لحقوا علي ولي يسلمكم

هلا وغلا ببنت النواعم

ربي يسهل عليج ويقومج بالسلامة إن شاء الله

وما عليج شر إن شاء الله..

أنا بعد قالوا لي السكر مرتفع عندي وايد.. وعلشان جذي الدكتورة قالت لي

ما راح تعطيني مهلة بعد ما يطوف موعد ولادتي.. يعني بالعادة يعطون الحامل مهلة

اسبوع الين 10 ايام بعد ما يطوف موعد الولادة بس انا لا.. بتولدني بطلق صناعي.

بس ربج يسهل والله يكتب إني اولد طبيعي قبل موعدي :sad:

بالنسبة لي عطوني ريجيم أمشي عليه وأسبوعيا اروح اسوي تحليل..

الخطورة في سكري الحمل حبيبتي أن الخوف يستمر السكر معاج بعد الحمل..

وبعد لما تكونين مصابة بسكر الحمل الطفل يكبر حجمه بسرعة ، أنا ما اقول لج جذي علشان

اخرعج بس لازم اقول لج علشان تحاسبين ..

شوفي ترا مو بس الحلويات اللي تسبب سكر الحمل.. المعجنات والنشويات كلها تزيد نسبة السكر

أنا الحين سامحين لي أكل رز ومعكرونة بس بمقدار كوب وحتى الفواكه لازم ما اكل موز

ولا عنب ولا مانجو.. وقفت المعجنات بأنواعهم ووقفت كل أنواع الحلويات والخبز بدلته

لي الأسمر. واكل كل شي قليل الدسم ، الجبن والحليب والروب.. والعصاير بس الطبيعية

أو الخالية من السكر.. يعني ريجيم شبه قاسي بس ما راح تيوعين إن شاء الله..

بين الوجبات ممكن تاكلين خضروات او بسكويت غير محلى مع كاس حليب قليل الدسم..

والحمدلله مع الريجيم نزل عندي السكر..

ربي يشفيج وإن شاء الله ما عليج شر..

وإذا بغيتي أي شي أنا بالخدمة.. :shy:


ولج أطيب تحية

السلام عليكم

بنت النواعم حبيبتي لا تخافين الله يسهل عليج و ايقوج بالسلامة
انتي بس اتبعي تعليمات الدكتورة و ان شاء الله خير
و انا اعرف ان سكري الحمل ما بياثر غير بوزن الطفل
يعني وزنه يزيد بسرعة عشان كذا تحتاجين نظام غذائي عشان ما ينولد بزوزن فوق الطبيعي
و الوزن الفوق الطبيعي كل مضاره هي الولادةالصعبة يعني لا تخافين
و ان شاء الله بس تعيدين التحليل يطلع ما في شي
انتي كم زدتي لغاية الان؟

راقبي وزنك و حاولي ما تزيدين بالشهر اكثر من كيلوين
و بكل الحمل ما تزيدينت اكثر من 14 كيلو

الله يسهلك
اختك
روح الحب