لا تبخلون علي بنصايحكم :(

السلام عليكم ورحمة الله

كيف الحال اخواتي وعساكم باحسن حال وصحه

خواتي بغيت نصايحكم وتوجيهاتكم لي

انا عروس وزواجي بيكون في الصيفية باذن الله وتوي ابي ابتدي اجهز

وطبعن البداية للذهب والفستان

ومثل ماتشوفون الذهب شلون سعره طااااير

ابي رايكم اشتري ولا انتظر شوي ؟؟ ولا وش السوااة؟؟

وابي اسامي محلات الذهب اللي في الشرقية وقطر


وبعد ابي منكم تعلموني بالمحلات اللي في الشرقيه وقطر للذهب والفساتين والبدلات والشنط والجزم تكرمون ,,, الخ

الاماكن اللي ماتفوت يعني ياليت تعلموني بها لاني ناويه اخذ لي جولة هالاسبوع ان شالله هناك

وبعد بالنسبه لفستان العرس طبعن مابيه تفصيل

فاللي تعرف محلات تاجير فساتين في قطر ياليت تساعدني

وبالنسبة لفساتين السهرة ابيكم تعلموني بالمحلات اللي في الشرقيه لانه واجد مدحوها لي وياليت تعلموني بها وتكون فخمة تستاهل يعني


وبعد بالنسبة لخواتي القطريات اللي تعرف لي دكتور جلديه زين في قطر الحقووني به

بشرتي شوي تعبانه وشعري بعد تساقط وقشره رررهيبه

وافكر اسوي ليزر يابنات لازالة الشعر وش رايكم؟؟ ووين المراكز الزينه اللي اسويها

ذكرو لي واحد اسمه دكتور حرب في البحرين سمعتو عنه؟؟

وعلموني باسامي المراكز اللي تسوي برامج عنايه ببشره وشعر

واللي عندها اي نصيحة ياليت ماتبخل عي في اي شي من النصايح حتى لو مو عن الفساتين والذهب

اعتبروني اختكم الصعنوونه وصدري رحب لكل توجيهاتكم

جزاكم الله خير ورحم الله والديكم