هل ممكن يكون سحر؟

اجمع لك معلومات مضمونة ولي رجعة
بس تنتبه لاتروح للاشكال هذي

لا حول الله ياربي
الله يبعد الحسد والسحر عنهم ان شاء الله
كلشي جايز بهاي الدنيا عزيزتي بس خلي توكل امرها لله وهو ارحم الراحمين

اختي خليها تقرى يوميا سورة البقرة لانها تبعد العين والحسد وان شاء الله يرجعلها اذا لهم نصيب ويا بعض والله يوفقها

ممكن يكون هالولد يمر في ضيقه او ازمه في حياته فهالشي اثر على علاقته فالبنت خليها تصبر معاه هم متى ناويين يملكو ويكون العرس؟

مالها الا أنا تقرأى سورة البقرة والرقية الشرعية والله يفرج عنها............

خلها تفتح سورة البقرة في البيت
وكمان في طريقة انها تقرا سورة يس والمعوذات وسورة الفاتحة عل ماء وتشربها
او يشرب العريس

أشكر لكم تفاعلكم خواتي
والله يحسبه في ميزان حسناتكم
الموضوع صار جدي!!!
واتفقو انهم يروحون المحكمة!! بدون سبب مقنع ومفهوم!!! البنت بتقتل روحها من البكا!!

معشوقة خطيبي
أشكرج وأنتظر منج الرد اللي يكون فيه الخير إن شاء الله
والله يوفقك ويبعد عنك شر الحسد والسحر اللهم آمين

الينبوعة

أشكرج حبيبتي .. هي الحين موكلة أمرها لله!!


طلوع الفجر

خبناها تسوي هالشي.. هي تقرا المعوذات كثيرا كثيرا والله الموفق!

alshegra
هم مالكين..بس كل ما حبو يحددو موعد للعرس مايستوي!!
حاولنا نقعد ويا الولد ونسأله اذا عنده أي مشكلة يأكد لنا ويحلف إن مشكلته انه ما يقدر يحبها كزوجة!!مع إنه هو اللي أختارها وذبح روحه عشانها!!
وهالاحساس ياه بين يوم وليلة!!!!



لب الفؤاد
إحنا نصحناها تسوي هالشي!



حلا فلسطين..
الولد مادري شفيه معاند وماهو حابب انه يشرب ماي مقروء فيه وماحنا قادرين عليه!!

والله الموفق ويبعد عنا وعنكم وعن كل المسلمين والمسلمات شر الحسد والسحر اللهم آمين!


واللي عنده كلام طيب وحل أو قصة مماثلة الله يخليها ويوفقها لا تبخل علينا

ما عندكم غير شي واحد تسوونه...
الولد يوم يرقد... كل ليلة الأم تروح غرفته وترقي كل ليلة...
يعني وهو نايم تحط يدها على راسه وتقرا عليه رقية شرعية...
ليليا يعني ما تطلع من عنده إلا وهي راقية الولد... اتم جي لين يشفى...
وما ينفع يشغلون مسجل قرآن.... الأفضل إن أهل البيت هم يقرون على الولد...
خلي كل أهل البيت يقرون البقرة يوميا... البقرة وآل عمران....
هالسورتين إن شاء الله فيهم العلاج... الولد بيتم معاند لأنه السحر يمنعه...

سورة البقرة كل يوم قبل بين العصر والمغرب وراح يبطل السحر

الله يفرج عليكم يااارب

خل تقرا قرآن ....

وان شالله يكتب لها اللي فيه الخير

واذا ماصار الله كاتب بعد شتسوووي

ان شالله نصيبها يكون احسن ومع غيررره

ولاتحطون في بالكم سحر وحسد .....

وطول الوقت خل تستغفر وتسبح

والله يفرج عليهم ياارب
واذا لهم نصيب مع بعض ربي يسهل عليهم
ويبعد كل حاسد عنهم وعنا وعن جميع المسلمين

جرح الزمن
أشكرج مرورج الكريم..
الام عندها خبر بهالشي..مادري اذا سوتها وقرت على الولد او لا! لكنها تحاول بكل قوتها!
تصدقين ان الغريب اني انا كله اقول ببخرهم واقرا ا عليهم اذا شفتهم ويا بعض وبما يصير!! كلللللل انسى!!


شكرا لمساعدتج والله الموفق!

زهرة الموت.. ليش مسمسة روحج بهالاسم!!؟؟؟؟

احنا قلنا للبنت تسوي هالشي!! لكن الحين هي ما تقدر تلمس القرآن!!!!!!:gum:

الله يسهل اللي فيه الخير لها يا رب ويبارك لها امين
ويبعد عنا وعنكم شر الحسد و السحر وكل شي امين يارب

رايقة..
هذا هو الحل الاسهل والمريح!!

الله يسهل وييسر اللي فيه الخير يارب
ويبعد عنا كلنا شر الحسد والسحر وكل شر يارب
ويوفقنا ويريح بالنا ويرزقنا بالازواج الصالحين
اللهم آمين

انا بقولج شي صارلي

مرة بعد ما تزوجت ورزقني الله ببنوته حلوه جاستني حاله هستيريه كله صياح وكله نكد وما احب اسير مكان وما كل ما شفت ريلي كأنه عدوي كل ما قالي شي رديت عليه بعشر ولا ياني نوم في الليل وكرهت الدنيا واستغفر الله تمنيت الموت وكله كنت احس انه محد حاس فيني واني اعذب من داخلي عذاب محد يحس فيه والله بالفعل عذاب مب شي هين

وبعدين قلت حق ريلي ودني عند مطوع خله يقرى علي وبالفعل كان عندالنا مطوع مسجد عندالنا ماشاءالله عليه يقرى على الناس وقرى علي االرقيا الشرعيه ويقرى في الماي وتاخذينه وياج البيت والحمد الله انا رجعت البيت كأنه هم وانزاح عني

ترى الرسول قال العين حق فاحذروها وفي ناس وايد يحسدون هالأيام ولا يذكرون اسم الله على لسانهم

وانا كنت بعد غلطانه كان لازم دايما أرقي نفسي بالأيات كل صبح ومسى وهالشيخ عطاني كتيب فيها الرقيا الي لازم نقراها النهار والليل

وبنتي بعد مره صابتها عين وكل ما نامت تصرخ صراخ كأنها بتموت صراخ مب طبيعي وكانت توها تتكلم وتقول قطوة بتاكلني ومرات تقول عيون تطالعني وتصارخ ,, تخيلي وانا اصيح طول الليل من كثر ما كانت تكسر خاطري من الخوف اللي في عيونها ,,

وبعدين سمعت حديث عن الرسول انه سمع ولد يصرخ بالليل فقال ارقوه فهو مصاب بعين (بما معناه مب متذكره صيغة الحديث) وقريت ان اللي ينصاب بالعين يشوف قطاوه في منامه او ثعالب ويشوف عيون تناظره

قلت اكيد بنتي صايبتنها عين وبالفعل وديتها لمطوع يقرا عليها والحمدالله ما ردت تصارخ في الليل مثل ذاك الصراخ الي يخوف


نصيحتي مثل ما قالولج كل البنات الرقيا الشرعيه وسورة البقرة وخلو مطوع زين يقرا عليه (وإحذرو من النصابين )

والله يشفيه

عليها بسورة البقره يوميا اذا تقدر وخاصة وى قيام الليل او حتى على فراشها قبل النوم ويوميا وعن تجربه لوحده من الاهل واكثر من مره

أميرة المنارة..
راحو لشيخ وقرا عليهم وعطاهم من الماي بعد
مشكورة جزاك الله كل خير وحفظك وحفظ لك زوجك وبنتك وكل ذريتك يارب آمين

أم منصور وسهيل.. هي الحين تقرا سورة البقرة

لكن الانفصال تم بالفعل.. والبنت دمعتها على خدها!
الله يرزقها يا رب باللي يستاهلها ويريحها قريبا وليش بعيدا امين يارب العالمين يارب
ويحفظها ويحفنا يا رب من كل شر الحسد والسحر ومن كل شر.. اللهم امين يارب

احنا ليش العرب بنفكر بالعاطل قبل مانحل المشكلة الاساسية....خلص مو قابلة تعرف سبب الملل وتحله تنفصل عن خطيبها وتحمد ربها ماتزوجت للحين فيه....بكرة بس تتزوج رخ تجن ويصيبها ملل...وتسير اربع وعشرين ساعة تبكي منه ومن عمايلة....لا تفكر بهل سحر وهل خرابيط ,,,ماحد متفيق بهل الايام للسحر صدقيني...نصيحة انها تفر بجلدها قبل ما يصير في حياتها زي الكابوس