التغلب على الخوف

حبيت أطرح عليكم ها الموضوع لاني حضرت الدورة هاي وطبقت الكلام الي في ولقيته صح 100%
المهم الدورة كانت تتكلم عن مشاكل الخوف عند الاطفال وكيفية التغلب عليها وأنا بختصرلكم ياها وبقولكم تجربتي للافادة...
أي وحدة عندها طفل يخاف لازم اتعرف من شو يخاف ها أول شيء وإذا كان الطفل كبير يعني يقدر يتكلم ويعبر من شو يخاف وايد زين .
خذي ورقة وقلم وارسمي هرم واسئليه من شو تخاف ورقميهم من الاقل الين الاكثر ويكون الاكثر عند راس الهرم وعقب فترة اشتريله شيء فيه صورة الشيء الي يخاف منه أو ارسميله صورة الشيء وخلي يلونها أو خذي لوحة فيها صورة الشيء وحطيها فالغرفة مكان يقدر يشوفه أولعبة فيها صورة الشيء وشوي شوي بيكون الشيء متألف وياه ويوم بيشوفه بيكون عادي عنده ولا شنه كان يخاف منه .
أما بالنسبة للصغار مثلا أنا ولدي كان يخاف من الكورة ومن صوت الدريل المهم اشتريتله كورة صغيرة هاي الي فيها اسفنج عشان ما تعورة يوم ينضرب بها وكان عادي وياها بس الكرة الكبيرة اكتشف ان يخاف منها من عمره 10 شهور تقريبا وقلت حق ريلي باخذله كرة عودة قالي بعده صغير الكرة أكبر عنه طبيعي يخاف منها ونسيت السالفة من فترة قريبة ولد عمه ياينه وياه كرة وشوف ولدي كل ما هاك يشوت الكرة يشرد ويتعلق فيني عرفت إن بعده يخاف يومين وخذتله كرة كبيرة ويلسنا أنا وأبوة نلعب فيها وعقب يلسنا وخلينا الكرة طايحة انشوفه يتقرب منها ويبتعد عنها ويودها شوي ويهدها وشوي خذته تميت افرله ياها واقوله فرلي بس بعده خايف يسوي عمره عادي بس الكتاب منقري من عنوانه وخذت الكرة ولعبت فيها ع الدري وهو يشوف الكرة وهي نازله ويضحك بس يوم اتي عليه يصيح ويومين تميت العبة فيها واحطها اف مكان يقدر يشوفها وشوي شوي قمت أفر الكرة أون بالغلط على راسه واحين تعالو شوفوه كيف يلعب فيها ويشوتها بريله وهو يالس خلاص ما قام يخاف منها وريلي انصدم يوم شافه يلعب بالكرة قتله شفت خله عادي ولا اتقول يخاف حرام عليج إذا قلت جي بيتم يخاف من كل شيء لازم شوي شوي اتعوده عشان يتغلب ع الشيء والحين كل ما ولدي يخاف من شيء يقولي هلتيه ويسويله عشان ما يخاف أتمنى إنكم تستفيدون من موضوعي ومشكورين