غازات البطن وش الحل معاها بليز انقذوا ابنتي؟

كريشما:
السلام عليكم

اخواتي بنتي عمرها اسبوع وتعبانه واايد من غازات لدرجه حتى بنومها تتصارع مع بطنها وتقعد تصيح بساعات واحاول اسكتها مااقدر لان غازات زايدة عليها وكاسره خاطري تنام وتقحص من وجع بطنها و تقعد تعور منه وارضعها طبيعي وصناعي استخدم سيميلاك وعطيتها من يومين اعشاب موليبا ماحسيت بفايدة وامس عطيتها يانسون وصادها اسهال مرة وحده بعدها

ارجووووووووووووكم ابغي حل للغازات لان بنتي صج تعاني من قلب

الله يكوون في عوونج بنتي كانت تعاني من الغااازات
ونصحوني بماي غريب والحمد الله نفعها والنافع الله

وينسون بعد زين

في صيدليه ينباع شاي البابونج خذيه وجربيه
او اشتري بابونج من المطحنه و اغلي في الماي وشربيه
وانشاءالله يروح عنها

ماي غريب ماادري ليش الكل يقول خطر!!! وعندنا بطلوه من زمان ...

بس الي اعرفه من خبرتي بعيالي اليانسون والكمون واحد منهم اغليه للبنت..

وكمان النعناع ممتاز....

وشوفي احيانا له اسباب انو يرضع من الرضاعه هوى تكون خلصت ومااحد انتبه هذا اذا كان يرضع صناعي...

والله يشفيلك اياها...

اغلي الكمون وصفيه وشربيها اياه
وان شاء الله بالسلامة هذا هو علاج الانتفاخ
للصغار وكمان بالصيدلية فيه دواؤ للبيبي للنفخة
ومغص البطن
وسلامتها حبيبتي
بيروح الشر عنها

بسم اللة ارحمن الرحيم
ياربي على الامهات الجدد اول شي اليانسون رهيييييييييييييييب مره الاطفال ينضف البطن ويخليهم مرتا حيـــــــــن مرة جاها الاسهال علشان ينضف بطنها الصغيرون من الوسخ الي فية من باقي الرحم غير كذا سويلها مساج ناعم عند منطقة البطن بتلاحضين انها راح تهدى تماما وماء غريب زين مرة بعد الله يخليها لك وتمنى اني افدتك يالغالية غير كذا عطيها ماء وسكر نبات ضروري وتمرة وماء واهم شي الجلكوز حق الاطفال في الصيدلية مهم مهم مهم لنة اي عوالق من باقي ارحم يشيلها ولا يسبب انتفاخ غازات مؤلمة عندهم الحلوين الصغار انا اقولة عن تجربة واللة يهنيك فيها
شفتيها بلفتها عقبال زفتها يارب

مشكورين اخواتي وانا وديتها لدكتور قالي عادي هذي غازات بطن وماقالي شب وماعطاني شي قالي فقط عليج برضاعه طبيعيه ومسدي بطنها

بس مافي فايده غازات ذابحتها

بستخدم يانسون ان شاءالله يجيب نتيجه

اعطيها مرة وحده باليوم بس يانسون؟ والا عادي كذا مرة؟

أنا كان ولدي نفس الشي، ولما وديته للدكتور كتب له قطرات للمغص و مسكن أدول وقال
أستخدمهم وقت الضرورة بس... والحمد لله ارتاح عليها بس ما كنت أكثر له منها عشان
خفت يتعود عليها...
غير كذا أختي جربي اجلسي على طرف السرير أو الكنب وحطي بنتج على بطنها على رجولج
بتلاحظين ان إذا فيها غازات بتطلع منها وبترتاح إن شاالله...
ملاحظة أخيرة، انتبهي تعطينها تمر أو سكر نبات...ترى بالعكس كثير يعطونه أطفالهم على
أساس أنه يريحهم وهو يزيد الغازات والإنتفاخ بالبطن خصوصاً التمر...

الغالية الينسون و البابونج و النعناع وااايد زيني و الزعتر بس لازم يكون مخفف وااايد يريح اقولج عن تجربة..
و الياهل يحتاج تهميز و تمسحينها بزيت زيتوون دافي شوي على الظهر و البطن بكل هدوء على الاقل مرة كل يومين...
وبعد كل رضعه لازم ادسعينها لو اتخلينها ربع ساعه شالتنها على ايديج و تمسحين ظهرها

الغالية الينسون و البابونج و النعناع وااايد زيني و الزعتر بس لازم يكون مخفف وااايد يريح اقولج عن تجربة..
و الياهل يحتاج تهميز و تمسحينها بزيت زيتوون دافي شوي على الظهر و البطن بكل هدوء على الاقل مرة كل يومين...
وبعد كل رضعه لازم ادسعينها لو اتخلينها ربع ساعه شالتنها على ايديج و تمسحين ظهرها و لو بعد الرضعة ب 10 دقايق لو مانامت اتحطينها على بطنها شوي عسب لو في غازات تطلع بس انتبهي يكون راسها على ينب عسب ما تختنق..
و على العموم هاي اىلاشيا تستوي لان البطن ما يكون متعود على الاكل ...
و اختي حابة انبهج انتي دايما لازم تبتعدين عن الاكلات الا تسبب الغازات و لاززم تواضبين على
شرب شاي النعناع و الزعتر و الينسون و البابونج و الطبيخة ووااايد مفيدة ... ترا تدخل في مكونات الحليب الطبيعي و منج للنونو...
و ابتعدي عن العدس الرويد و الفول و الحمص والمعجنات و غيره من مسببات الغازات
اتمنى اكون افدتج

نرجع نتكلم عن الملائكة الصغار ياناس ليش نعطيها ادوية مادم عندنا شي طبيعي لهم حراااام لسة هم صغار واللة اليانسون والكمون رهيــــــــــــــــــــــــــب ويساعد على انهم ينامون بسرعة علما انا اعطية الاطفالي اعمارهم من اسبوع الى 3 سنوات لنة يعمل كا منضف لهم ويريحهم من المغص واي شي اكلوة ضايقهم :sad:
وعلى فكرة الدكتور طمنك صح عاد ماله داعي الخوف الزيادة ويامالك من الروعات عليهم لنة في كل مرحلة لهم شي جديد لكن بحول الله احنا مع بعض راح نساعد بعض:shy: :shy:

السلام عليكم أختي كيف صارت البنوت انا كل الي فيي اقولو وقفي الحليب الأصطناعي لأنو هضمه صعب عالبنت لفتره و خليكي عالحليب الطبيعي من صدرك لأنه امن عالطفل و لا يسبب غازات و سلامتها و يعطيكي العافية :)

ما تشوف شر بنتك و داومي باليانسون و ان شاء الله مافيه أي ضرر و حتى لو مرتين في اليوم