خطيب ربيعتي

والله ياعزيزتي انا من رايي ان لكل انسان طريقة في التعبير عن الحب
يعني مثلا هو يحبها بس مب شرط يبينه في انه يتصلها ولا يطرشلها مسجات

واحس هاي مشكله عاديه دامنه يحبها وخطبها وباجر ان شاالله بيصير ريلها ان شاالله.. لاتم تحاتي واتعب عمرها
ونصيحه لاتكثر الاتصالات في فترة الخطبة صدقيني الريال يمل بسرعه وانا اقولها عن تجربة مرت مع بنت خالتي.. كان ريلها وهو في الاساس ولد عمها في اليوم يتصلها 100 مره صدق عن جد
ولا بتشوفونه في بيتهم مايصبر عنها وكنت اقولها اثجلي عليه ولاتستانسين وايد صدقيني بيمل

وفترة الملجة صار العكس هي الي تتصله وتسال عنه وهو مره في الاسبوعين بيي بيتهم شوفوا كيف؟

قولي لربيعتج خل هو روحه يتوله عليها ويتصل بس مب معناته ماتتصله خير شي يعني مره في اليوم او مرتين بالكثير تسال عنه وماتسولف وايد وتصكر بعدين هو بيحس .. لانه مابيحس لو شافها كل شوي دقتله


والله يوفقها ويوفق الجميع

اختكم

Pinkish

تسلمين الغاليه على الافادة

عادي يا اختي يمكن يكون مشغول فعلا ..

انا كاني متزوجـة ..وما كملت الا شهرين بس

زوجي يمر علي يوم كامل وما يتصل فيني ابدا

ولما اتصل فيـه ما يرد لانه يكون مشغول او نايم

فعادي حبوبة مثل ما قالت اختي اللي قبل أن كل وااحد وله طريقـة في التعبير عن حبـه واهتمامه

تسلمين الغاليه
بس لو ما اتصلت يقعد يعاتبها يقول لها ليش ما تصلتي

والله احسن الوحده ما تلكمه وايد
لان صدق بيتوله عليها

واذا كل يوم يشوفها ويكلمها والله بيمل منها

وردة راس الخيمة:
تسلمين الغاليه
بس لو ما اتصلت يقعد يعاتبها يقول لها ليش ما تصلتي

انزيـن خليها تتصلي فيـه واذا ما رد

ممكن تعاتبـه أو خليها تقول له انا بعد كنت نايمـة هههههههههه او مشغولـة ههههههههههههههههههه

لا امزح ..هي ما راح تخسر شيء اذا عملت له مسج او اتصلت مرة وحدة فيه

اذا رد كان بها ما رد عندها دليل انها اتصلت فيه وما رد

والله كريــم لا تخليها تكبر المسألة اكثر من اللزوم لان الامور ما تحسب كذا

انا رايي من رايي البنات خلها تثقل عليه

مب كل شوي تتصل وتاذيه باتصالاتها مايصير جذيه بعد

وبعدين الريال مايحب الوحدة اللى مب ثقيلة وخفيفة واللى تلاحقه وايد باتصالاتها

خطيبها ؟؟؟؟

اختي ما اشوف السالفة فيها مشكلة
الشي عادي جدا جدا
هو ما يرد عليها لأنه مشغول أو نايم
وهي بعد لين صارت مشغولة أو نايمة واتصل لها ما بترد عليه

حبيبتي نصيحه من مجربه:
اول ما تعرف على خطيبي كان يتصل كل يوم
او مرات يوم بعد يوم ويادوب خمس دقايق او بالكثير عشر دقايق
المهم يا حبيبتي مرات ادق عليه و اقله ليه ما سألت عني اليوم مع انك عارف
اني بتأخر برا البيت يعني انت ما تحب تتطمأن علي و طبعا عودته اذا ما دق علي
انا ادق عليه او ادزله مسج يعني بالتعويد
حبيبتي في مثل يقول :::ابنك على ما تربيه و زوجك على ما تعوديه::
صدقيني يا اختي الحب يجي مع الايام و كل يوم عن يو م يكبر
تعالي شوفي الحين يدق علي في اليوم مرتين او ثلاث و كل مكالمه مو اقل من نص ساعه
حبيبتي ما في مشكله بس تعوده ع الحب و الكلام الزين بتم يتصل
و يسأل و اذا هوه ما سأل تسأل عليه بس الثقل زين مرات
و الله يوفقها

تدرون انا وش هي الكلمة اللي ما احبها (((يمل منها)))))

حبيباتي اذا ما مل الحين بيمل بعدين واحلى فترة فترة الملكة او الخطوبة

بالعكس انا اشوف انها تعاتبه ليه مايكلمها عشان تحسسه انها تبيه معها على طول وماتبيه يلهى عنها
بس في حالة انه مايكلمها ومايرد اجل بكرة وش بيسوي فيها؟؟؟؟
بالعكس احس احسن انه يدري انها تبيه يهتم فيه

فعلا...وش اللي ((بيمل منها)) اللي بيمل في سنة خطوبة راح يكمل باقي عمره مع انسانه؟؟؟؟

حبيبتي لاتظغط عليه يمكن هو صدق مشغول او ماعنده وقت الحرمه تقدر ظروف الريال...................واذا هو مااتصل خليه هيه تتصل..................بس لاتحن عليه والله في رياييل يطفرون.......................تحاول تتقرب منه....................وتفهم ظروفه اكثر:):)

والله يجعل بينهم الموده والرجه والسكن يارب:)

اختي ما اشوف السالفة فيها مشكلة
الشي عادي جدا جدا
هو ما يرد عليها لأنه مشغول أو نايم
وهي بعد لين صارت مشغولة أو نايمة واتصل لها ما بترد عليه