ممكن اقتراح او فكره او حل او اي شي

السلام عليكم

اول مشاركه لي في هالقسم

الحين يالسين ننتقل من بيت لبيت ... واكيد ابا ارتب غرفتي لاني مووول ماعرف شسوي فيها

وانا من النوع اللي ماعندي ذوووق ابدا في ترتيب الغرف

المهم غرفتي الجديمه كانت وردي وابيض يعني الفرش كله وردي والستاير والسرير كان ابيض

والصبغ ابيض والكبت بعد ابيض يعني الغرفه بيضه والفرش وردي

المهم غرفتي الحين مسوينها بيج وبني ..

يعني الصبغ كله بيج فااتح والكبت بيج اغمج شوي يعني لون الخشب العادي والسرير بعد نفس الشي

بس لون الباب بني ولون السيراميك بيج ...

اخوي اختار لي الستاير بيج وبني ...

المهم الحين ابا اسوي حركه في الغرفه شي يديد ...

ابا اغير الترتيب ...

قبل غرفتي كان فيها ... تسريحه + سرير +مكتبه صغيرونه + الكبت وبس

الحين ... تسريحه + سريرين + تلفزيون + كرسين وطاوله الكبت والحمام في مدخل الغرفه يعني اول

مادخل الغرف احصل الكبت يميني والحمام يساري بعدين نفس الممر واحصل الغرفه وجدام المدخل

في الويه احصل الشباك ...

السؤال الحين كيف ارتبها وين احط السريرين وين واحط التسريحه وين واحط الكرسي وين وين وين

وخاطري احط الورق واللي يكون في نص الجدار بس ماعرف وين وكيف واي لون

وابا احط اشياء يديده ماعمري سويتها ... عطوني افكار واقتراحات والوان وكل شي


على فكره السريرين لونهم بيج خشبي بس لون الستاير بني وبيج



وبالنسبه للحمام ..

حمامي في الغرفه لونه اخضر فاااااتح ... شسوي فيه اقدر احط فيه مناظر وجيه ولا ما يحتاي

ولا بس اخليه جيه فااااضي بدون ..

اقترحو علي وش الالوان اللي تناسب اللون الاخضر