زوجي بليد معي فقط

حكاية غرامي:
اختي بإذن الله اني قادرة احل مشكلتك بس اسمعيني بالاول عشان تفهمين وش اللي لازم منك تسوينه

اختي في نوع من الريايل يحب يستعرض عضلاته على قولة القايل قدام اهله ويبين لهم انه انسان متكامل بس لما يجي الموضوع لزوجته او لبيته يكسل تعرفين ليش؟؟

لانه عارف انج راح تغفرين له لانك تحبينه ويمون عليج ؟؟

بس اهله او امه او ابوه ممكن يزعلون منه وممكن يقللون بالكلام في حقه ومافي اي ريال

يحب انه اهله يشوفونه صغير ؟؟

اول خطوة !!

ابتدي معاه بالتذكير ... والحب وحسسيه بانك انتي تحبين تشوفين هذا الشيء منه الا وهو مساعدة اهله او غيره ...

شفتي الكلام اللي كتبتي هنا قولي له نفس الكلام بس يشكل اجمل يعني


يعني اذا اخته قالت له ودني السوق لاتبين ضيقتك ابد بالعكس تعرفين قولي له تصدق حبيبي

انا وايد افتخر بك .. !!

اذا سالك ليش ؟؟ قولي له لاني احس فيك خير كثير لاهلك وهذا اكيد دليل على انه فيك خير لي انا بعد

اذا سوا شيء لاهله بين له فرحتك واحساسك بالفخر والفرح ...

موضوع اهماله بالحب والتشجيع راح يتغير يعني لا تتذمرين من اسلوبه ابداً قدامه

اول ماتحصلين فرصه اليوم انك تكلمينه .. ابتدي معاه بانك اجلسي جنمبه وامسحي على شعره وقولي له كم كلمه حلوه ... وسوي نفسك انك لمن لمستي شعره تذكرتي وقولي لهبكل غنج ودلع ابنك يبيله حلاقه ولا بنساك وبيلس العب بشعر ابنك ... واسكتي عنه

اذا ماسوا هذا الشيء طول اليوم بيني له زعلك بس بشكل ناعم يعني عاتبيه بشكل رقيق مش باكلة قلب ولا حنه

اذا كنتي تبين تغيرين الشقه انا راح اقولك شو تسوين اطبعي كم صورة من النت وحطيهم قدامك يعني شيء للصالون وشيء لغرفة النوم وكذا شيء

ودومي قدامه سوي نفسك تشوفينهم وتتمنين يكون عندك زيهم بس بدون ماتقولين له سوا لي ... ودائماً تعمدي انك تنسين الاوراق قريب منه ... عشان يشوفهم ...

حاولي تغيري انتي في ترتيب الشقه ... حاولي تستغنين عن بعض الاثاث .. ممكن تستخدمين الجلاد او تصبغين شيء

انتي نفسك حاولي تلهين عمرك .... يعني لاتخلين موضوع عدم اهتمام ريلك اكبر همك .. شوي شوي بتحسين بانه الموضوع عادي

وهو شوي شوي بعد بيتغير ...

سبحان الله بس عليج بتطبيق اللي قلته لج وخلينا على تواصل

ALSHOG:
اختي تقريبا مشكلتج نفس مشكلتي انا اعاني من زوج باااااااااااااااااااااااااااارد اموره كلها يخلصا واموري وامور بني يخليها لين سنه .اتذكر يوم كنا ساكن مع اهله في المحلس والله انا ليت الحمام الله يعزكم اخترب والله ولا صلحه ولا همه كنت اتسبح والحمام مافيه ليت اتذكر ان انا كنت حامل طول فترت الحمل ولين ما صار بنتي عمرها سنه ولين ما طلعنا من الملحق ولا صلحة .............زز انا نفس حالج تعبانة نفسيا بس احمد نفسي انا انا اشتغل وصرت اعتمد على نفسي شريت لي بيت وسكنا فيه لو عليه هو جان لين غشر سنين ولا خذ لنا بيت في كل شي معتمد علي واحمد ربي انا عندي اهل يساعدوني .........زز وكا يقصروني معاي ............. وعلى فكرة ما عندي سيارو قمت ااجر سيارة واخلص اشاغالي والله الواحد زهق بس ما في اليد حيلة

مجنونة زماني:
شوفي انا زوجي فيه نفس الطبع تقريبا
يعني ضرسي بدا يعورني

بعدها بسنه و نص خذاني لاقرب عياده ولكن بعد ما توزع السوس على الفريج خخخخ

..

شوفي ما بطول عليج
انا احن على نغماتي
انا لاحظت هذه النوعيه لو خليتيها على راحتها ما راح تلاقين منهم شي

انا احيانا اقوله ان هذا الشي ضروري .. و اني بزعل .. بس ما اصارخ لاني اسويها بحركه دلع و ازعل اني ما اكلمه ذاك اليوم و امد البوز كل ما شفته و اربع ايدي مثل اليهال و من يشوفني اقوله لا تكلمني انا زعلانه .. و صج ما اكلمه ..

او اني اقول ودني ودني ودني ودني ودني ودني ودني ودني .. يقولي بس فكيني اقوله و الله ما بسكت لين توديني اصلن انا مسجله صوتي لو تبا .. ودني ودني ودني ...

.. و اذا الليت خربان في الحمام ..
اقوله ترا الليت خربان ..
الليت يسلم عليك و يقولك هو خربان
اليوم اسمع صوت في الحمام جني يصيح يخاف من الظلمه الليت خربان

ماما حسون:
الله يهديه ان شا الله ويهدي زوجي معاه وكل زوج فيه هالطبع :sad:

انا بعد زوجي فيه شوي من هالطبع ولكن بشكل اخف .. تو من يومين صاير موقف مشابه ::
ولدي الصغير اظافره صارت طويلة ولها اسبوعين ما قصصهم وكل مرة اقوله يأجل وانا اخاف اقصهم لانه صغير .. واخت زوجي والدة من شهر وتخاف هي بعد تقص اظافر ولدها وزوجها بعد يخاف خصوصا انه اول مولود ..
يوم الخميس اللي طاف اتصلت حق زوجي تقوله انها تبغيه يقص اظافر ولدها الا يقولها اوكى بعد شوي بجيكم :qaq: ( وانا اكثر من اسبوعين وهو يأجل ) .. لما دريت قلت له قص اظافر حمود بعد اللي صار لك اسبوعين تأجل فيهم قال اوكى لين رحنا بقصهم مرة وحدة مع ولد اختي .. وبعد ساعة قمنا رحنا لها الا طلع ان اخت زوجي الكبيرة كانت موجودة وقصت اظافر الياهل ومشت قبل ما نوصل ب10 دقايق .. قلت له قدام بيتهم اللي كانوا متجمعين عند بنتهم قص اظافر حمود عيل .. الا يقول بعدين في البيت :angry:
ولما رجعنا البيت قلت له وأجل كالعاده ويوم الجمعه بعد قام يأجل مع انه اجازة .. وامس السبت كنت في بيت اهلي خليت ابوي يقصهم له :sad: ولما قلت لزوجي قال ليش متعبة ابوج .. انا كنت بقصهم له بس انتي مستعجلة <<< اسبوعين ومستعجلة بعد :angry:
مع اني كنت طل اشكي له ان مأذيني خصوصا وقت الرضاعة من اظافره الطوال لكن ما في فايدة ..

وحتى الحلاق احيانا ما يحلق ولده بالشهووور .. آخر مرة حلقه من اسبوع بعد ما ذاب لساني وانا اقوله خذ ولدك ع الحلاق .. وبالاخير وداه عقب شهرين من آخر حلاقة :sad:


وفي مواقف كثييييييييرة مشابهة :confused:


الله يكون بالعون

alshegra:
خذي فنصيحه الاخوات ولا تسكتين وكوني من النوع اللي يحن وايد يمكن تلقين اللي تبينه.