مطبخ المونوم او خشب ولو خشب محتارة رجاء المساعدة

أخبارك ايه ...بصي انا هاحاول اقولك الي اعرفه وان شاء الله الي مجرب يفيدنا اكترغير الي كل دراسته نظري زي حالاتي :)

أنا معاكي ان الخشب شكله اشيك خصوصا لو حطيتي جوا الدواليب الي بابها بيكون زجاج اضاءه اسمها (spot) الصنايعيه بيقولوا عليها زبطه :D ...ومن انواع الخشب الكويسه الزان والأرو ( لأنهم اقل الأخشاب تمدد وبيقاوموا الميه احسن )...بس الزان متهيألي غالي جدا وبيجي قطع كبيره ...خليكي في الأرو واسألي عليه تاني

المهم ده من ناحية الشكل ...لكن عيبه الحشرات ومقاومته للميه والتمدد وكده مش اوي
الألمونيوم حلو في الحكايه دي انه مالوش مسام تعيش فيها حشرات وكده ده غير انه بيقاوم الحراره وربنا يحفظنا من الحريق ..ومتهيألي فيه منه اشكال مدهونه بشكل الخشب

انا محتاره زيك والله في الحكايه دي لأن في شقتنا في السعوديه اغلب المطابخ المونيوم او استانلس وبتبقى حلوه اوي في حكاية التنظيف ولما تغسليها ...لكن في مصر عندي الخشب صعب شويه او مش سهله صيانته ..

من ناحية الدهانات هوا فيه فعلا الي بيقاوم الحشرات بس للأسف ما اعرفش اسم معين ..انتي ممكن تسألي بتوع الدهانات وهم هايقولولك الأنواع والأسعار وكده ...وان شاء الله هاحاول اشوفلك لو عندي اسامي شركات او محلات تسألي فيها
لكن من ناحية الألوان ياريت تصوري المطبخ في نور ابيض عشان اللون يبقى واضح وتحطيه هنا عشان اقدر اساعدك اكتر

فيه نقطه من ناحية توزيعك للحاجه ...انك تحطي الثلاجه والبوتاجاز والحوض في شكل مثلث لأن ده بيبقى سهل في عملية الحركه داخل المطبخ ...والحكايه دي احنا بندرسها لما نيجي نوزع فرش المطبخ واسمها مثلث العمل ....ويفضل ان الثلاجه تكون قريبه من الباب عشان لو حد جاي للثلاجه بس مش لازم يعدي على المطبخ كله :)
والحوض يبقى قريب من الشباك او مصدر ضوء ...أما البوتاجاز فيكون قريب من الشفاط أوالشباك
أنا بفضل كمان تعملي حوضين لو المساحه عندك كبيره عشان بتسهل عملية تصنيف الأطباق اثناء الغسيل وكده

هافكرك كمان في حكاية الدواليب وترتيب الحاجه بس ياريت تحطي صور للمطبخ وابعاده

وربنا معاكي يارب:flower:

الحبيبة little cat

:)

اسعدنى ردك كثيرا

جزاك الله خيرا وجعله فى ميزان حسناتك

ان شاء الله هاحاول اصور المطبخ

و طيب ممكن تقولى لى اسم برنامج ممكن ارسم عليه المطبخ بابعاده للتوضيح اكثر لو تعرفى ؟؟

بالنسبة لتوزيع مثلث العمل محيرنى جدا جدا

انا عندى مكان الحوض ثابت فى منتصف احدى الحوائط وفى الحائط المقابل له الشباك

طيب هو ايه فايدة الحوضين ؟؟

بصي يارحيق
انا سمعت عن مطابخ خشب في الومتال وفعلا حماتي عملت كده في مطبخنا بس معنديش فكرة اكتر من كده
اسألي بتوع المطابخ وهتعرفي

بصي ياستي ...أنا بشتغل على برنامج في الرسم اسمه Auto cad بس مساحته كبيره وشغلانه شويه في طريقته
انتي الأحسن ترسمي الرسمه كروكي بقلم عريض شويه وتكتبي على كل حته الأبعاد وتبيني أبعاد الشباك ومكانه ونفس الحكايه للباب والحوض و تصوريه

* حكاية الحوضين مش مهمه اوي بس انا بفضلها لأني متعوده عليها ...يعني الواحد يجمع الأطباق او المواعين في حوض وبعد ماتغسلي كل حاجه بالصابون يكون الحوض الأولاني بقا فاضي ساعتها الي تشطفيه تحطيه فيه وكده بدل ماتحطي على الرخامه

* الدواليب لقيتلك انها يفضل تدهن بدهانات دوكو او فلوت او الأيبوكسيات ..دي عازله مش بتمص الميه

* نيجي لمثلث العمل أنا جبتلك صور من الكتاب الي عندي بحيث تعرفي الأوضاع بتاعته ...
واهم حاجه ان طول اضلاعه ماتزيدش عن 6.6 م وماتقلش عن 3.6م .....وان مايقطعش اي حد داخل المطبخ احد الأضلاع .....الكلام ده كله عشان يسهل عليكي الشغل في المطبخ بأقل جهد
وممكن تبقى الحاجه على صف واحد بس المسافات زي ما كتبتلك







فكرة مسلمه حلوه اوي :handup: ممكن تبقي تشوفي النوع ده من المطابخ (الخشب مع الألمونيوم) وعلى كده ده يبقى رائع عشان الواحد يخلص من الحيره دي :smile:

طيب سوي من جو المنيوم وابواب الدوليب خشب احسن شيء

little cat:

* نيجي لمثلث العمل أنا جبتلك صور من الكتاب الي عندي بحيث تعرفي الأوضاع بتاعته ...
واهم حاجه ان طول اضلاعه ماتزيدش عن 6.6 م وماتقلش عن 3.6م .....وان مايقطعش اي حد داخل المطبخ احد الأضلاع .....الكلام ده كله عشان يسهل عليكي الشغل في المطبخ بأقل جهد
وممكن تبقى الحاجه على صف واحد بس المسافات زي ما كتبتلك







:smile:

أختى الحبيبة لتل كات

كم أشعر بالامتنان لك :shy:

ربنا يجمعنى واياك فى الفردو س الاعلى

طيب معلش سؤال بالنسبة لمثلث العمل احيانا باقول ان بعد المسافات بين هذه الثلاث اشياء بيصعب العمل وليس يسهله لانى اضطر امشى اكثر فياخذ وقت اكثر

؟؟؟

انا رسمت لك صورة المطبخ ياريت تكون واضحة واتمنى ان ارى اقتراحاتكك لافضل تصميم

:)

اختى حنين الورد

شكرا على نصيحتك ومرورك

أختى kim

كرا على مرورك وحقا لتل كات صاحبة روح جميلة

ها هو المطبخ بعد التصغير

اواجه مشا كل فى تصميمه

اولا فيه زاية حادة جدا لا استطيع استغلالها

ثانيا انا مجبرة على مكان للحوض والغسالة والشباك ووجود بروز مما يعيقنى كثيرا فى حرية اختيار التصميم والاماكن


ما اريده هو افكار لتصميم امثل مع العلم انه ليس بالضرورة تقفيل جميع جوانب المطبخ يكفى جانب او جانبين

ما وصلت له بعد تفكيرالاتى

الأول فكرت فى جعل البوتاجاز تحت الشباك مباشرة مع تقفيل نصف متر خزاءن من كل جانب مع قليل من الديكورات بسيطة

و وتقفيل الجهة المقابلة ( اطول حاءط )فوق وتحت الحوض وجانبه من الناحيتين

KiM:

ما شاء الله عليك يا little cat

أحب أحيي فيك هالروح الجميله بالتجاوب الفعال والمميز

يعطيك ألف عافيه

عزيزتي KiM ...ربنا يخليكي يااارب وكفايه روحك انتي الجميله وباقي عرايس ركن الديكور الي بيشجعوا الواحد لو عنده معلومه يقولها :shy:

رحيق الإبداع:
ها هو المطبخ بعد التصغير

اواجه مشا كل فى تصميمه

اولا فيه زاية حادة جدا لا استطيع استغلالها

ثانيا انا مجبرة على مكان للحوض والغسالة والشباك ووجود بروز مما يعيقنى كثيرا فى حرية اختيار التصميم والاماكن


ما اريده هو افكار لتصميم امثل مع العلم انه ليس بالضرورة تقفيل جميع جوانب المطبخ يكفى جانب او جانبين

ما وصلت له بعد تفكيرالاتى

الأول فكرت فى جعل البوتاجاز تحت الشباك مباشرة مع تقفيل نصف متر خزاءن من كل جانب مع قليل من الديكورات بسيطة

و وتقفيل الجهة المقابلة ( اطول حاءط )فوق وتحت الحوض وجانبه من الناحيتين

حبيبتي رحيق ...مافيش بينا شكر ولا امتنان ولا حاجه احنا اخوات وربنا يجمعنا باذن الله في الجنه في الفردوس الأعلى :salam: :shy:

أنا نزلت صورة المطبخ بتاعك عندي .وفعلا حكاية الزاويه الحاده دي غلسه وبيبهدلونا عليها في الكليه :qaq: بس هي هاتتحل بعد التقفيل وإن شاء الله هاظبطلك الرسمه واقولك ممكن يتعمل إزاي (f)

ربنا يبارك فيك ليتل كات وييسر لك دراستك

انا من يومين فقط غيرت رايى ونويت على مطبخ المونتال

واللى لسه فقط محتارة فيه لون المطبخ

فكرت فى اللون الكحلى او النبيتى

ايه رايكم ؟

ززى ما قلت قبل كده ان سيراميك المطبخ بنى فاتح قريب من البيج

هل الالوان كده هتكون متناسقة ؟

حبيبتي رحيق الإبداع ...أنا مش عارفه اعتذر لك ازاي عن التأخير بس قعدت فتره مابين امتحانات وتسليمات حاجات عندنا هو الي أخرني ..

أنا رسمت مطبخك على البرنامج الي عندي وحطيت الحاجات الي قلتيها والي توصلتي ليه في آخر رد ليكي بس حسيت ان كتير اوي يكون عرض الحوض 90 سم

ودي الرسمه لو الحوض 90 وتقفيل حول الفرن ماعدا الحائط الي فيه البروز



أنا حاولت اعملك تعديل بحيث تشوفي أصغر مقاس لحوض أو مقاس وسط بحيث يبقى عرضه في حدود 60 سم مثلا

وبرضو عرض الرخامه عندك هاتبقى 60سم في كل الجوانب ...وعلى فكره حكاية البروز مش مشكله خالص لأن ممكن الرخام بيتقطع حواليها

وده الي أنا توصلت ليه






بتمنى أكون قدرت ألاقيلك حل للمطبخ وربنا معاكي يااارب

رحيق الإبداع:
ربنا يبارك فيك ليتل كات وييسر لك دراستك

انا من يومين فقط غيرت رايى ونويت على مطبخ المونتال

واللى لسه فقط محتارة فيه لون المطبخ

فكرت فى اللون الكحلى او النبيتى

ايه رايكم ؟

ززى ما قلت قبل كده ان سيراميك المطبخ بنى فاتح قريب من البيج

هل الالوان كده هتكون متناسقة ؟

بالنسبه للون المطبخ هو النبيتي هايبقى حلو فعلا مع البيج ....وممكن لو الدواليب هاتبقى نبيتي ساده تعملي المقابض أو خط بالطول او العرض ناحية المقبض باللون البيج ( يعني تعملي تداخل بين اللونين )

الخشب المضغوط ماينفع لان لما يجيه الماي يتنفخ ويخترب ويجمع الحشرات
الخشب العادي افضل منه
بالنسبه للمطبخ انا افضل الالمنيوم لانه انظف ويكون سهل انج تنظفينه

لتل كات

معلس تاخرت عليك فى الرد

لسه سايفة الرد دلوقتى

وجزاك الله خيرا على تعبك معاى

تخيلى انا حلمت بك من كم يوم انى قابلتك وتكلمت معاك وكنت فرحانه جدا فى الحلم

أسماء

سكرا على نصيحتك وانا خلاص عملت المبخ المونيوم

رحيق الإبداع:
لتل كات

معلس تاخرت عليك فى الرد

لسه سايفة الرد دلوقتى

وجزاك الله خيرا على تعبك معاى

تخيلى انا حلمت بك من كم يوم انى قابلتك وتكلمت معاك وكنت فرحانه جدا فى الحلم

أسماء

سكرا على نصيحتك وانا خلاص عملت المبخ المونيوم

حلمتي بيا أنااا ......ربنا يخليكي ياااارب

أنا فعلا بقالي كام يوم بفكر فيكي وكل يوم اقول عاوزه انزل لرحيق الرد على موضوعها .....يمكن من كتر التفكير المتبادل بقا :shy:

لو احتجتي اي حاجه قوليلي وان شاء الله المره الجايه هانزلك الرد بسرعه :shy: