قصه ولادة عروس الدوحه+تهاني

السلام عليكم

بنات انا بنت خالة عروس الدوحه والحمدالله هي ولدت من اسبوع وجابت بنوته قمر اسمها عائشه كانت ولادتها معسرة وصعبه والحمدالله الله ستر والام والبنوته الحلوة بخير ادعولها يابنات المسكينه تعبت واايد بالولادة

الحمدلله ربي قومها بالسلامه

هالتعب تعب منسي على قولتهم

الف مبروووك البنووته القمر

وعقبالنا وعقبال كل وحده حامل يااارب
الله يتمم وييسر على خير يارب

مبروك ماجاكم .. وحمدالله على سلامتها ..

الف الحمدالله على سلامتها
اجر وعاااافيه ،،، وعقبال مانشوف البنوووته مشاركه معانا بالمنتدى:)

قصة ولادة عروس الدوحه

بنات شفتوا عقب ماكتبت لكم اني رحت مع خدامتي للقمسيون طبي وسوت اشعه وخرعوني قالولي ان الغرفه الثانيه تسرب اشعه وخرعوني المهم رجعت البيت وانا مضاايقه وخايفه على البيبي مووت واتصلت بدكتورتي قالولي طلعت وقلت بروح طواري المغرب وكنت مضاايقه كلش ومافيني وجع ولاشي من بوادر الولادة بس كنت احس بتعب مثل الام الدورة يروح ويرجع والبنت فديتها كانت نازله في الحوض واايد وكنت قبلها بيومين احس بنقزاتها تحت وتعور كل مارفست براسها احس انه شوي وبتطلع مني المهم قعدت على كرسي بصاله من ضيقه فجأة حسيت بشي بيطلع مني غصب واركض للحمام وتبطل ماي البيبي ونزل وكان دافي وصافي بس مانزل ايد شوي وفي هاللحظه جاتني خرعه ونفضه موطبيعيه قام جسمي كله يصب عرق وارتعد من خوف اتصلت لزوجي اقوله ماي ياهل تبطل قالي يعني خلاص اليوم قتله ماادري انا خايفه اتصلت لاخت زوجي وخبرتها قالت خلاص ولادة انتظري وجع وروحي المستشفى وقالت لي لو نزل ماي اكثر موزين على طول الطواري واتم بالغرفه ارتعد وجهزت اغراضي بسرعه وماكملت حوالى 3ساعات ويجني وجع ببطني وظهري انا كنت ابي اصبر لكن بسبب بنوته انها كانت وايد نازله كنت احس نفسي خلاص بتطلع فخفت كل مااروح حمام احس شوي وبتطلع بسبب انها خلاص نازله بالحوض ولانها اول ولادة لي فما كنت عارفه شي وماقدرت استحمل ورحت طواري على طول ودخلوني وفحصت دكتورة تخيلوا شتقول 3سم بغيت اموت اقولها خلاص احس ياهل بيطلع تقولي اي من كشف يبين ان بيبي نازل بالحوض واايد الام ولادة كنت متحملتها لكن وجع راس بيبي وهو نازل ويظغط هو اللي ذبحني وقالوا لازم تخطيط نتاكد ولادة او لا واروح للتخطيط واتم اعور ربع ساعه صراحه الام غير محتمله وبعدها قال دكتور لا توا ناس عليها تروح بغرفه فوق اخواتي تهاوشوا معاه قالوله حرام تروح فوق وبعدين تحولونها ولادة ومارضي ورحت فوق ماخذت ربع ساعه وانا 5سم على فكرة كل دكتورة تكشف تقول مرة 3ومرة4ومرة5 لعوزوني واذبحوني بالكشف وووووع المهم نزلوني ولادة والله يابنات انه وجع موطبيعي مت كنت اعووور واتقلب بسرير بس وجع كان عندي بظهري اكثر من بطني كنت خلاص احس ان ظهري بينقص نصين عطوني ابرة بالعضل وبخاخ وحطولي مااعرف شنو مغذي او غير عن طريق وريد والمصيبه اني كنت احس بالعصرة واعصر وقالولي بعدين غلط ماتعصرين اذا مافتحتي 10 سانتي المهم انا كنت طالبه دكاترة نسوان وماابغي ريايل حتي اللي راح ياخذ البيبي طردته من غرفه سبحان الله اخر شي اللي ولدوني دكاترة ريايل المهم كنت اتقلب على الجنب يمين يسار يخف الام لكن لما كنت اقعد على ظهري امووت الام يزيد ومرت 3ساعات وتقولي 6 اااااااه واتم اعور وكنت انام واقوم ومااحس بنفسي كلش وفجأة تقولي نيرس بوش واحاول وتحطلي بخاخ وتقولي بوش واحاول بنات مااحس بشي غير براس يبي يطلع ووجع بظهري بينقص تقولي لا لما يجيك وجع ببطنك دفعي اشلون وانا مااحس ببطني الوجع كله بظهري وجع غير مستحمل كنت امووت من ظهري واحاول ومافي فايدة وظغطي نزل والبيبي ظغطه نزل وينادون دكتورة وتحاول وتصارخ على وتوسع من تحت ذبحتني وخلاص مافي فايدة وتصارخ نادوا دكتور ماادري من وفجأة دشوا على 6دكاترة ريايل ونسوان اللي يوسع واللي يرفع ظهري واللي يظغط على بطني كنت امووت من وجع وقمت اصارخ بدون احساس من وجع وتعبت قتلهم خلاص تعبت مااقدر ابي قيصري وتصرخ على دكتورة تقولي خلاص مافي وقت دقايق وبنوته ماابي اقول لانه ظغطها نزل واختنقت داخل تخيلوا الدكتورة تقولي مابقي شي مت قلبي تقطع وانا يغمي على ويوقظني ودكتور يظغط على بطني و4 مرات بوش وطلعت فديتها وكانت مختنقه خضرة مزرقه لانها ارتفعت فوق واختنقت وماصاحت على طول اركضوا فيها وجابوها لي بعدين والله اني مت وحييت يابنات ماابي اخرعكم من ولادة لكن تجربتي صعبه خصوصا يوم قالولي انها خلاص دقايق لها اااااااااااااااه تخيلوا مت مت ووقت ولادة ماتعرفين حد تبين تخلصين وبس مع اني قبل كنت اقول اشلون الوحده ترضي ريال يولدها ماتستحي وشوفوا ش صار لي ريايل وطبعا معاهم نسوان ولدوني وماكنت مستحيه ولا شي تعب اللي كنت فيه خلاني مااعرف من اللي معاي
وبعدها خيطوني وطبعا من كثر ماوسعوني تخيطت واايد الله يستر
وتميت بالاستراحه ساعتين وعطوني اياه فديتها وسبحان الله نسيت كلشي صار سبحان الله مع ان ولادتي كانت معسرة ومتعبه لدرجه اني خايفه احمل مرة ثانيه مش من ولادة خايفه انه يحصلي نفس هالمرة مااعرف ادفع البيبي؟

وسؤال دايما يراودني ببالي ليش ماعرفت ادفع مع اني كنت اسوي اللي يقولونه لي ؟

والحمدالله على كل حال

ماابي اخرعكم من ولادة بس حبيت انقلكم كامل تفاصيل

اختي ولدت قبلي باسابيع والحمدالله ولادتها كات سهله وميسرة وخلتني اتشجع اني اولد وسبحان الله ولادتي تعسرت

فلاتخافون وتوكلوا على الله
نسيت اخبركم اني خذت ماي زمزم منقوع بزعفران وهاي اللي ذبحني انه حمى طلق عندي وانا توني 5سم فعشان جذي جاتني الام قويه وتعبت وعند دفع ماكانت فيني قوة

كاتبه موضوع بنت خالتها منقول بلسان عروس الدوحه

[CELL="filter:;"][ALIGN=center][/CELL]

الف الحمدالله على السلامه

ومبروك مايابت .. وتتربى في عز امها وابوها ..

على البركة اختي عروسة قطر

الله يجعلها تتربى بعزكم وتجعلها صالحة يارب

وان شاء الله المرات الجاية تكونين اقوى

الف مبروووووووووووووووووك

الف مبروك
الله يخليها لج ولابوها
واتربه في عزكم

مبرووووووووووك على البنوته تتربى في عزك .........

الحمدالله على سلامتج :)
وتتربى بعزج ان شالله

ألف مبروك والله يخلي لك عوااااااااااااااااااشه

حمد لله على سلامتج ..
وان شاء الله تتربى بعزكم يا رب

الف مبارك
والحمد لله ع السلامة
وتقومي لنا بالف خير ان شاء الله

الف الف الف مبروك:clap:

و تتربى بعزكم ان شاء الله:gum:

بس انتي خوفتيني وايد من الولادة:sad:

مبرووووووووووووووووووووك عليكم البنوته وتتربا في عزكم..
والحمد الله ع سلامج يا عرو الدوحه.

مبرووووووووووووووووووووك عليكم البنوته وتتربا في عزكم..
والحمد الله ع سلامج يا عرو الدوحه.:shy:

ان شاء الله عروس الوحة لما تقوم بالسلامة تقرأ ردودكم