طالبتك يابنت الاجاويد(بنت عذاري)دخيلتك

"دمعة الم" 06-03-2007 3 رد 5,980 مشاهدة
&




بسم الله الرحمن الرحيم

السلام عليكم ورحمت الله وبركاته

كيفك أختي الفاضلة

بائبداء بمشكلتي على طول

أول شي مشكلتي كانت حب الشباب ما كان فيني كثير يعني بين كل فتره وفترة تطلع ومعروف

وش بعد الحبوب هي الآثار المهم استخدمت ماسك العيديه تبعك وبعده طلع لي حبوب بالهبل

للمعلوميه ما استخدمت جنين القمح استخدمة النخالة بس النخالة دايم أحطها ما تأثر فيني بس

أتوقع المشكلة من الطحينية لأنها أول مره أحطها بوجهي المهم عملت بنصيحتك ورحت لطبيبه

جلديه ممتازة والكل يمدحها وما شاء الله يعني علاجها على قولتهم وحده بوحده المهم وصفت لي

حبوب كبسولات والله مذكر اسمها وكريم اكريتين 5%اعتقد اسمه كذا المهم بعد فتره بداء وجهي

يتقشر بشكل فضيع ويحرقني بعد شهر رحت أراجعها ووصفت لي كريم ضد الالتهاب اسمه Alfacort

استخدمه مره وحد بالصباح وكريم التقشير بالليل الهم بعد استخدامي للكريم وقف مفعول المقشر

ومعاد صار ياثر على انه راحت الحبوب ولله الحمد والشكر ولكن الآثار يمكن خفت بنسبة 60%بعدها

رحت لها وصفت لي كريم ثاني تقول انه للآثار اسمهBETAMETبس لمن قريت الرشته لقيت انه

يستخدم( للاكزيما والحكة والصدفية والتهاب الجلد العصبي والذئبه الحمراريه) ومن المحاذير انه إذا

استخدم للوجه فيجب إلا يتعد خمس أيام مرة باليوم وأنا قالت لي أسبوعين مرتين باليوم المهم انه

لمن استعملته طلع لي حبوب والمصيبة أنها تترك أثار أصعب من اللي قبلها يعني مره داكنة

وكبيرة أنا قبل الآثار كانت نسبتها بسيطة وقفته وصرت استخدمه مره وحده بالصباح ومو كل

يوم وباليلل استخدم فايتمين Cمن ذي بدي شوب وهو معالج البشرة المسائي المركز يساعد على

تنعيم الخطوط الدقيقة بالبشرة وتمنحها اللون المتجانس وهذي قصتي كأمله ادري طويلة بس

حبيت أوضح لك كل المسالة

والحين آبي نصايحك عارفه ممكن تقولي راجعي طبيبتك بس المشكلة أنها طالعه أجازه ومطوله

بإجازتها تأخذ 3 اشهر وأنا عند مناسبات نهاية الشهر الجاي يعني لازم أسوي شي قبل ماتجي

وإذا ممكن استخدم الماسك هذاءhttp://www.3roos.com/forums/showpost.php?p=2703580&postcount=4 وهل بيشيلي أثار الحبوب كلها ويصفي وجهي تمام

وكمان به مشكله ثانيه وهي المسامات يعني مخربه وجهي والله وجهي حلو بس مو مخربه إلا

الآثار والمسام الواسعة الله يخليكي ويغفر لك ولوالديكي يارب تنصحيني بشي يخفي هالمسام

بالمره وأنا قد قريت لك الخميره والحليب وهل من جد تشيلها وكمان مفكره استخدم المره وماء

الورد يقول بيشيلها فبايش تنصحيني

والشكر موصول لك قبل كل شي

همسه
يا ليت ماتتاخري علي لاني والله متازمه من هالسالفه





دمعة الم
ب
وعليكم السلام ورحمة الله وبركاته

هلا غاليتي دمعة الم

بسم الله عليك من كل اللي مريتي به

الحين أنصحك تبتعدين عن كل الوصفات والخلطات

وتستمري على منقوع المر فقط وتبللين قطنه وتمسحين بها الوجه مرتين باليوم

صباحا ومساءا لانه بيطهر بشرتك وبيخلصك من عيوبها.

وسوي هذا الماسك 3 مرات بالاسبوع:

بياض بيضه + ملعقة نشا + قطرات عصير برتقال

يخلط الجميع ويوزع على البشره

وهو بيمتص زيوت واوساخ البشره وبيفتح عيوبها وبيخلصها من شوائبها

والاهم بيجدد خلاياها وبيقبض مساماتها.

اتركيه حتى يجف وبعدها اغسلي بشرتك بماء دافيء وآخر خطوه غسل الوجه بماء ورد بارد جدا

وخذي كل مساء نقطتين زيت فيتامين E OR A

وادهني به بشرتك مع رشة ماء ورد واتركيه للصباح

ومع الاستمرار باذن الله تشوفين نتائج مرضيه وترجع بشرتك احلى من الاول

وهي فتره كلنا تمر علينا اوقات عصيبه مع بشراتنا ولكن مع العنايه بترجع كما كانت

وانصحك باستخدام غسول سيتافيل للوجه كمساعد

وربي يحفظك ويشفيك
&
تسلمين يالغلا والله لايحرمنا منك يارب

وان شاء الله راح انفذ وصيتك ونصايحك

الله يغفر لوالديك يارب
ب
انا الدكتور عطاني كريم الفاكورت لان ويهي اتقشر واحترق من كريم التقشير :(
اليوم بديت استخدمه
X