الحــــــــــــــلبـــــــــــه

e

elegant girl

عروس مشاركة

25-02-2007 | 02:30 AM

[frame="7 80"][glow=FF0066]

بناااااااااااااااات

بغيت أسألكم عن الحلبه ....

طبعا بمجرد إنكم تقولون حلبه دايما تتذكرون ريحتها القويه

:pain:

أنا قريت موااااااااضيع كثيره عن الحلبه

وفوايدها للشعر من طول وكثافه وكل شي

أنا ودي أداوم على الحلبه لشعري ....

بس متخوفه شوي من ريحتها إلي اتضايق ....

أنا أشتغل بس في شغلي ألبس عبايتي وشيلتي ....

... سؤالـــي الحين للإلي عندهم خبره في الحلبه ...

هل ريحتها تبين حتى لو ماكنتي كاشفه عن شعرج

يعني هل ممكن تطلع ريحتها حتى وانا لابسه الشيله؟؟؟؟

........وسؤالـــي الثانـــي..........

كم مره بالاسبوع لازم أحط الحلبه عشان إتجيب نتيجه زينه ؟؟؟

سوري أدري طولت عليكم :shy:

عاد ها أبي ردودكم (r)

تحيـ (f) ــاااااتــ (f) ــي

[/glow]
[/frame]

ع

عروسه كيوت..

عروس مشرقة

25-02-2007 | 04:25 AM

مرحبا أختي حبيت أنقل تجربتي مع الحلبه أنا أستخدمتها لشعري مع شغلات ثانيه ((خلطة البتول الطاهرة))أستخدمت الحلبه اليمنيه المطحونه أستخدمة الخلطة تقريبا 3 مرات لحد الحين والحمد لله ماحسيت كثير ببشاعة ريحة الحلبه لأني بعد مااغسل شعري وإذا كنت بطلع أبخرشعري مباشرة وهو رطب علشان تعلق ريحه البخور بشعري تدرين حتى لمن يعرق شعرك بتشمين ريحة البخور بس بيني وبينك ريحة دورة المياة حقتي >>>الله يكرمك واضحه فيها الحلبه بس مو مشكلة أهم شي أن شعري مافيه ريحه ...
سوري طولت عليك بس حبيت أشرح لك الوضع بالتفصيل علشان تستفيدين من الرد وإذا عندك إستفسار عن شي معين أسأليني وعيوني لك وبالتوفيق ياقمر ...

ص

صاحبة الامتياز

عروس نشيطة

25-02-2007 | 04:48 AM

السلام عليكم أختي

أنا هقولك معلوماتي وأبغي منج دعوة عن ظهر الغيب

أولا أقسم بالله العلي العظيم وانا أكتبلك المشاركة الحين الحلبه في شعري

...

أولا أنا أستخدمتها كالاتي :

نقعتها في الزيت لمدة شهر كامل ولو تبين الزيادة مافي مانع

وأستخدمتها كحمام زيت علي الطريقة الهندية

أنك تحطية في شعرج لمدة 8 ساعات وثلاث أيام متواليه بالاسبوع

بس والله روعة من أول أسبوع أستخدام

تنقعي الحلبه في زيت جوز الهند وبعد المدة المحددة ( الشهر ) تصفيه

وأهم شيء تضيفي معه زيت الخروع هو اللي بيعطي الشهر الكثافه

وتستخدمية كحمام زيت وتحطينه بشعرج بالليل والصبح تغسليه

ويارب أكون أفادتك

وأمانه تدعيلي أنتي وكل بنت تقراء مشاركتي

أن ربنا يفرج عني فرج عاجل غير أجل وتحقق أمنيتي سنة 2007

والسلام عليكم ورحمة الله

R

Rahouba

عروس نشيطة

25-02-2007 | 04:53 AM

ربنا يكرمك يا صاحبة الامتياز ويفرج كربتك و كربات المسلمين

h

hamdooty

عروس فضية

25-02-2007 | 08:49 AM

وانا بعد في خاطري اجربه لكني خايفة من الريحة

w

wasan2

عروس مبدعة

25-02-2007 | 09:13 AM

صاحبة الإمتياز الله يفرج كرب المسلمين أجمع ويوفقج ومشكوره ع المعلومه

m

mahhaweee

عروس رائعة

25-02-2007 | 10:07 AM

الصراحه الحلبه ريحتها فضيحه

طريقتي اخذ بس ماي الحلبه واخلطها مع الحنه اشوي ريحتها تخف واحط من بعدها حمام زيت ريحته حلوه وابخر شعري واحط فيه دهن العود

بس صدقيني ما اكذب عليك بعض الاحيان حتى ريحة الشيله اشمها حلبه وافتشل واخاف ان احد يشمني

بخبرك عن سالفني مع الوالده

مره كنت رايحه بيت الوالده ومعاي ولدي
وكنت بيومها كنت حاطه خلطه الحلبه مع زيت عافيه ومها كاشخه اهيه ولدها االا امي تصرخ

الله يغربل شيطانج متى راح تفكينه من هالريحه حتى ريحة ولدج حلبه

تركي هالخلطات الخايسه عنج

بس صدقيني ولا جني اسمعها لانه احس شعري وايد تحسن عليها وراح استمر عليها

O

Oriana

تاجرة

25-02-2007 | 11:23 AM

ريحته تفطس

انا احط ملعقتين حلبة مطحونة في غرشة زيت بارشوت
واتركها سبوع وكل يوم ارجها
وبعدين استخدمها على شعري مرة بالأسبوع
ادهن شعري مع التدليك بالليل وانام به ويوم ثاني اغسله!

فعلاً يزيد من كثافة الشعر

n

nidal06

عروس مشرقة

25-02-2007 | 12:30 PM

مشكورات كلكن. الله يفرج كربك يا اختي صاحبة الامتياز و يحقق لك جميع امنياتك

ص

صاحبة الامتياز

عروس نشيطة

25-02-2007 | 09:45 PM

مشكورات يا بعدي علي الدعوة

ويارب يسعدكم ويعطيكم العافية

ويارب يفرج عني فرج عاجل غير أجل

والسلام عليكم ورحمة الله وبركاته

م

ملكة المنجى

عروس جديدة

25-02-2007 | 10:01 PM

:clap: :clap: :clap: احيكم من كل قلبي:clap: :clap: :clap:

كل يوم اقرأ عن زيت الحلبه واقول ياربي من يوديني العطار عشان اجيبه واثاري الموضوع

سهل نقعي الحلبه في الزيوت اللي عندك وخلاص .

بحاول اجرب والله يستر من ريحتها عساني مااتضايق كثير.

(

(sara)

عروس مبدعة

25-02-2007 | 10:27 PM

مشكوووووورين على المعلومااااات

انا الى الحين ما جربت استخدمها بس بغيت اسأل

بعداذنك يا elegant gril

الحلبه انواع والا نوع واحد يا بناااات؟؟

والله يفرج همك يا صاحبة الامتياز ويحقق امنيتك سنة 2007

وكل بنات عروس ان شاء الله

e

elegant girl

عروس مشاركة

26-02-2007 | 12:02 AM

[frame="2 80"]

عروسه كيوت..:
مرحبا أختي حبيت أنقل تجربتي مع الحلبه أنا أستخدمتها لشعري مع شغلات ثانيه ((خلطة البتول الطاهرة))أستخدمت الحلبه اليمنيه المطحونه أستخدمة الخلطة تقريبا 3 مرات لحد الحين والحمد لله ماحسيت كثير ببشاعة ريحة الحلبه لأني بعد مااغسل شعري وإذا كنت بطلع أبخرشعري مباشرة وهو رطب علشان تعلق ريحه البخور بشعري تدرين حتى لمن يعرق شعرك بتشمين ريحة البخور بس بيني وبينك ريحة دورة المياة حقتي >>>الله يكرمك واضحه فيها الحلبه بس مو مشكلة أهم شي أن شعري مافيه ريحه ...
سوري طولت عليك بس حبيت أشرح لك الوضع بالتفصيل علشان تستفيدين من الرد وإذا عندك إستفسار عن شي معين أسأليني وعيوني لك وبالتوفيق ياقمر ...

[/frame]

[glow=CC0066]مشكووووووووره على ردج يالغاليه ........

سؤالي لج هو التالي :bigsmile:

هل حسيتي إن في تحسن في شعرج بعد هالثلاث مرات ؟؟؟

والثلاث مرات إالي استخدمتي فيها الحلبه في إسبوع واحد ... ولا كل اسبوع مره ؟؟

سوري وااايد أسأل صح :shy:

تحيــ (f) ـاااااتــ (f) ــي يالغــــ (f) ـــلا

[/glow]

e

elegant girl

عروس مشاركة

26-02-2007 | 12:25 AM

[frame="7 80"](f)

صاحبة الامتياز:
السلام عليكم أختي

أنا هقولك معلوماتي وأبغي منج دعوة عن ظهر الغيب

أولا أقسم بالله العلي العظيم وانا أكتبلك المشاركة الحين الحلبه في شعري

أولا أنا أستخدمتها كالاتي :

نقعتها في الزيت لمدة شهر كامل ولو تبين الزيادة مافي مانع

وأستخدمتها كحمام زيت علي الطريقة الهندية

أنك تحطية في شعرج لمدة 8 ساعات وثلاث أيام متواليه بالاسبوع

بس والله روعة من أول أسبوع أستخدام

تنقعي الحلبه في زيت جوز الهند وبعد المدة المحددة ( الشهر ) تصفيه

وأهم شيء تضيفي معه زيت الخروع هو اللي بيعطي الشهر الكثافه

وتستخدمية كحمام زيت وتحطينه بشعرج بالليل والصبح تغسليه

ويارب أكون أفادتك

وأمانه تدعيلي أنتي وكل بنت تقراء مشاركتي

أن ربنا يفرج عني فرج عاجل غير أجل وتحقق أمنيتي سنة 2007

والسلام عليكم ورحمة الله

[/frame]

[glow=CC0000]

[B]

الله يفرج عنج إنشالله ويارب تتحقق كل إمنياتك ..... قولي آميييين :shy:

وشكرا إختي على ردج (f)

بس عندي سؤالين :shy:

لازم تنقع الحلبه لمدة شهر ؟؟؟ مايصير استخدمها بدون نقع ؟؟

لان شعري بصراحه تعبان جدا وماتوقع إن بيكون في شعر بعد شهر :bigsmile:

والسؤال الثاني ...

حضرتج قلتي إن تنقع مع زيت جوز الهند لمدة شهر وبعدين تصفيه

وأهم شيء تضيفي معه زيت الخروع ...

زيت الخروع ينضاف بعد الشهر ولا ممكن نحطه مع جوز الهند

وينقع معاه لمدة شهر مع الحلبه ؟؟

وآسفه عالاطاله

تحيــ (f) ـااااااااتــ (f) ــي يالغاليــ (f) ـــه

[/glow]

e

elegant girl

عروس مشاركة

26-02-2007 | 12:34 AM

[frame="5 80"]

mahhaweee:
الصراحه الحلبه ريحتها فضيحه

طريقتي اخذ بس ماي الحلبه واخلطها مع الحنه اشوي ريحتها تخف واحط من بعدها حمام زيت ريحته حلوه وابخر شعري واحط فيه دهن العود

بس صدقيني ما اكذب عليك بعض الاحيان حتى ريحة الشيله اشمها حلبه وافتشل واخاف ان احد يشمني

بخبرك عن سالفني مع الوالده

مره كنت رايحه بيت الوالده ومعاي ولدي
وكنت بيومها كنت حاطه خلطه الحلبه مع زيت عافيه ومها كاشخه اهيه ولدها االا امي تصرخ

الله يغربل شيطانج متى راح تفكينه من هالريحه حتى ريحة ولدج حلبه

تركي هالخلطات الخايسه عنج

بس صدقيني ولا جني اسمعها لانه احس شعري وايد تحسن عليها وراح استمر عليها

[/frame]

[glow=CC0033]ههههههههه سالفتج تضحك والله ... واهم شي الكاشخه بريحة الحلبه :bigsmile:

ماتنلام الوالده صج ريحتها قويه بس شنسوي ياوخيتي شعرنا تعبان ويبيله هالخلطات :sad:

مشكووووووووره يالغلا على ردج :shy:

تحيــ (f) ــااااااتــ (f) ــي[/glow]

e

elegant girl

عروس مشاركة

26-02-2007 | 12:43 AM

[frame="9 80"]

(sara):
مشكوووووورين على المعلومااااات

انا الى الحين ما جربت استخدمها بس بغيت اسأل

بعداذنك يا elegant gril

الحلبه انواع والا نوع واحد يا بناااات؟؟

والله يفرج همك يا صاحبة الامتياز ويحقق امنيتك سنة 2007

وكل بنات عروس ان شاء الله

[/frame]

[glow=330033]ولو يا Sara الموضوع موضوعج يا الغاليه بدون إذن ولا شي :bigsmile:

وسؤالج حلو والله مافكرت فيه أنا قلت بستخدم اي نوع وخلاص

ياريت البنات يفيدونا إذا في نوع معين للشعر ولا هي أي حلبه وخلاص ؟؟

شكرا على ردج يالغاليه :shy:

تحيـــ (f) ــاااااتــ (f) ــي

[/glow]

س

سومه

عروس نشيطة

26-02-2007 | 12:49 AM

مشكووورين على المعلومااات

e

elegant girl

عروس مشاركة

26-02-2007 | 01:07 AM

[frame="7 80"][glow=FF0033]

بنااااااااااااات على ردودكم :shy:

Rahouba (f)
Hamdooty (f)
Wasan2(f)
Oriana(f)
Nidal06(f)
ملكة المنجي (f)
سومـــــة (f)

وهاذي يا بنااااااات الخلطه إلي لقيتها عالمنتدى بس هالموضوع
له فتره طويله حتى مو متذكره اسم الاخت إلي حطت الموضوع .......
أتمنى إذا شافت هالفقره من موضوعها ماتزعل
ولو كنت متذكره اسمها كنت حطيته للامانه ......

.... الطريقه .....

تاخذ كميه من الحلبه (ثلاث ملاعق) وتغليه على النار لمدة 10 دقائق
(لحد مانشوف حبات الحلبه تنفخت استوت يعنى خلاص) ،،
عندما يبرد قليلا نسكبه فى الرشاش (رشاش اللى يستخدم للزجاج والمرايا)
ويرش على كامل الشعر ويترك ثلاث ساعات ( أو أكثر على حسب الرغبة )......
وبعدها نغسله ..... ويحبذ بعد تجفيف الشعر وضع البخور والعطر
لان الريحه قويه جدا والبخور ممكن يساعد على تخفيف الرائحة ....

وهالوصفه إلي أنا كنت ناويه احطها على شعري

بس لما شفت خلطات البنات احترت ما أدري شاستخدم الحين ؟؟[/glow]

[glow=FF0033]تحيــ (f) ـاااااااااتــ (f) ــي[/glow]
[/frame]

م

مودي ونوجا

عروس نشيطة

26-02-2007 | 01:19 AM

[frame="9 80"]أنا بنقل لكم تجربتي مع الحلبه
بصراحه سمعت عنها واجد يمدحونها
وجربتها بس بصراحه روعه وكلمة روعه شويه عليها
ومقاديرها
1:كاس حلبه مطحونه
2:زيت عافيه لتر أو أقل من اللتر 75 مل
الطريقه :
تحطين الحلبه على الزيت وتتركينه لمدة 15 يوم
ثم تبدين أستخدامه 3 مرات في الأسبوع الأول ثم مرتين في الأسبوع الثاني ثم مره واحده في الأسبوع
بس بتلاحظين الفرق من أول أستخدام
وعن الريحه أبدا ماله ريحه وعن تجربه [/frame]

م

مودي ونوجا

عروس نشيطة

26-02-2007 | 01:22 AM

[frame="9 80"]أنا بنقل لكم تجربتي مع الحلبه
بصراحه سمعت عنها واجد يمدحونها
وجربتها بس بصراحه روعه وكلمة روعه شويه عليها:qaq:
ومقاديرها
1:كاس حلبه مطحونه
2:زيت عافيه لتر أو أقل من اللتر 75 مل
الطريقه :
تحطين الحلبه على الزيت وتتركينه لمدة 15 يوم
ثم تبدين أستخدامه 3 مرات في الأسبوع الأول ثم مرتين في الأسبوع الثاني ثم مره واحده في الأسبوع
بس بتلاحظين الفرق من أول أستخدام
وعن الريحه أبدا ماله ريحه وعن تجربه [/frame]