أبي نصيحة عاااجلة

من أمس يا بنات حالتي حالة و مو قادرة أركز في شئ
تدرون ليش؟؟
أنا متزوجة من كم شهر
قبل الزواج زوجي تسلف مني مبلغ و طلبت منه شيك
لما تزوجت طبعا أخذت الشيك معاي و حطيته في صندوق في دولابي ماله قفل

كان دايما يقول لي تنازلي عن اللي تسلفته و أسكت ما أرد عليه أو أغير الموضوع
أمس كنت أنظف الدولاب و سبحان الله فتحت الصندوق ما أدري ليش
و قمت أدور الشيك ما لقيته
عفست الدنيا و ما لقيته

أنا ما عندي شغالة و لا يدخل أحد غرفتي يعني ما فيه إلا ؟؟؟؟
قمت أبي أتأكد و فتحت الشنطة اللي يحتفظ فيها بأوراقه لأن دفتر الشيكات حقه فيها
طلع مو موجود :sad:
يعني الدفتر مو في مكانه

دارت بي الدنيا
جاء زوجي من العمل و ما عرفت شلون أفتح معاه الموضوع
أنا صحيح صرفت بدون حساب و ساعدت زوجي في مصاريف الزواج و كله بدون ما أخذ عليه إثبات
بس المبلغ هذا بالذات أخذه علشان يسدد ديونه اللي عليه قبل ما يخطبني

المسألة مو مسألة شيك و فلوس بس أنا حاسة إن السالفة فيها إن
كأنه ناوي يسوي شئ يضايقني و خايف أستعمل الشيك ؟؟؟ بالذات إنه بدون رصيد؟؟:sad:
قلبي يودي و يجيب
و اللي زاد علي الطين بله إنه كان مطلق و عنده بنت و هو قال لي بعظمة لسانه إنه تندم ليش إنه طلق

خايفة منه.. ما أدري على شنو ناوي
شتنصحوني بنات دخيلكم قبل ما يرجع من عمله