كل ليلة اصارخ من قمة راسي؟؟؟

ذكرتيني اختي بنفسي والله انا نفس الشي مع بنتي الله يحفظها عمرها سنه و3 شهور


كانت ماتنام الا وهي في حظني واول مااحطها على السرير تصيح


واشيلها ولا انام طوووووووووووووووول الليل ...


بس من 4 او 5 شهور ... اشوفها اذا تعبت وايد من اللعب ...اعطيها مرضاعتها واحطها في سريرها

واطلع من الغرفه واخليها بروحها .... اذا قامت : اروح لها واهديها وادلكها وبعدين تنام


بس لا تصارخين .. ترى جذي يتعود على الصراخ ويخاف منج ..


الله يعينج ويعينا معاج .... طولي بالج عليه ان شاء الله بيتغير انا بنتي يوم كملت السنه عقلت شوي ... واعتدل نومها ...

ولدك يمكن طووول النهار نااايم ؟؟


اذا كنتي تنومينه طول النهاار فطبيعي بيقعد ..اما اذا كان مانام بنهاار فيمكن تعبان من شيء بسم الله علييييييه


انا اعرف وحده ولدها زيك مكان ينام ودته لحرمه وكوته كووي خفيف قالت معه اوخيته

وصار عقبها ينام طبيعي

اذا كنتي تعرفينهاا .....وانتي اسئلي امك عن حرمة للاطفال تثقون فيهااا .....وانتي براحتك

لاتودينه الا وانتي مقتنعه عشان ما تدعييييييييين علي .:(

شوفى اختي طول النهار لا تخلينه ينام فترة طويلة وباليل عطية وجبته وجهزي له الحمام وقبل لا تحممينه خذي له زيت الاطفال ودهني جسمه وبعد فترة حممية وعطية رضعته وانشاء الله ينام لك فترة طويلة لاني اتبعت نفس الشى مع اولادي . وما ارتحت الا كذا الله يخلي امي علمتنى على كذا وانشاء الله ترتاحين معاه بعد الطريقة هذي

لا تنومينه غصب,,,

خليه يلعب لين يتعب وبينام بروحه,,,

لا تنومينه بالنهار بالمرة،، ولا تقعدين تصارخين عليه ترى بيتعقد منك،، هدي روحك وماله داعي الصراخ...
يعني عطيه عشاه وشبعيه ولعبوه لحد مايدوخ،، أكيد دام مانام النهار وشبعان من الأكل بينام زين،، وحتى لو صاح مايبي سريره تركيه أيام وبعدين بيتعود.

أختى مزووووون اشكرك واتمنى اتمنى شوى يفيد معاه الله يحفظه من اربع ايام خلص السنة ماشالله تبارك الله انشالله العمر كله يارب ، انا اخليه يلعب ولين يتعب اسوي له المرضعه بس يبي يشرب وهو جالس ماشالله عليه ما يبي ينام وما يرضى انومه من يشوف اخته الله يحفظهم الا يبي ينزل من سريره ويلعب معاها ... اتمنى يتعدل نومه يارب...

أختى ليدي ــ عسل اخليه ينام قبل الساعة 3 واخليه يلعب وبعدين الساعة 9 اخليه بالسرير لينام وينام شوى ماشالله عليه ما يبي ينام يبي يلعب مع اخته او من يشوف التلفزيون مبطل يبي يشوف الرسوم وانا حتى صرت الحين 3 اسابيع محرومة من التلفزيون عشان اعدل نومه ينام شوى نص ساعة ويجلس يبكى يبكى يبي يطلع من سريره وانا بصراحه مسكين اعامله بخشونه واصارخ عليه مسكين يكسر خاطري بس من التعب اللي انا فيه بعد.
وما ابي اوديه هالأماكن اخاف....

أختى شمس القوافي انشالله راح اتبع طريقتك وطريقة البنات ما راح اخليه ينام بس حرام على الأقل اخليه ينام الظهر واقعده قبل الساعة 3 وبالليل بخلي له زيت واحممه ........

رميثيه اختى اخليه جيذي انزين لين ينام (ينام شوى ويجلس خلاص يبي ينزل من السرير ويلعب).

أختى رانيا البحرينية اشكرك انا انزين اسوى له جيذي بس هو يقوم من على السرير ويبكى يبكى لين يتقيأ اضطر انا كل شوىاقوم وانزله يعنى انومه على المخدة واطبطب عليه لين ينام انزين من آشيل يدى يعنى اظل واقفه ساعتين 3 ساعات اطبطب على ظهره وشعره من اشيل يدى يجلس يبكى ويبكى ما اعرف اشلون اتبع طريقة ..........

ألحين من امس بالليل شغلت البانكة قليل قلت يمكن هو حران يكون حتى فكرت اشغل الإيسي علشان ينام على صوت الإيسي ولبسته Sleepy bag علشان يدفى بس بعد ما يبي ونفس الشي غصبته ونومته غصب بعد قام وحاول بس اهون من كل ليلة........

اشكركم يا بنات على مساعدتكم لي متى راح يفهم انشالله كلامى مثلاً اذا اقول له لالا يعنى نوم......

الله يعينج ويساعدج انا ولدي ماشالله ينام طول الليل ولين قام الصبح وانا مو شبعانه نوم
اعصب اشلون انتي صج الله يعينج

دعواتي لج حبووووبة

(f)


[line]



[glow=FF6600] نمووووووووووووووووووووري [/glow]

يمكن ولدج يكون يوعاان موب شبعان..حاولي انج تعشينه قبل رقاده بساعه بالكثير وعطيه حليبته وخليه يشربها بس قبل تكونين محممتنه وفاركه جسمه بزيت جونسون اللي بالبابونج ترااه يهدي شوي ... سويله مساااج خفيف على ايديه وريوله وبطنه وحتى راسه فركيه شوي .. ولما تشوفينه تعب وبدا يتثاوب عطيه مرضعته وأقري عليه بصوت هادي شوية قرآن .. الحمد والمعوذات 3 مرات ... واية الكرسي واستعيذج بولدج من الشيطان الرجيم وهويبه شوي ولما ينام حطيه في سريره ..

ونوميه في النهار ساعه وحده بس... والله يخليليج عيالج ..

اختج ام ميثى..

حبوبه بقولج شي شفته في برنامج ريتشل راي .. هي عباره عن يد نفس يد الانسان الطبيعيه وناعمه مثل يد الام ونفس ثقلها تمسحينها على رقبتج عشان ريحتج تمسك فيها وتخلينها على البيبي عشان ينام وهو متطمن ومرتاح...
مممممممم في وحده تبيعها من منتدى ثاني انا طلبتلي وحده وانشالله توصلني قريب ...اذا بغيتي دزيلي رساله ع الخاص وانا اعطيج رابط المنتدى الثاني عشان تطلبين من البنت...

هلا اختي ترى كلنا نعاني من هذي المشكلة حاولي ماريقد في النهار وايد وخلي موعد النوم بعد اللعب والاستحمام وسكري الاضاءة ونامي جنبه بتلاقينه يطمن وينام وبعدين خليه بسريره وتقدرين تجوفين التلفزيون وغيره وانا اضطريت انيم نفسي علشان يطمن اني ماراح اتركه ونفعت الطريقة والحمدلله

و الله ياختي أقرأ معاناتش و أحس كأني الليي أتكلم في الموضوع و الحال مثل بعضه

حاولت مع بنتي أنها ما تنام في النهار حتى تنام الليل بس المشكله ما تقاوم التعب و تنام غصبا عني و تضل طول الليل واعيه بس مسكينه الحين صرت أ‘عصب وياها و بعدين تنام والله اأنام و أنا مكسورة الخاطر عليها لأن أحس نفسي مجبوره في التعامل معها بخشونة في بعض الأحيان ولكن مع ذلك أحبها و أخاف على مصلحتها مثل ما تعرفين مافي أحسن من نوم الليل للطفل للنمو الجسماني و العقلي بشكل صحيح