شوفوا اللي ربيتهم شسووا فيني !!!!!!!!!!!!!

السلام عليكم000

اكتب لكم وانا في حالة ما يعلمها الا رب العالمين لان الدنيا بهالزمان ما فيها خير 000انا مشكلتي ان عندي اختين اصغر مني كل وحده فيهم لسانها يلوط اذانها تخيلوا انا اكبر منهم ومع ذلك مريضة برجولي يعني ما اقدر امشي وايد او اوقف ومع ذلك ما يساعدوني في الشغل بالاضافة الى اني موظفةيعني ارد من الدوام تعبانه وهم يردون ينامون ومسكرين على نفسهم الباب طوووول اليوم الا اذا في طلعة يطلعون لو لاخر الدنيا لكن لو اقول لوحده ساعديني او رتبي هالمكان ما يكتفون بالرفض بل يزيدون عليه من قلة الادب على الرغم من ان عندنا شغالة لكن لا بد من اهل البيت ان يشيكون على البيت من ناحية ترتيبه ونظافته وكل شي هذا كوم وشغلهم الوصخ كوم ثاني اللي لازم ارد عليه والاغراض اللي ما يهتمون فيها لا بنظافة ولا شي تخيلو مرة قلت لوحده فيهم سوي هالشي والله ما اذكر شنو قالت ما اقدر و00و00و00و قالت لي كلمه استغربت منها يوم قلت لها عيب عليج قالت لي تربيتج!!!!(الوالدة متوفيه)
ويشهد الله اني خلوقة في التعامل ويمكن دللتهم شوي الشي اللي خلاهم يقلبون علي واللي يعور القلبان كل ما قلت لهم شي راحو دقو على اختي الكبيرة وهي متصورة من كلامهم اني متسلطة عليهم 000تخيلو يا بنات احنا عايشين ببيت واحد ولا وحده فيهم قالت نبي نتعشى او نتغدى مع بعض ولما يجتمعون خواتي يبدون يتغيرون وكأني انا اللي غلطانه عليهم عشان جذي اقعد بغرفتي وما اطلع وهم يروحون كل مكان وما يكلفون خاطرهم يعلموني حتى اخبار البيت وجماعتنا ما يعلموني فيها تخيلو يا بنات وحده منهم دخلت الكلية وقبلوها وما علمتني شقول والا شقول غير الاسلوب االغير مهذب اللي يتكلمون فيه ولا تقولون اعلم ابوي او واحد من اخواني لان هذيلا يتغيرون جدام الناس مع اني دايما اجيهم لغرفتهم واكلمهم بكل هدوء اخر شي اطلع بمغثه وفوق هذا جدام باقي خواتي انا اللي غلطانه!!!!!!!!


ادري عورت رووسكم ويمكن ما تحسون ان شي مهم لكن النار ما تحرق الا رجل واطيها والله ثم والله اني عمري ما شفت تعامل مثلهم وتنازلت عن كرامتي مئات المرات لكن ماكو فايده كل ما اقرب يبعدون ويوم عن يوم يطول لسانهم ويتطاولون علي اكثر ايام وليالي ما انام من المغثة والبكي منهم اقسم بالله العظيم ما بكيت يوم وفاة امي ((انا عندها يوم تتوفى))كثر مابكيت منهم

ادعو لي الله يسخر لي ويرزقني رجل صالح ابتعد عنهم 000وآسفة خذت من وقتكم وطولت عليكم0