسن واظمن وازا كنت تقصدي صالون تاني فأنا اكيد مااعرفو

ايش الافضل بينهم الثلاثة
ابغى مكياج ناعم بس جذاب يعني مو باهت وتسريحه حلوة
وياريت الي تختار صالون من الثلاثة تقول من احسن وحده في الشعر والمكياج

والله انا زي ماقولتلك في امارة وروني صور وانا اخترت وحدة من الصور اللي عجبني شغلها واخترت هناء عطوفةوعلى فكرة عندهم عروض مرررة حلوووة

ثالث استشارة/
ابغى اسوي زفات بالأسماء لكن اسعارها غالية مين تعرف مكان يسوي زفات بأسعار حلوة

شوفي انا وحدة رح تسويلي الزفة وبااسماء لكن للاسف هي دحين تمر بظروف الله يعلم بحالها ويفرج كربتها يارب وقالت لي انتي اخر وحدة رح اعملك زفة والله لو كانت لساته تسوي زفات كنت على طول اعطيتك رقمها وشوفي في جريدة الوسيط في محل حاط اعلان بس ماني متزكرة اسمه وكان مكتوب انه يعمل زفات بالاسماء والله بس اتزكر اسمه رح ارسلك هو .

رابع استشارة/
ابغى مصورة كويسة وثقه مايتجاوز سعرها مع الفيديو 4500 ويكون البوم الديجيتال واهم شي تكون ثقه

والله ياعمري انا حجزت عند وحدة اسمها بسمة وهي في بيتها وهي اللي تحمض الصور في بيتها وهي اللي تعمل البروجكتر بنفسها وفي بيتها واسعارها حلوة وكمان تعمل زفات في بيتها والله انا اخواتي التلاتة صوروا عندها بس هذا الكلام قبل 8 سنين تقريبا طبعا كل وحدة لحاله ههههه يعني كل وحدة كان فرحها لحالها وكنت مترددة في البداية اروح عندها ولا لا؟ بس من باب التغير وفي نفس الوقت خايفة انه يكون شغلها نفسه ماتغير عن 8السنين اللي فاتو بس لما روحت عندها البيت لقيتها هي نفسها بنفس روحها الطيبة لكن شغلها تغير بالمرة لانه دحين غير عن زمان التطورات تغير من سنة لتانية يعني مرررة روووعة والبروجكتر حقها يجنن و صادف في اليوم اللي روحت فيه عندها كانت في عروسه جاية تاخذ صورها والبروجكتر والفيديو حقها وفرجتنا شوية منو .ازا تبغي رقمها بس ارسليلي عالخاص وانا اعطيكي الرقم ياعسل.

وايش رايكم في المصورة سماهر هي في بيت.
الي تصورت عندها او سمعت عنها تقولي والله يجزاها خير

والله بجد اول مرة اسمع عنها

خامس استشارة /
ابغى مكان عنده تاجات حلوة ومايتجاوز سعر التاج 500 لاتقولون القاضي رحت عنده عنده تاجات حلوة بس سعر الي عجبني 1200 حرام على ليلة وحده ورحت فور يو فور ايفر بس كانت التاجات حق العرايس مرة ناعمه ابغى شي ملكي زي الاميرات ههههههههههه
وابغى اسألكم في الصالون الي حسوي فيه ممكن يأجرون تاجات

والله ياقمر انا ناوية ادخل التاج بس وين لساتني ماقررت لو تعرفي محل يدخل تاجات ياريت تفيديني

الى الآن هذي الإستشارات الي عندي واذا احتجتكم متأكدة انكم ماراح تبخلون علي بس ردوا علي بسرعه عشان اقدر احجز


ياريت ياقلبي اكون افدتك ولو شويه واسفة ازا طولت عليكي

الله يوفقكم يااااااااااارب ويعطي كل وحده الي في بالها قولوا آآآآآآآآآميييييييييييييين:shy: :shy:



الجميع يارب ويسهل على الجميع وادعيلي ياقلبي

في أمان الله

امان الكريم