حقيقة مؤلمة لكل البنااااااااات!

اميرالظلام 10-03-2003 35 رد 3,091 مشاهدة
ا
مقدمة



الحب إدعاء وخداع ووسيلة اصطياد لإقامة علاقة سيئة مغلفة بالحب تتدرج على خطوات كل خطوة في هذه العلاقة تجر وتجعل ذلك المحبوب رهينة لخطوة أكبر منها تحت سلاح الإغراء او التهديد بالفضيحة الى ان يجره الى الكارثة, وهذا الشخص كالشيطان يغري الانسان بالكفر حتى يقع فإذا وقع تخلى عنه وتبرأ منه, قال الله تعالى(...كمثل الشيطان إذ قال للانسان أكفر فلما كفر قال اني بريء منك اني أخاف الله رب العالمين) صدق الله العظيم.



الموضوع



وانا الحين بشرح وبتكلم بنفس اللي يكون على لسان الشباب واللي يحدث بينهم لأني أعرف الشباب واللي يدور في بالهم وأنفسهم لأني أنا واحد منهم وأعرف أكيد أكثر من أي وحدة باللي يصير بينهم، واللي يفكرون فيه، وبتكلم بكل صراحة وبدون أي تكلف حتى توصل ان شاء الله الحقيقة اللي أكثر البنات ما يعرفونها .

تساؤلات

س) هل البنت يوم تتعرف على واحد بينتهي هذا التعارف او الحب الى الزواج؟؟؟

أكيد مستحيل لأن البنت يوم تتعرف على واحد وتكلمه وتطلع معاه، تصغر في عين هذا الشاب وهذا الشي أكيد وطبيعي لأنها تخلت عن شرفها وعفافها وقبلت ان تطلع مع واحد غريب فكيف يزوجها!!

وأنا عمري ما سمعت ولا دخل في قاموسي ان وحدة تعرفت على واحد وتزوجها، واللي اعرفه ان هو يخدع البنت ويختلي بها ويخربها وهذا اللي يحصل، وما في شيء اسمه زواج عن طريق التعارف، واللي حصل لهم واتزوجوا لأن اهل البنت اكتشفوا الموضوع (الفضيحة) ورفعوا قضية على هذا الشخص وزوجوه هذي البنت بالغصب؛ لأنه ما يريد يتزوج وحده مثل هذي البنت اللي تنازلت عن عفافها بطريقة غير شرعية (بدون أو قبل زواج).


--------------------------------------------------------------------------------

س) زين ليش الشاب يوهم البنت بالزواج ويعيشها في عالم الحب؟؟؟

لأن الشاب يفكر في البنت تفكير جنسي, وتسلية في شرفها وعرضها، لحد ما يحصل البنت الي ما شاف عليها الغلط ويزوجها، حتى لو كانت وحدة مب زينة مدام هو ما شاف عليها الغلط خلاص عادي، وكل الشباب يقولون ان اللي ترضى انها تطلع معاهم هذي وحدة صايعة، وهي تستاهل اللي يجيها من الشباب، لهذا السبب يستحلون فيها أي شيء على أساس ان اللي تبغي تحافظ على عمرها ما تطلع مثل هذي البنت اللي فكرت بالحب بطريقة غير شرعية وسارت في طريق الغلط.


--------------------------------------------------------------------------------

س) وفي بنات يفكرون (يوهمون انفسهم) ويقتنعون بان الشخص اللي تكلمه او تحبه وما في مثله وهو غير عن كل ***الشباب***؟

ملاحظة: هذا السبب الي ضيع الكثير من البنات هذي الثقة لشخص غريب محرّم عليهم.

هذا السبب القوي في نفسية البنت ,واللي يخلي وخلا الكثير من البنات انهن يتنازلن عن شرفهن وعفافعن؛ لأن البنت تشوف هذا الي تعرفت عليه غير عن كل الشباب، هذا لأنها حبته ووثقت فيه وسلمت عمرها له، ويوم سلمت عمرها الي هذا الشخص الغريب (أصبحت مثل بنات الشوارع في نظر هذا الشاب و ونظر الناس) على أمل والوعد بالزواج، وللأسف والله الكثير من البنات اللي خدعن وهذا سمعته على لسان واحد من الشباب يقول وهو يضحك انه ينام مع البنت متى ما يريد على أساس انه اقنعها انه بيتزوجها، وهي مصدقة ومقتنعة وحاطة امل كبير فيه، وتقول خلاص يوم هو غلط معاي يعني أكيد هو بيصلح غلطته وبيتزوجني وهذا تفكير الجاهلات.

والكثير من البنات اللي اختربن ما تنصح صديقتها وتحذرها من هذا الطريق، بل بالعكس تساعدها على انها تتعرف وتشجعها على الانحراف وتزينلها التعارف والحب وغيرذلك وطبعا هذا الشيء يكون بطريقة مباشرة وغير مباشرة والأخطر الغير مباشرة بدون ما تذكر لها مخاطر هذي العلاقة المحرمة.

هذي حالة نفسية في كل شخص ظايع وخربان يحاول يخرب غيره عشان يصير مثله وما يكون في طريق الغلط لوحده


--------------------------------------------------------------------------------

س) وهل من المعقول ان واحد يبروح عند اهله ويقولهم انا أبغى اتزوج وحدة تعرفت عليها أو شفتها في مكان وعجبتني وابغي اتزوجها؟؟

أكيد أهل الولد ما بيرضون بيقولون تبغي تتزوج وحده ما أدري من وين محصلها أو متعرف عليها أو يقولون تبغي تتزوج بنت من بنات المراكز والشوارع. طبعا الولد مستحيل يسوي هذا الشي ويحط نفسه في هذا الموقف الي بدايته ونهايته معروفة. لا بالعكس بعد إذا قال لأهله بيتهمون الينت اللي متعرف عليها يأنها تريد تخدع الولد، وتريد ترمي بلاها على الولد... الخ.


--------------------------------------------------------------------------------

س) كيف تفكير الشباب ورايهم يوم يعرفون انه واحد متعرف على وحدة ؟؟

والله للأسف ان أغلبية الشباب يشجعون بعضهم البعض على الرذيلة وكل واحد يتمنى ان يتعرف ويسوي نفس الشيء مع هذي البنت لأنهم يقولون ويفكرون بأنه هذي البنت لا اختك ولا من اهلك ولاتقرب لك عشان هذا يسون فيها اللي يبغونه وهذي قاعدة لازم كل وحدة تعرفها.

والله زين ( ***لا اختك ولا حرمتك ولا من اهلك ولاتقرب لك***)!!!!!.

وهذي بعض الدلإئل والإشارات التي تدل على الواحد ما بيتزوجون وحدة متعرف عليها من قبل!!؟ إذا البنت كلمت الشاب، وطلعت معاه، وعطته الي يبغاه، واختلى بها او يعني صار بينهم شيء غلط.

بس خلاص بعد ليش يزوجها يوم انه حصل وحده (فري) وعطته الي يبغاه ليش يزوجها وهذا الي يبغاه منها خلاص خذاه وبرضها، وعلى فكرة يوم البنت تكتشف بعد فوات الاوان انها انخدعت وتبدأ تقول وتلح على هذا الشاب اللي خدعها انت لازم تتزوجني، بيرد عليها هذا الشاب بكل صراحة ووقاحة وبيقولها انتي عطيتني برضاك وما في احد غصبك على شيء، وهذا الرد الي اسمعه دوم من أهل التجارب واللي يردودنه الشباب.


--------------------------------------------------------------------------------

س) اذا كان صاحب هذا الشخص يعرف كل شي عن علاقته مع البنت وسوالفه معاها ولو كانت بسيطة وعادية بالنسبه لها, لازم تعرف انه ما بيتزوجها ليش؟

لانه يخاف ان صاحبه يطلع عليه كلام من وراه او يعايره في يوم من الايام ويقوله انه متزوج وحدة متعرف عليها يعني تنفهم انها صايعة، وأنا قلت في البداية انة الي تتعرف والله انه يعتبرها اغلب الشباب انها وحدة صايعة، عشان هذا اي وحدة تتعرف على واحد وتعرف انه ربيع هذا يعرف بالموضوع، يعني مستحيل يتزوجها.


--------------------------------------------------------------------------------

وفي طريقة سهلة وبسيط دوم يستخدمونها الشباب عشان يستدرجون البنت يجول للبنت ابغي اكلمك على ******* او اطلع معاك عشان نتعرف على بعض اكثر ......الخونصيحه اخويه للبنات اي بنت تبغي تحافض على عمره تحافظ على أوامر الله تعالى لين ما يكتبلها الله تعالى الزواج ودعاء الله تعالى قال الله تعالى (وليستعفف الذين لا يرجون نكاحا حتى يغنيهم الله من فضله) صدق الله العظيم ونصيحة اقدمها لكل شخص يعاني من مشكلة مهما كانت انة يشتري ويسمع شريط اعبر عنه بأنه أكثر من روعة وهو (قرع ابواب السماء للشيخ بدر المشاري) وأرجوا من كل شخص قراء هذا الموضوع ينشره وويوزعها على كل شخص يقدر يوصله هذي الموضوع حتى لو كان غني عنه لانه يمكن يرسلها لوحدة محتاجة وحتى اللي ما تحتاج يمكن تضعف في يوم من الايام وكل انسان معرض انة يضعف او ينخدع والدال على الخير كفاعلة والأجر ان شاء الله اجر النصيحة والتنبه من الغلط.

وصلني بالبريد مع بعض التعديل

اخوكم
اميرالظلام
ب
هلا باخي امير الظلام

جزاك الله خير على هالموضوع الي يغفلون عنه بناتنا وشبابنا

ويعتقدون ان الحب في السوالف والخرابيط الي يسونها..

تحياتي
ا

جزاك الله خير اخي امير الظلام
كفيت و وفيت
لك كل الشكر و التقدير
الأموره
ن


السلام عليكم ورحمة الله وبركاته

اشكرك اخي الكريم على هذا الموضوع القيم ..

نسأل الله ان يهدي شباب وفتيات المسلمين ويحفظهم من كل سوء..

وجزاك الله خير ..
ا
مشكورة اختي على هالمشاركة اللي تنفع كل قارئ وياخذها عبره
يسموا
باااااااااي
ا
اخوي الكريم/ امير الظلام

مصارحه جدا رائعه وتشكر عليها

بارك الله فيك وسدد خطاك

اختك/ الرشيقـــــــــــــــه
ا
جزاكم الله الف خير وشاكر لكم ردودكم اخوكم المخلص
امير الظلام
وتحياتي لكم جميعاً
د
ليت كل الشباب يقتنعون انه كما تدين تدان ،،،، ومسالة اللعب في اعراض الناس مب شئ سهل يرجع للانسان ولو بعد مية سنه ،،،
اخوي اشكر نصيحتك لاخواتك ...
وليت كل صاحبة عقل تفكر انه الي يحبك يرفع ويصونك ومايرضى يشوفك الا ببيته وبالحلال وعلانيه قدام كل البشر ...مب بالسرقه والخوف
تحياتي للجميع
ا
الله فعلاً هنا المنطق ومن يسمع في هذا الزمان فقد اصبحة النصيحه احد
الاشياء التي نخجل منها وتحياتي لكي دائماً عروس وحياج الله
اخوكم امير الظلام
a
جزاك الله ألف خير...و عشان ما تزعل مليوووووووووون خير
نفس كلام إخوي بالضبط
و الي أنا مستغربة منه إن يحصل كثير و نسمع عن تجارب مثل هاي
بس للأسف محد يعتبر منها ...الله يهدي الجميع
سؤال لكل شاب؟؟؟ ألا تخاف أن يبليك الله بأهلك؟ كما تفعل أنت مع بنات الناس؟!
اللوم يقع على الطرفين...شاب مستهتر+ شابه سهلة الإنقياد
فهل من مجيب
ع
السلام عليكم ورحمة الله وبركاته

بارك الله فيك اخوي امير الظلام على الموضوع الهادف

ياليت اخوانا واخواتنا يعلمون ويدركون ما عنيته في هذا الموضوع من نصائح ذهبية

وكان الله في عون هذا الجيل .. وسط الغزو المفسد الذي يتعرض له من قبل اعداء الاسلام

مشكور اخي على اجهد .. وجعله الله في ميزان حسناتك.
ل
وفقك الله اخي على هذا الطرح الرائع

واقول

اننا اصبحنا نتجرع اصناف الذل ونحن نتذكر الحال الذي آل اليه

الشباب والبنات

ولكن نسال الله لهم الهدايه

(u) لمسه (u)
أ
السلام عليكم ..

مشكورة على هذا الموضوع المهم ..


وان شاء الله يكون عظه وعبرة لبناتنا ولي بعد ......


آمييييييييييييييييين يارب العالمين ...... :) :) :)
ش
كلامك واقعي وشيء صاير

ومنتشرفي مجتمعاتنا للاسف

انا في نظري ان الشباب مهما سوا مو مثل البنت

البنت مثل الزجاجه اقل شيء يكسرها حتى لو البنت غلطت غلطه

صغيره اي شيء يكسرها ويشوه سمعتها

اسال الله ان يحفظنا
م
مشكوووور اخوي أمير الظلام على هالنصيحه الطيبه منك واتمنى الهدايه للجميع انشاء الله .... وأقول حق كل بنت أو شاب يلجأ لهذا الطريق ... لاتستعجل نصيبك بيوصلك انشا الله .... بدون اللجوء للحرام وغيره....

مشكووووور اخوي ويزاك الله الف خير انشا الله.
ر
مشكوووور اخوي أمير الظلام وماقصرت :D :D
س
جزيتي خيرا على الموضوع الهادف

اللهم استر بناتنا واعفهن
ا
ماشاء الله الموضوع كاتبه
بــ 2003
واخر رد 2007 : وشهر فبراير بعد :)


مشكورين ع الردود
وجزيتم بالمثل
l
سلمت يداك أخي الكريم
وأحب أضيف فالموضوع
من بعد إذنك أخي

انه الرجال إذا يوم يفكر يتزوج
بيتزوج اللي يثق فيها عشان تربي أولاده وبناته تربيه صحيحه
وهو عارف وواثق انه اللي طلعت معاه لا يمكن الوثوق فيها

وبعدين كل بنت لازم تعرف
انها إذا ارتكبت الفاحشه مع أي شاب
فحرام، حرام، حرام تزوجه

ولازم تعرفي
انه اللص عمره ما يستأذن قبل ما يدخل البيوت

وزاك الله عنا خير الجزاء اخي
w
تسلمين حبيبتي..........:):(............والله يعطيج العافيه
X