مشكلتي ان نشاطي انقلب كسل وابداعي اهمااال
عذاري...
27-02-2007
20 رد
1,445 مشاهدة
بنات حاسة اني راح اموت من الخنقة:sad:
مشكلتي اني موظفة، ولما استلمت وظيفتي كنت وايد وايد وايد نشيطة والكل يحسدني على هالنشاط والابداع
لدرجة ان الشركات الثانية كانوا يتصلون فيني حتى اروح اشتغل عندهم
وكان الكل يمدحني على هالنشاط
وكان زوجي وايد يفتخر فيني قدام الكل
بس الحين بعد مرور سنة تقريبا على شغلي احس نفسي وايد صرت كسولة
النشاط راح(n)
الخمول وعدم الابداع شي مو معقول(n)
واللي اثار حزني ان زوجي من شوي قاعد يقول لي اني وصلت الصفر في شغلي:sad:
وايد حزت الكلمة بنفسي وحزنت :sad:
فقلت له اوكي انا وصلت الصفر(n)
انا ما ادري شصار لي
ما اعرف وين راح النشاط
صديقاتي يقولون احتمال يكون حسد لان الكل كان فاتح عينه علي
شسوي يا بنات ساعدوووووووووووووووووووووني راح اموت:sad:
اقري المعوذات على روحك الصباح والمساء
وحاولي تغيرين هالفترة روتينك اليومي عشان تشتاقين تعودين له يعني مو شغل بس حاولي تاخذين اجازة وتسافرين اذا امكن
وان شاء الله ربي يقويك وترجعين بكل قوتك يااااااااااااااااااارب
ت
تَنْثُرُ الكَونَ عِطرَاً
مشرفة سابقة
27-02-2007 | 10:43 PM
استعيذى بالله من الشيطان اختى وان شاء الله تروح الخنقة
وممكن تكون عين ليه لا
فكل ذى نعمة محسود .. والعين حق
وانتى خذى بالأسباب .. ارقى نفسك وتحصنى بالذكر وإلجئى لله وإن شاء الله تستعيدى نشاطك وحيويتك
وقد قال صلى الله عليه وسلم:فيما معناه أن إن لكل عمل شرة وفترة.. يعنى لكل شئ فترات ركود وفتوور وفترات نشاط .. وهذا طبيعى لأن دوام الحال من المحال
انتى بس اتخذى الأسباب وتوكلى على الله فهو الشافى المعافى
اختي شي طبيعي الواحد اول ما يبدأ نشاط معين في حياته سواء كان وظيفة او دراسة او مشروع يكون في قمة نشاطه
لكن مستحيل يستمر هالنشاط بنفس الوتيرة
يمكن تجي ايام يزيد
ويمكن تجي ايام ثانية ينقص
لا تخلي عقلك يودي ويجيب لانك بتتعبين
صحيح العين حق والحسد موجود ومثل ماقالت مشرفتنا (( كل ذي نعمة محسود ))
لكن بالذات في العمل الواحد يمر بفترة ركود لانه زهق ومل من الروتين
واقول لك هالكلام من خبر
في البداية تحسين نفسك نشيطة وتبين تثبتين وجودك وتداومين على الوقت وتطلعين على الوقت وتقدمين الخدمات لكل اللي يحتاجها ومن هالكلام
بس لازم تمرين بفترة تتعبين فيها او تاثر نفسيتك عليك وتحسين بملل ... شي اكثر من طبيعي
طبع في بني آدم
ضغوط الحياة والعمل كلها تاثر
خذي اجازة قصيرة وسافري فيها او غيري جو وسوي أشياء بعيدة عن روتين حياتك اليومية وبترجعين للعمل بكل نشاط
ولمن ترجعين غيري وجددي في مكتبك حطي ديكورات جديدة حتى لو كانت قطعة اكسسوار بسيطة .. او نبتة
عشان تحسين ان مكان العمل صار غير وترجعين نشاطك
بالتوفيق
ام شجاع ولا يهمك يالغالية ...
اذا ما خانتني الذاكرة اظن انك حامل ؟؟؟ اذا كان صحيح فالحمل في بعض الاحيان يؤثر سلباً على عمللك ...انا اروح لدوامي بالغصب واكون متمللة ... وما عندي رغبة فى العمل نهائي ... بالرغم اني قبل الحمل كنت نشيطة جداً ويعتمد على بس الحين الله لا يوريك ...لكن اظنها حالة مؤقتة يعني بعد اجازة الولادة ان شاء الله تعود الامور الى نصابها..
اختي اقري كتب لتنمية الابداع ومن هالاشياء عشان ترجعلج الحماسة من يديد
شكرا يا بنات
اختي كريم كراميل صح انا كنت حامل بس طاح البيبي
على العموم الله يسمع منج ووايد تفائلت بكلامج
شكرا لبقية البنات وعوووده، تَنْثُرُ الكَونَ عِطرَاً، RoOoOmy، طلوع الفجر على افكاركم اللذيذة
هلا الغاليه..
الله يسر امرك و يفرج همك....
يمكن اللي تمرين فيه بسبب سقوط البيبي...
الله يعوض عليك بتوأم بصحه و عافيه...
الغاليه حاولي تسوين لك جدول...
يعني مره في الاسبوع تروحين تسوين مساج...
مره حمام مغربي...
مره طلعه مع زوجك....
يعني جدول مرتب ...يخفف عنك ضغوط العمل و الحياه...
صدقيني مع الوقت بتحسين انك ابدعتي...
تدرين ليش؟؟؟
لانك عطيتي نفسك الحق انها ترتاح...و بالتالي بيطلع الاثر في تصرفاتك...
اذا الشخص يكون مضغوط و مهموم...طبيعي مايعطي...
اما اذا كان مرتاح و نفسيته مهيئه...عطائه بيكون جيد...
يعني اهتمي في الجوهر (( اللي هي نفسك ))
دلعيها ونسيها ريحيها...
و بالتالي بتحسين بنشاط و حريه و بتبدعين...
اختك...
ندايم....
شي طبيعي حبيبتي هاللي صارلج
انا امر بنفس الحاله
وممكن الروتين هو اللي سوابنا جيه
في بدايه الشغل الواحد يكون متحمس للشي ويبذل كل جهده عشان يعطي اللي عنده
لكن بعدين الطاقه تستنفذ تدريجي اذا ماكان هناك تغيير
فحاولي تاخذين اجازة حتى لو من غير راتب وتريحين ومن بعدها صدقيني بتحنين للدوام وبتتحمسينله
بالتوفيق يارب
شوفي حبيبتي ممكن يكون الروتين اللي تعودتي عليه.................خلاج اتحسين بالملل................حاولي تقضين على الملل................وتستعيدين نشاطج.................والانسان لما يكون عنده شئ جديد ينشغل ويفرح فيه ولما يتعود عليه خلاص يصبح يروتين ويمله.................وهذا شئ طبيعي.....................وان شاء الله حطي فبالج ان راح ترجعين مثل قبل ولاتخلين كلام زوجج يحبط يمكن هو كان يبي ينبهج.................والله يوفقج حبيبتي:)
ندايم ، قيثارة، آنسة فلة شكرا يا احلى عرايس
اختي آنسة فلة زوجي كسر مجاذيفي ما شجعني ولا نبهني ابدددددددا
ام شجاع:
ندايم ، قيثارة، آنسة فلة شكرا يا احلى عرايس
اختي آنسة فلة زوجي كسر مجاذيفي ما شجعني ولا نبهني ابدددددددا
حبيبتي لاتقولين كسر مجاديفج..................خليج عندج عزيمه وخليج اقوى من كلام الغير ولاتتأثيرين بالكلام................لانه وايد كلام يكسر مجاديف الواحد بس نحنا في الحياه لازم نكون اقوى من اي كلام.....................وحطي فبالج انج خلاص من بكره تبدين وترجعين نفس قبل>>>>>>>>>>>>>>>>>>>>>>>واهم شئ تكون عندج ثقه بالنفس ولا يهز كلام الغير
حبيبتي يمكن تمرين بحالة او ضايجة من شي هذا شي عادي يا عيوني يصيب كل البشر
يحس بالكسل بس فترة وتعدي اكيد
بس اقرئي القران وادعي بلصلاة وان شاء الله ربج يفرجها ان شاء الله
حبيبتي حصني نفسك بالأوراد اليوميه والمعوذات وان شاءالله ترجعين احسن من اول ويمكن مايكون حسد اوقات اا الشخص عنده مشكله او باله مشغول يحس بضعف وضيق شوفي وين المشكله وحاولي تتغلبين عليها والله يوفقك
عاشقة شانيل يمكن ضعف الراتب هو السبب
والادارة تطلب شي اضعاف الراتب اللي آخذه
اخذي اجااااازة .. شهرين عالاقل ...
وحتى لو شهوور
ارتااحي فيهم ...
وسااافري غيري جووو
وحااولي تفكرين بااافكار جديدة حق شغلج
صدقيني بترجعين وكلج نشاااط
والله يوفققج .. وتشتعلين نشاااط مره ثااانية واكثرررر :)
اختي رايقة يا ليت اقدر اخذ اجازة جان من زمان اخذتها بس وايد صعب اخذها بالوقت الحالي
أ
أحـ!!..عاشقة ومعشوقة..!!ـبك
عروس مبدعة
05-03-2007 | 06:37 AM
بسم الله الرحمن الرحيم
"ومن شر حاسد إذا حسد "
لاتحطين في بالج شي .. واخذي كلام زوجج حافز لج ..:)
وقولي ماكان يقصد .. بس كان يبيني أبذل مجهودي
والله يووووووووووفقج..
البنات كفوا ووفوا وانا اشدد عليك بأخذ إجازه وقراءة التحصين على نفسك
ومالوا داعي الناس يدروا عنك على قوله اخواننا المصرين(داري على شمعتك تقيد)