وتغيب الأمومة .. في زمن الخادمات ...

الحبيبه فراشه الأيمان
موضوعك حقا جميل ومثير للمتابعه
بالنسبه عن نفسي وحتى أخواتي
فنحن لا نسمح للخادمه برعايه الطفل
كل اموره اسويها أنا بنفس راضيه وسعيده وشاكره لله بإن رزقني الله بطفل
لأكن الشئ الوحيد الي أحتاج الخادمه فيه هو وقت الصلاه
او لو ابغى اتروش ومالقيت حد عندي ممكن إني اعطي الخادمه شويه
وبعد كذاارجع اخذه بطريقه لطيفه منها
ويارب تكون الردود مرضيه من اغلب الأمهات
تسلمين على طرحك للموضوع

فعلااااا موضوع جدااا روعه وضروري

انا للحين عندي اول مولود والحمدلله انا اللي لهتم فيه

وان شاء الله اكمل معاه لاني ضد الخادمه وبلاويهاااا

والله يستر للي يااااااي ..

اقصد انا للحين ما اشتغل .. واذا اشتغلت ما ادري شو يصير

[glint]عندك حق الخادمه مش هتكون احن على الطفل من امه وانا سمعت دعاء مذيعه برنامج جنتى على اقرا كانت بتحكى على صديقتها ان الخادمه الاجنبيه بتاعة ابنتها حطيت لها كوله(لاصق قوى جدا) فى التفاح واكلتها ولما حققوا معها قالت ليه بنتها تاكل تفاح وانا بنتى لا......... فكل ام تحافظ على اولادها احنا تعبنا فيهم اوى......[/glint]

موضوع جمييل جدا بس نحنا منكون ظالمين اذا عممنا القاعدة


لان في كتيييير امهات مابخللو الخادمات يهتمو لا باولادهم ولا باكلهم اللهم النظافة وبس

طبعا الا الشواذ اللي خرجو عن القاعدة اما لاسباب قاهرة مثل العمل وتحسين الحالة المعيشية
او للاسف لاسباب مالها اي داعي او منطق

الله يكون بالعون يااااارب وانا عن نفسي اتمنى اجيب خادة عشان النظافة وبس (( كسووولة ))

اما اولادي ربي يحفظهم الي ولحضني الدافي

الف الف الف شكر لكي اختي

لا لا لا لا للخدامات اذاالخدامة هي التنظف التطبخ الي تغسل وتكوي وتربي اطفالج عيل انت شنو دورج اتجاة بيتج ريلج اطفالج الام هي لازم تعتني في بتهااا واطفالهاا وتعطيهم الحنان والحضن الدافي

موضوع رائع و جميل و جرئ

تسلم ايدك على هالمشاركة المميزة

موصوع رائع ..:clap: :clap: .

وفعلا يستحق النقاش..

انا بصرااخه ما احب الشغاله تمسك لي عيالي.. اول شي لاني ما امن على عيالي

الا كنت مشغوله لطبخ او غيرة تمسكهم لي وطبعا تكون قريبه منا

او اذا طلعت اخطهم عند عماتهم

اما اني اعتمد على الشغاله في تربية عيالي ... مستحيل

السلام عليكم
اذا الأم تعتمد على الخدامة في كل شي الطبخ والتربية والغسال وكل شي عيل شنو فايدتها خل زوجها يتزوج الخدامة احسن

[grade="00008B 4169E1 0000FF 4169E1"]السلام عليكم ورحمه الله وبركاته

بنات انا لست مع او ضد فالخدامه في الوقت الحاضر لها حاجه وهناك اسباب معينه اولا الأم العامله لين ترجع البيت تحتاج من يعاونها في البيت ويجهز لها اغراض الياهل .. وغيره وممكن تحط الاطفال اما بالحضانه او عند والدتها مع الخدامه او عندم ام زوجها او احد ثقه من اهلها او اهل زوجه مع اشراف على الخدامه ...

الشي الثاني الام الي عندها اطفال كثار اكيد تحتاج معاونه الخدامه في البيت عشان الام تتفرغ لتربيه الاطفال مو معقوله اتخلي الاطفال وتنشغل بشغل البيت ,,, واليهال في السن الحرجه معرضين انهم يتعضرضون للحوادث في البيت بروحهم ..

بعدين نادرا ما يتقبل احد يمسك عيال احد من غير خدامه الخدامه ممكن تفيد انج تخلينها عند اي احد وتحت اشراف وهم يهتمون بعيالك والخدامه تساعدهم ....

بعدين كما تدين تدان .. يعني مب معقوله انتي بتعاملين الخدامه معامله سيئه جدا وتتوقعين في المقابل الخدامه تتسامح معاك ولا تحط في قلبها ....

عن تجربه شخصيه ولا اعم الكل .. ولا اشجع احد عشان لا تقولون اني مؤيدين الخدامه لأني مو من الاشخاص الي يعتمدون على الخدامه في الاطفال ...
ولكن احضرت خدامه اثيوبيه عمرها على حسب العقد 24 ولمه جات اكتشفت انها 21 ولكنها متزوجه ومسلمه ولديها طفل واحد ,,,,,,
والصراحه لم اسلمها ابنتي ,,,, ولا كنت ارضى تسوي شي غير انها تغسل ملابس بنتي وتنظف البيت المهم يابنات لو تشوف شكثر تخاف على بنتي وتحبها وتتحمل فيها وتهتم بلبسها وبتغير حفاضاتها وطبعا كل هالشي جدامي ,, وما تسويه الا باشرافي عليها ... ولمه اكون مشغوله في البيت ... وتتطمن على بنتي اذا هي نايمه وانا في شغل وطبعا الخدامه مع امي لين انا في الشغل ولمه تصيح بنتي تشيلها وتوديها حق امي ...... وتقولي بنتي شنو سوت وشنو صار فيها ولأن عندها خبره مع طفلها كانت تعلمني ... ولازالت .... تصدقون انها دخلت قلبي ,,و لو كان هالشي تمثيل كان ببين ... بس اتمنى انها تدوم على الحال هذا

المقابل
انا مريحه الخدامه اخر راحه شلون مخليتها تنظف البيت على راحتها وما الزم عليها شي واذا تسوي شي غلط افهمها واعلمها بكل هدوء .... واحيانا اسولف معاها واسمع لها حتى لو ما افهم احاول اراعي مشاعرها بكل شي واوفر لها كل شي اتصال حق اهلها على حسابي مرتين في الشهر .. واعطيها كل شي من عندي ... طبعا انا ماقول انها ملاك بس انا أؤمن بالمثل هذا ان عامل الناس كما تحب ان يعاملوك ... والحمدالله ما شفت شي شر منها .....
ومثل ما قلت انا يمكن اكون حاله استثنائيه .... وعموما انا مثل ما قلت لست مع ولا ضد ولكن الي حصل ان الخدامه طلعت من حضي زينه

واسفه على الاطال بس حبيت افيد من تجربتي

تحياتي[/grade]

:qaq: :qaq:


مالكوا ياجماعه الموضوع مش عاجبكوا ولا ايه ؟؟:sad: :sad: :confused: :confused:


عايزة حماس اكتر من كده


عايزين نتناقش مع بعض فى الظاهرة اللى تفشت بطريقه رهيبه


ومش معنى كلامى ان كل الامهات كده


بس فئه لابأس بها وليها تأثير


اتمنى اشوف حماس اكتر:clap: :clap: