اريد حل بأسرع مايمكن .. مسألة مصير..

السلام عليكم ورحمة الله وبركاته...

انا مشكلتي مااعتقد مرت على انسان وقدر يتحملها...

واحس اني ماعاد فيني صبر وبديت اضعف بقوه...

انا بنت عمري 23 سنه من عايله متوسطة المستوى...

امي انسانه محبه وحنونه لكن أوقات تعاملني بكل قسوه... والشي هذا مو لي فقط بل كل اخواتي..

بابا انسان عظيم وناجح وكريم وماينقص علينا اي شي لكن يطيع ماما بطريقه عمياء يعني حتى لو انه عارف ان اللي تسويه قمة الغلط ينفذ اللي تبغاه حتى لو على حساب نفسه وكرامته..

وهذا بدافع حبه لها..

مشكلتي اني اكبر بناتهم وانخطبت من سنتين وماوافقت الابعد موافقتهم ومدحهم بالشاب واهله...

ولما شفت اقتناعهم ورغبتهم بهالولد وافقت وتمت الخطوبه بأروع مايمكن وطلب اني اكلمه ووافقوا وكلمته واستمرينا سنتين وحبيته وتعلقت فيه جدااا...

وخلال هالسنتين كانت ماما احيانا تقوم من النوم بدون سبب تقول ودي تفكين خطوبتك..طبعا الولد ينجن ويقعد يترجاها ويترجاها انها ماتخرب بيننا بدون سبب...

ويكون عذرها انها اماشافت حلم او سمعت قصه خوفتها تزوج بنتها..

المهم استمر خطيبي يذوق انواع الذل وانا مااقول كذا لاني احبه انا احب اهلي اكثر منه...

لكن اعرف ماما فيها حب انها تذل اللي تشوف ان له حاجه عندها الله يهديها..

اخر مره كانت المشكله كبيره لدرجة انها قالت لبابا افسخ خطوبتهم او انا بروح بيت اهلي... والله والله ماكان في سبب الا انها سمعتني وانا اكلمه وكان في سوء فهم بيننا بسيط جدا وتافه..

المهم وبابا دق عليه وقال انتهى كل شي وبنفك الخطوبه... الولد ضرب مشوار من المنطقه اللي هو فيها بحاله هستيريه وبسياره والمسافه جدا بعيده وجا عند بابا في نفس اليوم وترجاه وحب يدينه عشان مايخرب شي بينا...

وبابا رحمه وحددوا يوم ملكه..

ماما زعلت لكن مع الايام رضت غصب وتمت الملكه وصرت زوجته على سنة الله ورسوله وتحدد الزواج بعد 5 شهور..

الحين ماما صارت تجيب مشاكل جديده..

الولد على قد حاله لسه مبتدء بحياته ويعمر بيت وبيشتري سياره..واشياء كثير..

جاب لي مهر ممتاز جداوفي الملكه جاب اللي يبهر الناس ومتكفل بكل تكاليف الزواج..

لكن قدراته ماتسمح يحط الزواج بأفخم قاعه بالرياض...وفي نفس الوقت ماراح يختار شي دون المستوى...

لكن ماما مصره انه يحطها بالقاعه الفلانيه ويتكفل بكل شي...وانها بتساعد لكن شي قليل..

الولد كلمها وحاول فيها مافي فايده..حاولت اقنعها ومافي امل...انا ماابغاه يقترض من البنك ونبدأحياتنا بحرام وديون..

واللي معاه ممكن يسوي احلى زواج..

دقت اخته على ماما تحاول معها وتناشبوا بالكلام وماماعصبت وصارت مشكله..

وماما الان تطلب مني اطلب الطلاق لهذا السبب..

وقالت اما اهلك او زوجك اختاري..

وقالت لو تم الزواج تاكدي اني مو امك ولا اعرفك ولا راح اجهزك ولا راح احضر زواجك...

الولد ماجا منه شي واخته دقت علي واعتذرت والولد وابوه اعتذروا من الوالد...

لكن ماما مصره اني اتطلق منه واضيع حياتي عشان ليله ماراح احضر منها الا ساعه او اقل..

الولد شاريني واهله يحبوني والولد مافيه اي عيب والجميع يحبه..

انا الحين بين نارين

اما اختار اهلي....او زوجي

بابا طبعا موقفه محايد...

لا تقولون دخلي احد من قرايبك لانها بتطير بوجهه وتقول بنتي ولا احد يتدخل لانها صارت كثير قبل كذا..

انا مالي من بعد الله الا رايكم ومساعدتكم..

اتطلق بدون ذنب لي وله؟؟واخسر رجال مايتعوض والقى عقاب ربي وجزاه؟؟

والا اتزوج واخسر امي..

وهل اذا اخترت زوجي علي ذنب؟؟

مع العلم اني جلست وتناقشت معاهم وحاولت اقنعهم او يجيبون سبب مقنع للطلاق لكن كان ردهم ان مافي سبب وانتي بتطلقين غصبن عنك وعلى كيفنا...



تكفون ساعدوني..