الحبوب ...والرتن ايه؟؟

و

وردة الشمال

عروس جديدة

25-02-2007 | 12:55 AM

السلام عليييييييييييييكم بنات منتدى عروس

ان شاء الله تكونون بخيييير وصحه وعافيه

موضووووعي يابنات عن الرتن ايه؟؟ ابغي اعرف شو سلبياته وشو ايجابياته؟؟

لاني أعاني في وجهي من ظهور حبوب بششششششعه :confused: وتاركه اثر ابشع في ويهي

حشى تقولون قنابل مب حبووب ...

ومشكلتي بيضاء والحبوب وأثرها كثير مبين علي وجهي ...

فنصحوني بإستخدام الرتن ايه .... وانا حاليا استخدمه وهذا رابع يووم ..ادري سألت بعد فوات

الأوان لانه وايهي قام يتقشر ويحرقني بس الحب وأثرهم نفس ماهوه :sad:

وهل هالحب ممكن يكون حب الشباب لانه ظاهر لي من فترة سنة تقريبا احيانا يختفي واحيانا يرجع

مااعرف شو السبب ...وانا عمري 23 سنه

بلييييييييييز ساعدووني بنات

اتريا ردودكمممم

م

مجـد

عروس ماسية

25-02-2007 | 01:02 AM

وعليكم السلام ورحمة الله وبركاته ،

أختي أنا استخدمت الريتن A ، بس ما استخدمته بروحه

الصيدلي عطاني معاه كريم الحساسية حتى يخفف من الإحمرار اللي يسببه الريتن A

+

كريم ألدو كون ،

والحمدلله استخدمته لمدة شهر وخفت الحبوب بشكل كبييييييييييييييير الحمدلله ،

بس نصيحة لا لما تبين تطلعين الصبح حطي كريم حماية ، لا تطلعين بالشمس بدون

حماية طالما تستخدمين الريتن A ،

موفقة :) ،،

ح

حبيبه رائد

عروس مبدعة

25-02-2007 | 01:08 AM

وعليكم السلام

حبيبتي انصحك تزورين طبيب متخصص بالجلديه عشان يشوق حالتك ويوصف لك العلاج اللي يناسبك
انا صار لي اتعالج شهرين عند اخصائيه جلديه... وكتب صابونه ورتن ايه معاه..
وللحين استخدمه وجهي بدء يتحسن شوي شوي ...
وقالت لي بعد ماحط رتن ايه الا بالليل وبعدها انام على طول بالظلمه يعني... مانصحتني فيه وقت النهار ... وبس حبيبتي

اتمنى لك العلاج القريب .. وبالتوفيق ..... نوقطه

ر

روح البحرين

مشرفة سابقة

25-02-2007 | 10:22 AM

اختي اول نصيحه مني لج هي انج ماتستخدمين الرتن اي من دون استشاره طبيب جلدي مختص
لانه ممكن يسبب تحسس وجفاف لبشرتك

شوفي هل موضوع عل الحبوب انشاءالله يفيدك
للحبوب

f

flaneh

عروس نشيطة

25-02-2007 | 11:53 AM

إذا بشرتج من النوع اللي تظهر فيها حبووب وايد الأفضل تسيرين عند طبيب جلدي..أنا أنصحج بال ruaccutane بس طبعا لااااازم استشارت طبييب و تسوين فحوصات قبل..لأه ممكن ما يناسبج..الزين ف هالدوى يخوز الحبوب نهاائي و لمدة سنيين..مثل ما قالت لي الطبيبة انه لو استخدمت كريم ولا شي لازم أداوم عليه لأنه الحبوب ترد مره ثانيه..بس هالدوا مفعوله مدة طوييلة و أصلا يقضي عالحبوب..فالأفضل استشارة طبييب عنه قبل و عقب شوفي شو بيقولج..إذا ناسبج...خذيه.أنا وصفتلي اياه دكتورة سعاد لطفي..

و

وردة الشمال

عروس جديدة

25-02-2007 | 12:00 PM

فديتكن مشكوورات على ردودكم الطبيه

وعسى خير ان شاء الله

+

++دلوعة العين++

عروس جديدة

26-02-2007 | 10:50 AM

نصيحه ووحي لطبيب جلدية قبل ما تكبر مشكلتج ، لأن حب الشباب أنواع و انت ما تعرفين أي نوع اللي فيج و الرتن ايه ما يعالج أي نوع حب شباب و الدليل أنه ويهج تقشر و الحبوب بعدها ظاهره يمكن تكون المشكله داخلية يعني هرمونات تسبب إفرازات داخليه تطلع في ويهج على شكل حبوب

غ

غالية الاثمان

عروس جديدة

26-02-2007 | 11:15 AM

مجـد:

وعليكم السلام ورحمة الله وبركاته ،

أختي أنا استخدمت الريتن A ، بس ما استخدمته بروحه

الصيدلي عطاني معاه كريم الحساسية حتى يخفف من الإحمرار اللي يسببه الريتن A

+

كريم ألدو كون ،

والحمدلله استخدمته لمدة شهر وخفت الحبوب بشكل كبييييييييييييييير الحمدلله ،

بس نصيحة لا لما تبين تطلعين الصبح حطي كريم حماية ، لا تطلعين بالشمس بدون

حماية طالما تستخدمين الريتن A ،
كلاااااااااامي من كلااااااااااامهااااااااا :shy:
موفقة :) ،،