المجموعه الثانيه من تصويري

السلام عليم ورحمة الله وبركاته

حبيت اعرض لكم المجموعه الثانيه من تصويري وانشالله تعجبكم..

واليوم راح اتكلم عن تصوير الماكرو

الماكرو يعني التجريد او التصوير من قريب جداً و يوجد الماكرو في الكاميرات الدجيتال الصغيره والكاميرات البروفيشنال بعد
وهو عباره عن زر على شكل ورده

وفي اشياء يجب مراعاتها قبل تصوير الماكرو اذا كنتي حابه تصورين بكاميرا دجيتل اللي الزووم يكون فيها x3 لازم يكون بين عدسة الكاميرا والشي اللي حابه تصورينه مسافه لاتقل عن 5 سنتيميتر لان لو قربتي اكثر ماراح يطلع فوكس والصوره راح تصير مضببه ومو واضحه.. وان لا تزيد المسافه عن 10 سنتيميتر أما تصوير الماكرو فالكاميرات البروفشينال اللي يكون فيها زووم لازم الكاميرا تكون على مسافة 20 سنتيميتر تقريباً والتقريب يكون بالزوم نفسه..

وللحصول على فوكس او تركيز حلو اضغطي الزر على دفعتين لين تشوفين الصوره بدت تصير واضحه كملي ضغطه كامله..

و مثل ماقلت قبل الماكرو الناجح يحتاج اضاءه كافيه وانا افضل إضاءة الشمس الطبيعيه لانها تعطي صفاء للصوره..

اتمنى اني افدتكم ولو بشي بسيط ..