لوشن معطر للجسم من صنع ايدج للبشره الجافه والحساسه

السلام عليكم ورحمة الله وبركاته.. شلونكم يا بنات ؟؟





جبتلكم اليوم خلطه عجيبه حق اللي بشرتهم جافه وحساسه مثل حالتي ما تم لوشن ماجربته ومافي فايده .. فكرت بخلطه وحطيت فيها كل المرطبات والفيتامينات اللي ترطب البشره وتعطرها بدون ماتسبب تحسس..

المكونات هي:

4 ملاعق كبار زيت بيبي جونسون

6 ملاعق زيت بذر العنب لاحتواءه على فيتامين E المفيد والمجدد للبشره وريحته وايد حلوه.

6 ملاعق كبار لوشن فازلين بالخيار لانه يشد ويرطب البشره وايد وريحته منعشه..

3 ملاعق صغار زبدة ككاو لان فوائدها رهيبه حق البشره وخصوصاً الجافه وزبدة الككاو لها قدره لإخفاء الندب وتفتيح البشره لانها غنيه بفيتامين E و غنيه بالمرطبات المركزه.

10 ملاعق كبار بيبي لوشن او اي نوع من اللوشن انتي تستخدمينه بس بيبي لوشن الطف عالبشره خصوصاُ الحساسه.

واخيراُ ملعقه صغيره اي نوع من الزيوت المعطره الخاليه من الكحول طبعاً و ممكن تختارين اي ريحه تحبينها


سواء المسك الابيض من اجمل ريحته ناعمه وحلوه أو زين الفراوله من Body Shop او دهن عود ويصير تحطينهم كلهم مع بعض.


.تخلطين المكونات مع بعض مع مراعات النظافه وتحطين الخلطه في علبه نظيفه لها غطا محكم وتخلينها 3 ساعات قبل اول استعمال..

و بعد كل حمام تدهنين فيها كل جسمج وهو رطب شوي وشوفو النعومه والريحه الحلوه.. :o

وهذي صوره بالمكونات اللي استخدمتها