ممكن تساعدوني ابي ارضعه صناعي بس اخاف يهد الطبيعي

هلا اختي

شوفي الحين انتي وقفي عنه الصناعي ... لين يتعود مرة ثانيه على الطبيعي


وبعدين ... حاولي تخلين له وجبتين بس في اليوم وتكون قليلة


مثلا الضحى بعد ما ترضعينه من صدرج بنص ساعه اعطية 30 مل حليب صناعي ..


وفليل قبل لا يرقد اعطيه 90 ملل

ويتم ضعيف احسن ويرضع طبيعي احسن عن مربرب ويرضع صناعي

اذا دخل الصناعي في الموضوع مئه بلمئه بيهد الطبيعي

ختى لو تعطينه رضعه او رضعتين صناعي بتلاقينه وقت الطبيعي بيقعد يصيح لج ومايشبع


فلأحسن تقطعينه عنه نهائيا

غريب رأي الدكتور... مرة وحدة 5 رضعات صناعي كل يوم؟

انا سمعت رضعةاو رضعتين عشان يشبع الطفل.. لكن 5 هذي قوية...

انتي فيج حليب اساساً اختي ام ناصر؟

وهل نقص الوزن وايد ؟؟

اسأليني انا..
اذا تعود على الصناعي خلاص مايبغي الطبيعي..
وبالنسبة لاختي الياه كلامج فيه شي من الخطأ شلون عندج عادي ان الطفل يصير ضعيف حتى لويرضع طبيعي..تدرين ان ضعفه وهذا من كلام دكتور مب زين حق الياهل ودليل على نقص في بعض العناصر ..انا ولدي مثل ولدج وقال لي الدكتور امهات الحين حليبهم مب مثل حريم قبل لان الاكل اختلف قبل اكلهم اكثره صحي اما الحين لاااا..وشي ثاني الحليب الصناعي صج مو مثل حليب الام في فوائده لكنه وبفضل من الله تم تصنيعه بدقه كبيرة بحيث يماثل في بعض عناصره حليب الام وبالتالي فهو ينفع الطفل مايضره..يعني حتى لو الطفل مربرب من الصناعي فهذا مو دليل على ضرر اصاب الطفل..او عدم فائدة من الصناعي بالعكس..

تحياتي..

أم الياس..انا مثلج بنتي عمرها شهرين إلا اسبوع
وأحس انها وااايد ضعيفه...
وأنا ارضعها طبيعي....ولكن لما اتعب أعطيها شوية صناعي...تقعد تصيح وما اتبعي الطبيعي...
والله نفس مشكلتج...بنشوف الأخوات شو يقولون....
بس تعرفين أعطيها رضعه وحده في اليوم 30 ملل قبل لا ترقد وما في غيرها....إلا إذا اضطريت أروح مكان عطوها صناعي

مشكورين خواتي اللي رديتوا علي انافيني بس اهو جم لازم يزيد وزنه في الشهر ؟ لان ولدي زاد 750 غرام في شهر و نص و من جذي قالي وزنه ناقص

اختي ام الياس ممكن تقوليلي كم وزن الطفل وشو الحليب اللي تعطينه اياه.........
عشان نقدر انفيدج...........

السلام عليكم ورحمة الله وبركاته،،،

اختي حبيبتي لعلاج مشكلتك من وجهة نظري هي كالتالي:

(f) عليك بالدعاء لله سبحانه وتعالى
(f) خلي يكون عندش قناعة ان حليب صدرش رح يكون كاف وصحي لطفلك
(f) عند ترضيع طفلك كوني صافية الذهن وما تفكرين وايد وحاولي تركزي تفكيرك فيه وشلون رح يصير لما يكبر ... الخ
(f) ضمي طفلش بحنان وحب وكثري قدر ماتستطيعي
(f) عليش بالاكل المدر للحليب وأسأل امهاتنا عنه
(f) حاولي تقللي عدد الرضعات الاصطناعية بالتدريج وعطي صدرش لطفلك كلما بكى

ام معوذ:
السلام عليكم ورحمة الله وبركاته،،،

اختي حبيبتي لعلاج مشكلتك من وجهة نظري هي كالتالي:

(f) عليك بالدعاء لله سبحانه وتعالى
(f) خلي يكون عندش قناعة ان حليب صدرش رح يكون كاف وصحي لطفلك
(f) عند ترضيع طفلك كوني صافية الذهن وما تفكرين وايد وحاولي تركزي تفكيرك فيه وشلون رح يصير لما يكبر ... الخ
(f) ضمي طفلش بحنان وحب وكثري قدر ماتستطيعي
(f) عليش بالاكل المدر للحليب وأسأل امهاتنا عنه
(f) حاولي تقللي عدد الرضعات الاصطناعية بالتدريج وعطي صدرش لطفلك كلما بكى

الله يوفقك ويعطي ابنك الصحة والعافية
:shy:

الأخت كفت و وفت بما أرديد قوله

شوفي حبيبتي اكلج لازم يتغير
كثري من الخضار والبروتين والشوربات والمشروبات الساخنه مثل المرميه والزهورات والشمر والينسون بتحسين صدرج زاد الحليب فيه وخلي البيبي يرضع منه ولا تعطينه صناعي ابدا لين مايتعود على صدرج عدل يبيله شهووور يتعود...وحاولي تطولين في الرضاعه ..وكل ساعتين ونص الى 3 ساعات عطيه وطولي في الرضعه لين مايشبع عدل..بتشوفين شلون صحته تحسنت...وبعدين لما يبتدي ياكل دخلي الصناعي مع اكله عشان تخلطينه مع الرز الناعم مثلا او السيريلاك..
انا بنتي ترضع طبيعي بس هي لا ضعيفه ولا مليانه وزنها عادي وبالعكس الدكتوره تشجعني على الطبيعي وضافت لها الحليب الصناعي لما انا طلبت منها عشان اخلطه مع اكلها..

شو رايج تشفطين له من صدرج وتعطينه اياه بالمرضعه .. وجذي تضمين انه يالس يشرب من صدرج بطريقة غير مباشرة

شوفي حبيبتي ما أنصحج بالصناعي إلا للضروره مثلا بتطلعين و بتخلينه عند حد أو إذا كنت مشغوله و تعبانه مب مشكله إذا عطيتيه رضعه وحدة, و بعدين أنا أول مره أسمع إنه دكتور يأمر ب5 رضعات صناعي في اليوم, أصلا هالكمية حتى للبيبي اللي مايرضع طبيعي تعتبر كمية كبيره, ثانيا الطفل الصغير وايد بيعيبه الصناعي أكثر لأنه فيه سكر وايد ودسم مب لأنه يشبع, لأنه حليب الأم يشبع و فيه نسبة سكر و دهن طبيعية وعناصر مهة للطفل,بس أنه يحتاج رضعات أكثر و أطول, ما عليش من كلام الدعايه انه الحليب الصناعي مفيد بل مضر و كثرته مضره أكثر ويسبب حساسية الصدر و يقلل من مناعة الجسم و أكثر. بصراحه ولدي أول مان ولد كان وزنه طبيعي بعدين بدأ ينقص و للحين وزنه خفيف والكل يقولي عطيه صناعي عشان يتربرب , بس ما سمعت كلامهم ولدي صحته زينة و الحمدلله ومايمرض كثر الأطفال اللي يشربون صناعي في العائلة.
و أسمحولي عالتطويل بس اتحمست لأني من مشجعات الحليب الطبيعي لأنه أفيد للأم قبل طفلها

حبيبتي احسن شي انج ترضينه طبيعي اوبعده مباشره قبل ان يشبع تعطينة شوي صناعي علشان مايترك الطبيعي انا الدكتورة قلتلي اسوي جذي.

مشكوريييييييييييين كلكم