في أحد مرت عليه نفس حالتي ؟؟

فوفا


انا الشهر اللي طاف اخذت كلوميد

واقعدت تنزل علي الدورة بني واليوم الثالث انزلت عدل يعني احمر

انزين انتي ليش ماخذه كلوميد شنو فيج ؟

حبيبتي الاحسن اتسيرين المستشفي اذا مانزل عليج دم كلش

هلا اختي كويتيه ... انا آخذ الكلوميد لان عندي التبويض ضعيف آخذه باليوم الخامس من الدوره وباليوم 12 من الدوره آخذ ابرة التفجير

اشلون عرفتي ان التبويض عندج اضعيف

اشلون اكتشفت الدكتورة ومتى سوتلج سونار واكتشفت جذيه

بالنسبه لسؤالج اختي كويتيه .... انا اكتشفت ان التبويض عندي ضعيف من التحاليل اللي سويتها عند الدكتوره .. سويت تحليل دم وهم بعد يبين بالسونار الداخلي ..

واذا بتعرفين اكثر يبين من الدوره اذا كان الدم اللي ينزل منج شويه والافرازات البنيه تنزل قبل الدوره وبعدها هذا معناته ان التبويض ضعيف عندج

:clap:

تدرين ليش قاعدة اسالج جذيه

لان انا رحت للدكتور وقالي عندج البويضات صغيرة واعطاني كلوميد بعدين اكتشفت ان كل اللي سواه الدكتور غلط اب غلط


والحين اقولج ليش


بس انتي ما قلتيلي جم طول دورتج ؟

والدكتورة لما سوتلج السونار الداخلي عشان اتعرف حجم البويضات كان لج جم يوم من الدورة وجم كان حجمهم ؟

انا طول دورتي 6 ايام يومين تنزل علي الافرازات البنيه واليوم الثالث كان يبلش الدم يستمر يومين او ثلاثه وبعدين ترد تنزل علي الافرازات

ولما سوت لي الدكتوره سونار كان لي 5 ايام من الدوره وبعدها اخذ كلوميد وتقولي باليوم 12 من الدوره تعالي اسويلج سونار عشان تشوف حجم البويضه واغلب المرات يكون حجم البويضه 20 يعني مناسب وبعدها اخذ الابره وتقولي يصير الجماع بعد 36 ساعه من الابره ... بس سبحان الله .. الله ماكتب لي الحمل للحين .

بليز بنات اللي مرت عليها نفس حالتي لا تبخل علي بالرد وتقولي

لا فهمتيني

دورتج اتيي كل جم يوم

يعني كل 28 كل 30 يوم او شنو ؟

وبعدين جم كان حجم بويضتج لما سوتلج سونار " قبل ما تاخذين اي علاج "

:qaq:

بذبحج كويتيه

انا دورتي كل 28 يوم وبالنسبه حق حجم البويضه قبل لا اخذ الكلوميد كل شهر مادري اتوقع 12 لاني ما اركز .. (( لأن وقتها احاتي السونار الداخلي بس ابيها اطلعه ))

ما عليه تحمليني

انتي دورتج كل 28 يوم يعني تبويضج باليوم ال 12 اكيد


اذا سوتلج سونار باليوم ال 5 من الدورة ما راح اتكون البويضة اكبيرة لانها قاعد ة تكبر لما اليوم ال 12 وتوصل حق حجمها المطلوب


يعني انتي بويضتج كان حجمها 12 وكان هذا باليوم ال 5 للدورة

انزين هذا شي طبيعي

لان تبويضج باليوم 12 يعني بقالج 7 ايام ليما اليوم ال 12 واليوم الواحد تكبر فيه البويضة تقريبا 2 مم

يعني 7 ضرب 2 = 14

14
+ 12
=
16

واحتمال تكبر باليوم ال 13 بعد

:qaq:

اسم الله عليج والله تعرفين .. تصدقين انا حدي خواره بهالسوالف :gum:

اعرف من كثر ما اقرى بالمنتدى


وانا يا طويلة العمر صارلي 5 اشهر متزوجة وبعد شهرين من زواجي كان عندي افرازات ويوم رحت للطبيب عطاني تحاميل ما نفع وبعدين صارت فيني قرحة والطبيب قالي لازم كوي وفعلا سويت


المهم بعدها حاولت احمل ما الله كتب

قمت ورحت للدكتور

وكان هالكلام باليوم ال 12 من الدورة وسوالي سونار شاف عندي بويضة حجمها 8 وقالي انتي تحتاجين منشطات وفعلا عطاني كلوميد من ثاني يوم من الدورة اليايه وخذيته ورحتله باليوم ال 12
من دورتي وسوالي سونار وشاف بويضة حجمها 20 وفعلا الدوا خذا مفعوله وقام عطاني ابرة تفجيرية وقالي جماع بعد 36 ساعة لمدة 3 ايام وصار اليي قاله

المهم دورتي المفروض ابتاريخ 26 /2


ويوم 21 بدا ينزل علي بني ولما صار جماع بيني وبين ريلي نزل دم احمر وكان اشويه

وتميت ليما اليوم اللي وراه وقلت هذي اكيد الدورة


يالله الحمدالله ما الله كتبلي احمل بالرغم اني ماخذه كلوميد

المهم ثاني يوم ما نزل علي دم احمر بس بني وكان الخميس

قلت خلني اروح للدكتور لان اخاف تنزل علي يوم اليمعه والمستشفى امسكر ولا ؤاح اقدر اروح للدكتور عشان يكمل معاي كلوميد لان لازم اخذه ثاني يوم من الدورة


المهم الخميس رحتله وقتله نزل علي بني قالي هذي اكيد دورة

وقالي راح اوصفلج كلوميد بعد هالشهر

وقبل لا يكتب الوصفة سالته سؤال كان ابالي من زمان

قتله دكتور

هل تبويض المراه يختلف باختلاف طول دورتها

جان يقولي ايه

جان اقوله دكتور انا طول دورتي 32 يوم

ولما ييتك اول مرة كان اليوم ال 12 من الدورة وشفت بويضة حجمها جم

جان يفتح ملفه

وايقولي كان حجمها 8

جان اقوله انزين دكتور انا تبويضي ما راح يكون باليوم ال12 لان دورتي طويله

راح يكون بعد اسبوع تقريبا حسب معلوماتي

جان يقولي ليه صح

وانا اشوي واطقه

جان اقوله البويضه تكبر كل يوم بعد الدورة بمعدل جم

جان يقولي الغبي 2 مم تقريبا


جان اقوله وصلنا خير

يعني انت فحصتني ابيوم ما كان تبويضي

يعني لو ناطر علي اسبوع جان اكبرت البويضة طبيعي واوصلت للحجم المطلوب


تدرين اشرد علي

قالي


" انتي ما اولتليش ان طول دورتك 32 يوم "


طلعت ومن الحرة اللي فيني رقعت الباب وراي رقعة مو طبيعية

فهمتي الحين ليش قاعدة اسالج

والله يرزقني ويرزقكم في الذريه الصالحه .. يارب آمين

هلا أختي foofa_q8

والله إنه حالتي نفس حالتج ومتبهدله مب عارفه متى أول يوم ومتى اخر يوم

ولا حد عطاني الجواب الكافي

انتظر منهم الجواب

انا صارلي نفسج الشهر لي طاف

دورتي كانت في 27\1\

وخذت كلوميد ثاني يوم الدوره

وسويت سونار 12 يوم الدوره وقالت عنديه بيضتين

وطبعا قبل موعد الدوره لي اهيه المفروض تنزل في شهر 2

نزلت لي ماده بنيه ورحت العياده ع طول وسويت فحص حمل دم طبعا وطلعت حامل

وقالتليه محتاجه مثبتتات ابر وعطتني تحاميل اسمها سايكلوجست نصحتني اخذها شرجيه

عشان جي حبيبتي افحصي اخير يمكن تكونين حامل وبالتالي محتاجه مثبتات

هلا اختي هملوله ... أمس رحت حق دكتورتي وقبل لا تسويلي سونار داخلي قلت لها دكتوره هالدوره ما شفت نقطة دم كلها افرازات بنيه ... جان تقولي خلاص روحي سوي تحليل حمل وانشاءالله تكونين حامل لانه في وحده من جم يوم يايتني نفس حالتج وكنت بعطيها كلوميد مع ابره وسويت لها سونار الا في بيبي ... انا وقتها طرت من الفرحه قلت يالله عسى خير :shy:

رحت وسويت تحليل دم .. وقلت بيني وبين نفسي مابي استانس عشان ما انصدم


وطلعت النتيجه .... وكانت كالعاده سلبيه قالتلي السكرتيره اللي بالعياده مافي حمل :angry:

بغيت اذبحها

:sad:


يالله ... الله كريم

وقررت ان هالشهر اريح وما اعالج ... لأني كنت بسوي هالشهر تلقيح صناعي وأجلته الى الشهر الياي انشاءالله

والله يرزق الجميع انشاءالله

عادي فوفا

لا اتضيقين خلقج

متى الله ما كتبلج اتحملين بتحملين

وانا نفسج هالشهر ما اخذت كلوميد ولا شي

الله يعينا على ذا الأدويه ويكتب اللي فيه خيييير ويرزقنا الذرية الصالحة

{اللهم لا تذرني فرداً وانت خير الوارثين}

اسأل الله العلي العظيم ان لايحرمنا الذرية الصالحة ويرزقنا ويرزق كل محرومة

قووووووولوووووووووا آآآآآآآآآآآآآميــــــــــــــــــــــــــن