مشاكل فترة الحمل وكيفية التغلب عليها باذن الله

السلام عليكم ورحمة الله



اي عروس حامل اقولها الله يسهل عليج واللي بعدها الله يرزقها


حبيت اتكلم عن اشياء ممكن تعاني منها المراه الحامل في اول شهور الحمل

وكيف ممكن تخفف منها وحبيت اكتب لكم الاسباب حتى تكونون على بينه وما تقولون ليش ا نا بس وفلانه جارتي ما صار لها مثلي

ترا والله مجهود شخصي لا منقول ولاغيره ومن كتبي الدراسيه يعني مصدر موثوق بس انا ترجمته ولا تضحكون على العربي الملغم بالعاميه


الشعور بالوهن

سببه غير معروف بس ممكن يكون بسبب تغير في الهرمونات لانها في هذي الفتره تكون مضطربه
غالبه ما يكون في اول ثلاث شهور من الحمل وهذا شي طبيعي وبعد الثلاث شهور تبدي تستقر الهرمونات ويرجع كل شي تماااام وفي جماعه من العلما يقولون سببه كثرة التبول

التغلب عليه

يكون بان المراه الحامل تحاول تاخذ فترات راحه في اليوم يعني قيلوله في النهار
تحاول تنام بدري بدل السهر عشان تعوض جسمها بنوم هادئ
تتساعد مع اهل زوجها او جدامتها في شغل البيت حتى ترتاح اكثر يعني تقلل منه عشان تاخذ قسط وافر من الراحه


الشعور بالغثيان ورغبة في الاستفراغ

بسبب ارتفاع هرمون اسمه humon chorionic gonadotropin وعلى فكره ترا لما المراه تروح تفحص عسب تعرف اذا حامل او لا الفحص يصير على هذا الهرمون لان ارتفاعه يدل على ان الحيوانات المنويه قاعده تدور على فريسه تخصبها واللي هيه المسكينه البويضه والاخصاب تو او لا


على الام الابتعاد عن الروائح المسببه لهذه الاعراض
تاكل توست عالريق وهيه بعدها في السرير................... يا عيني عالدلع
تاكل وجبات صغيره بس كثر من المراه العاديه
تشرب مشروبات فيها كاربونات


كثرة التبول

في اول فترة الحمل الرحم يبدي يضغط على المثانه ولو تلاحضون المره الحامل ترتاح من هذا الشي في الثلث الثاني من الحمل بس يرجع لها في الثلث الاخير

لان الرحم في الثلث الاول يحاول يطلع من الحوض الاصلي الى الحوض المزيف حتى يعطي مساحه للبيبي حتى يكبر ولما يكبر البيبي في الثلث الاخير يرد البيبي هي اللي يضغط على المثانه حتى ينزل

فهمتوا خخخخخخخ احس لخبطتكم

المهم
على الام الاكثار من شرب السوائل في اليوم والاهم انها تقللهم في المساء


احمرار الثدي

سببه زياده هرمون الاستروجين والبروجسترون

على الام لبس ستيانات تكون سانده للصدر supportive bra.... ما عرفت شو بالفصحا لووول


زياده الافرازات المهبليه

سببه زياده افزار الغدد للسوائل بسبب ارتفاع هرمون الاستروجين

على الام ان تستحم يوميا
تبتعد عن الملابس المصنوعه من النايلون للمنطقه الحساسه وتكثر من القطنيات


الرعاف يعني خروج دم من الانف

سببه ارتفاع هرومون الاستروجين

الابتعاد عن بخاخات الانف ويفضل الهواء البارد



اللي فات كله للشهور اثلاث الاولى

اذا حصلت تشجيع بكمل مشاكل الشهور اللي بعدهن