بنتي عمرها 3سنوات ونص تقريبا وتاكل أظافرها بشكل رهيب لدرجة انه تطلع الدم من ااظافرها
وصارلي فتره طوييييييييييييله ماذكر متى اخر مره قصيت اظافرها من زود ماتاكلهم !!!
يمكن من كان عمرها سنه ونص لحد الحين انا ماقصيت اظافرها
ماخليت دكتور ماسألته ...يقولون انه هذا شي نفسي ...البنت ماتحس بنقص بالعكس مدلعينها وموفرين لها الراحه وكل شي بس هذي عاده ماتبي تتركها
اول الايام كنت انبهها اذا حطت يدها في حلجها وكنت مرات اطقها على يدها بس شفت انه مافيه فايده بالعكس زادت ...الدكتور قال اتركيها وهي بتترك هالعاده بنفسها ..تركناها بالعكس زادت وزادت ..والحين لوتشوفون يدها مشوهه (((تاكل اظافرها واللحم اللي حولين الاظافر))
ملاحظه:عادة قضم الاظافر عندنا وراثيه ابا عن جد ...انا وابوها واخواني واخوان زوجي وجدينها كلنا كنا ناكل اظافرنا ومع الايام تركنا هالعاده بس هذي البنت غريبه شوهت يدها احنا ماكنا لهالدرجه ناكل اظافرنا...
ياليت اللي عندها حل تساعدني ...أرجوووووكم؟؟؟؟
ابيها تترك عادة قظم الاظافر نهائيا...عطوني حل ارجوكم؟؟؟
ك
27-02-2007 | 10:10 AM
ل
27-02-2007 | 01:03 PM
انا بنت اختيه نفس بنتج كل ما انقووولها عيب او نضربها تاكلهن اكثر
وانا عن نفسي كنت آكل ظفوريه لين الصف السادس بعدين تركت هالعاده
وانا عن نفسي كنت آكل ظفوريه لين الصف السادس بعدين تركت هالعاده
ر
27-02-2007 | 08:13 PM
شوفي اختي كتكوتة نايمة لهيها باي شي عطيهااا لعبة او اي شي تاكلة مثل بسكوت فاكهة وعطيهااشي ورى شي حتى لا تعطينهااا فرصة تحط ايدهااا بحلقاا صح يبلة شوي طولت بال بس ميخالف الي يبي شي لازم يتعب علي
ج
28-02-2007 | 04:59 AM
تعرفين الصبر؟ المادة المرّة اللي تحطها المرأة اللي تبي تفطم ولدها على صدرها عشان يكرهه؟
استخدميها وحطيها في اصابع بنتج وهي نايمة.. وان شاء الله تبطّل هالعادة...
استخدميها وحطيها في اصابع بنتج وهي نايمة.. وان شاء الله تبطّل هالعادة...
ك
01-03-2007 | 10:20 AM
شنهو الصبر مااعرفه؟؟
وهل ينفع طلاء الاظافر المر كبديل؟؟بحكم وجودي في امريكا وطبعا ماعندهم عطارين!!
بحاول معاها وبرد عليكم....
وهل ينفع طلاء الاظافر المر كبديل؟؟بحكم وجودي في امريكا وطبعا ماعندهم عطارين!!
بحاول معاها وبرد عليكم....
u
03-03-2007 | 07:44 PM
يوم تشوفينها حطت ايها في حلجها حاولي تلهينها باي شي و لا تطرين قضم الاظافر عندها
انا هالطريقة نفعت وياي ويا ولدي
كان نفس الشي ياكل اظافرة لين يطلع الدم
بس الحين الحمد لله الحمد لله ودرها
انا هالطريقة نفعت وياي ويا ولدي
كان نفس الشي ياكل اظافرة لين يطلع الدم
بس الحين الحمد لله الحمد لله ودرها
ا
03-03-2007 | 09:15 PM
انا اشوف بنتي طايحه فيها انا بجرب معاها الفكس يمكن ينفع
ج
04-03-2007 | 03:20 AM
ماعرف والله عندكم بامريكا او لا...
بس احنا بالخليج عندنا ينباع بالصيدليات مادة مرّة توضع على الصدر عشان فطام الطفل... للاسف ما تذكر اسمها اتلجاري.. لأن شفتها بس مرة من زمان..
ادخلي الصيدلية واسئلي الصيدلي.. يمكن عنده منتج خاص او فكرة حلوة تساعدج
بس احنا بالخليج عندنا ينباع بالصيدليات مادة مرّة توضع على الصدر عشان فطام الطفل... للاسف ما تذكر اسمها اتلجاري.. لأن شفتها بس مرة من زمان..
ادخلي الصيدلية واسئلي الصيدلي.. يمكن عنده منتج خاص او فكرة حلوة تساعدج
ك
04-03-2007 | 11:44 PM
المشكله زايده وايد عندها
والمشكله انه يعورها لكنها مستمره على عالحركه
تحاول تسحب الجلد اللي طالع حولين اظافرها فيطلع الدم
الحين صار عادي عندها هالمنظر مهما لهيتها مافيه فايده
انا ابي اعرف الجلد اللي يطلع حولين الظفر يكون نقص شنو؟؟؟يمكن اذا لو كان فيه عندها نقص وعالجتها مابيعطيها مجال انها تاكله او تسحبه باسنانها؟؟؟فهمتوا علي.؟
والمشكله انه يعورها لكنها مستمره على عالحركه
تحاول تسحب الجلد اللي طالع حولين اظافرها فيطلع الدم
الحين صار عادي عندها هالمنظر مهما لهيتها مافيه فايده
انا ابي اعرف الجلد اللي يطلع حولين الظفر يكون نقص شنو؟؟؟يمكن اذا لو كان فيه عندها نقص وعالجتها مابيعطيها مجال انها تاكله او تسحبه باسنانها؟؟؟فهمتوا علي.؟
ج
05-03-2007 | 03:38 AM
ماعرف والله اختي الجلد اللي حوالين الظهر من شنو..
انا نفسي عندي هالمشكلة.. من يوم انا صغيرة وللحين.. بس ما قط مرة سألت عنهم.. اصلا تعودت على منظرهم عادي.. واقصصهم مع الاظافر لأنه جلد ميت وما يألم...
بس اليهال وايد اشوف فيهم جدي بسبب اللعب واحيانا البلل الزائد.. مثل بنتج اصابعها تكون مبللة دايم بلعابها..
يمكن منه اختي....
انتي نزلتي الصيدلية تسئلين؟
انا نفسي عندي هالمشكلة.. من يوم انا صغيرة وللحين.. بس ما قط مرة سألت عنهم.. اصلا تعودت على منظرهم عادي.. واقصصهم مع الاظافر لأنه جلد ميت وما يألم...
بس اليهال وايد اشوف فيهم جدي بسبب اللعب واحيانا البلل الزائد.. مثل بنتج اصابعها تكون مبللة دايم بلعابها..
يمكن منه اختي....
انتي نزلتي الصيدلية تسئلين؟
ك
05-03-2007 | 08:50 AM
انا مره سألت الدكتور قاللي انه نقص فيتامبنات ماحدد اي فيتامين
وعطاني فيتامينات مضغ مثل الجلي تاكلهم واشكالهم على دباديب وطعمهم حلو بس بنتي ماحبت هالدوا
وهو قاللي لاتركزين عليها ولاتنبهينها انها ماتاكل اظافرها لأنها بتعاند وبتاكل ازيد بس المشكله انها كل ماتكبر تدمر
من عمرها سنه ونص تقريبا وهي تاكل في اظافرها والحين ازيد وازيد وازيد
وعطاني فيتامينات مضغ مثل الجلي تاكلهم واشكالهم على دباديب وطعمهم حلو بس بنتي ماحبت هالدوا
وهو قاللي لاتركزين عليها ولاتنبهينها انها ماتاكل اظافرها لأنها بتعاند وبتاكل ازيد بس المشكله انها كل ماتكبر تدمر
من عمرها سنه ونص تقريبا وهي تاكل في اظافرها والحين ازيد وازيد وازيد
م
05-03-2007 | 09:02 AM
أختى المرة تحصلينها بالصيدليات ،، بتكون بزجاجة مثل طلاء الأظافر،، حطيها على أصابعها وإن شاء الله تترك هالعادة....
ب
06-04-2007 | 01:22 PM
بنتي كانت نفس الشيوتعبت معاها
الا ان تركت هذي العادة من نفسها
الا ان تركت هذي العادة من نفسها
أ
06-04-2007 | 02:23 PM
عيل انا شو اقول
انا آكل اضافري من 17 سنه والحين ام لثلاث اطفال
ومب قادره اترك هالعاده :(
انا آكل اضافري من 17 سنه والحين ام لثلاث اطفال
ومب قادره اترك هالعاده :(
*
06-04-2007 | 05:36 PM
إذا انتي بالسعودية فيه بقزاز دواء مثل طلاء الاظافر اسه stop مره فعاااال ورخيص بـ20 ريال
بس يلزمك تحطينه لها كل يومين والله يعينك لان الطعم راح يطلع بكل شي تلمسه يعني حاولي انتي تأكلينها عشان ما تكره الاكل بعد
بس يلزمك تحطينه لها كل يومين والله يعينك لان الطعم راح يطلع بكل شي تلمسه يعني حاولي انتي تأكلينها عشان ما تكره الاكل بعد
ر
06-04-2007 | 06:06 PM
نقعي مره ومسحي بيدها بدون لا تحس او شوفي شنو اللي مضايقها
ع
01-04-2008 | 04:19 PM
اكل الاظافر عادة تنجم عن القلق او الخوف او الارتباك يعني لمكا تخاف من شي تقظم اضافرها
واذا بدك تساعدي بنتك حطيلها على اصبعها فلفل وهية نايمة وفلما تقوم من النوم وتقظم اصابعها تلاقي يحرق
وما تعاود تلمسة
واذا بدك في شغلة او زيت يقولوله (مر) لانه كثير مر وطعمه مقرف ويحطونه على الاصابع علشان الولد او البنت ما
يمصون اصابعهم
والله يوفقك اختي
واذا بدك تساعدي بنتك حطيلها على اصبعها فلفل وهية نايمة وفلما تقوم من النوم وتقظم اصابعها تلاقي يحرق
وما تعاود تلمسة
واذا بدك في شغلة او زيت يقولوله (مر) لانه كثير مر وطعمه مقرف ويحطونه على الاصابع علشان الولد او البنت ما
يمصون اصابعهم
والله يوفقك اختي