ضربتيهم وندمتي بعدين؟

اه خلليها على اللهاضرب كتيير بس ضرب خفيف بس مرة ضربت محمود ابني على رجله والله خمس اصابع علمت عليه بس غصب عني والله لان شفته حاطط ايده على البتاع ههههههههه((( عضوه العفو منكم يعني))

وبعد ماضربته وشفت اصابعي ندمت وخصوصي انه قللي والله ياماما عم يحكني خخخخخ

ااااااااه على طووول عانقته وبسته وقلتله سامحني وقللي سامحتك ربي يحفظه واخته الي ولابوه يااارب

مشكور الدمشقية على المرور والله يخلي لك عيالك

و الله من شطانتهم يجبرووون الواحد عالضرب ما شــــــــــــا الله عليهم
اصدقون اذكر عمري دايما هم صغار و لازم نصبر بس احيانا ما اقدر
مرة يضرب اخته الصغيرة... و مرة يحط ايده فالحفاضة ... و ياربي اتينن خصوصا لو كان عاملنها
او يلعب بالثلاجة.... او يصب العصير عالــــــــــزولية.... اشوووف هذا كله مرة ابلعها و مرة
ينضرب بس قبل لارقد اذكر المواقف و اصيــــــــــــــــــــــــــــــــــــــــــــــح و قلبي يتقطع عليه

السلام عليكم والله ضربتي علي الوتر الحساس انا بطبيعتي
ما استخدم العنف او الضرب بس مره كنت حدي نفسيتي تعبانه
وكانت وحده من قرايبي يمي وولدي كان يخبص فقالتلي والله عليج اعصاب
بارده لو انا كان قطعته عل هاللقافه وانا ما صدقت خبر وطقيته بدون شعور
والله اني عقبها ندمت الله يعلم فيه ودفعت كفاره عن اللي سويته وللحين
هالموقف ماثر فيني والله يسامحني علي اللي سويته
معاه

ابني عمره سنه و8 شهور وللاسف هو شقي واتعصب عليه كتيير وغصب عني ايدي تتمد عليه او ازعق فيه بس على طول يجي واخده في حضني وابوسه

نفس موقف أم محمود.. أنا بالعادة أضربه بخفه على الطاير بس أذكر بتلك المرة طلعني من طوري مايبي يغتسل بالحمام ومادري كيف ضربته على ذراعه وطلع صوت ولا الشغالة واقفة قريب باب الحمام متأكدة سمعت وزوجي سمع الصوت،، وبهدلني كيف تضربين الولد ولا بالحمام والشغالة قريبة منكم راح تسوي هالشي بولدك...

من وقتها قمت أحاسب بضربي له وأمسك نفسي عنه....

الله يحفظ عيالكم وعيالنا ويهديهم
ومشكورات العرايس على المرور

مرة صربت بنتي عل وركها بالمشاطة


لأنها عصبتني حيييييل مو راضية تلبس ملابسها


انا عصبت عليها وضربتها بقسوة وبينت على طوووول


والله اسبوع ماجاني نوم من الندم

شوفوا مافي ام اتحب تضرب ولدها بس الواحد بعد كم بيتحمل يكتم اعصابه ... وهالكلام قلته لزوجي قالي يوم ما تتحملين وتحسين عمرج بيتضربينهم اركضي وتعالي ضربيني انا على الاقل انا اتحمل هذيل يهال ما يمشون بالضرب .. ولا تنسين انهم احباب الله ..

بس احيانا حمودي يطلعني من طوري .. وخاصتا انه يضرب كل الناس سواءا طفل ولا مرة ولا رجل ما يعرف صغير او كبير .. بديت اول شي اعامله بالمثل .... يعني من يضرب اضربه واذا مط الشعر امط شعرة واذا شاتهم اشوته .. بس حسيت اني غبيه بتصرفي ... وبشهادت زوجي ..خخخخ

المهم الضربه القويه يته مرة يوم ضرب اخته على راسها وهي بنت شهرين .. غمضني غمضني غمضني ... يتني صيحه

واتصدقون بعد ما يتوب المسكينه تنضرب فاليوم مرتين ولا ثلاث ..

الحين بديت اعطيه ادويه اعشاب يوم يتشيطن او يضرب .. بعد مافي فايده ..