ارجوكم انقذوني متوهقة

!

! أنــثــى !

عروس ماسية

05-03-2007 | 07:54 PM

السلام عليكم .. اشلونكم اخواتي حبيباتي .. وحشتوني .. هذي اول دشة لي بالمنتدى بعد

ولادتي ..

ماابي اطول عليكم بس عندي استفسار عاجل و اعرف ان الكل بيجاوبني بس ابي حل سريع من

اللي تعرف بلييييز ..

ولدي عمره الحين 5 اشهر و براسه قشرة واجد صار له يمكن شهرين و نص على هالحال و قالت لي

الدكتورة دايما اخلي زيت زيتون و امشطه و اغسله يوم ثاني .. و سويت مثل اللي قالت لي و

بعدين قالو لي بس اخلي زيت بدون بمشيط حتى ماتلتهب فروة راسه .. و الحين صارت القشرة لازقة

براسه و تجيه حكة منها مسكين .. ردو علي بسرعة ...

اشوفكم على خير ..

ا

الدمشقية

مشرفة سابقة

05-03-2007 | 08:08 PM

انا ابني صار معه نفس الشي دهنته بزيت زيتون ومشطه بعكس الاتجاه وعلى جلستين راحو ولله الحمد انتب بس مشطيله بهدوووء ومن غير كبس على جلدة راسه

والف الحمد لله على سلامتك ياااارب

أ

أم وصال

عروس مشرقة

05-03-2007 | 08:17 PM

" alt="" loading="lazy">
السلام عليكم حبيبتي أنشألله خير أنا عني حطيت لبنتي على شعرها
*فــــــــــــــــــــــــــــازلـــــــــــــــيــــــــــن *
تحطيها على الشعر ثم أمشطيها باالمشط الرقيق وخليها يومين أو 3أيام

u

um_mohmed

عروس مشرقة

05-03-2007 | 08:56 PM

جربي بريلكريم الاخضر عمتي أم ريلي اتحط حق احفادها اتقول زين ويطلع الشعر بسرعة ومشطيه نفس ما قالت الدمشقية وفي شامبو فالصيدلية حق القشرة مال الصغارية أنا خذته حق ولدي الدكتور وصفلي ياه.........

ج

جمـــانة

مشرفة سابقة

06-03-2007 | 05:18 AM

اختي انا نفس المشكلة...

بس المشكلة ما راح تروح الا لما يروح المسبب الرئيسي وهو الماي الصاخن اللي نسبح به العيال ونغسل به شعورهم بالطبع..

المهم انا نصحوني بشامبو توني شاريته البارحة وللحين ما جربته عشان اقولك على تجربتي.. بس مدحوه لي وايد
واسمه
sensicare

بالتوفيق

ه

همس الحروف

عروس مشرقة

06-03-2007 | 08:23 AM

والله انا استخدم حق ولدي شامبو اسمه Vava وامشط شعره خلال الاستحمام عكس الاتجاه

ما ادري اذا متوفر هني عندنا ولا لا

لاني اشتريته من الدوحة بوصف من الطبيب

ممتاز جدا في ازالة القشرة لانه خاص لقشرة الراس

واستخدمله Olive Oil قبل الاستحمام

اتمنى اني افادتج في الموضوع وافادوج الخوات

تحياتي
همـــس

ر

رومنسية قطر

عروس مبدعة

06-03-2007 | 10:06 AM

حبيبتي حطي لة دووووم زيت زيتون

م

مناهل78

مشرفة سابقة

06-03-2007 | 11:59 AM

أنا برأي تحلقين الطفل،،، لأن الفروة يكون فيها بقايا من الولادة،، ولدي كانت عنده نفس المشكلة ماراح عنه الا يوم حلقته وكان وقتها عمره بين ست إلى سبع شهور وياربي طلع وصخ من بقايا الولادة وبعدها حطيت له زيت أطفال ونظفت القشور.....

!

! أنــثــى !

عروس ماسية

06-03-2007 | 11:18 PM

شوكران لكم كلكم حبيباتي و طبعا بجرب الشامبو اللي قلتيه اختي جمانة ..

رانيا حبيبتي ابوه مو حاب نقرعه يقول يخاف يطله له شعر خشن ..

رومنسية قطر .. تصدقين ان زيت الزيتون هو اللي جفف راسه اكثر ..

ام محمد تصدقين ان زوجة اخوي توها تقول لي اخلي له بريلكريم و طبعا بجرب ..

عندي استفسارات تملأ المنتدى لكن ماعندنا نت للحين اكلمكم من بيت اخوي ..

بجرب اللي قلتو لي ان شاء الله ..

باي ..

أنثى ..