نداء لاختي مجد وبنات منتدى عروس

اي اختي
لازم اتجاوبين على اسألة مجودتنااا
عشان انعرف اشلون نساعدج

يمكن الطريقه اللي اتحطين فيها الفاونديشن
بس انتي اتقولين تتبعين كل الخطوات

انزين شو نوع الفاونديشن اللي تستخدمينه
وهل تستخدمين مثبت المكياج؟

الله يعطيك العافية اختي مجد انتي اول وحده تردين الله يوفقك ويفك عنك كل ضيقه انتي وكل اخت ردت علي
شوفي حبيبتي اول شي استخدمت اساس ديور


وبعدين لوريال


اساس كريولاين
]
واساس اف سالوران واساس HR

والمرطب استخدم أولاي او لوريال

[grade="00008B FF6347 008000 4B0082"]هلا اختي نورهان

صحيح انج اتبعتي كل الخطوات الصحيحه قبل واثناء وضع

المكياج لكن يمكن انج اغفلتي عن عده نقاط اهمها


1) هل كريم الترطيب الي تستخدمينه يناسب وجهج ؟؟

بمعنى انتي قلتي ان بشرتج دهنيه فإذا كان كريم الترطيب

مايناسب بشرتج فأكيد بيكون سبب في زياده الدهون فيها

وبالتالي يدهن ويهج اكثر ويسبب تبقع الاساس .

انصحج باستخدام كريمات الترطيب الي تكون مكوناتها مائيه

مب معتمده على الزيوت او المرطبات الي تتحكم في افراز الزيوت

مثال على ذلك :

من شانيل MOISTURE BOOST FLUID

من ماك OIL CONTROL LOTION


2) كريم الاساس تأكدي ان كريم الاساس الي تستخدمينه خالي من

الزيوت (OIL FREE )

واغلب الماركات يكون فيها هالنوع من كريم الاساس .

وعن انواع الفونديشن الي ذكرتيهم تأكدي من انهم خالين من الزيوت .


3) استخدمي مثبت للمكياج وانصحج بمثب المكياج من ميك اب فو ايفير

رهيب الصراحه ويثبت المكياج بشكل كبير حتى في عز الحر [/grade]






[grade="00008B FF6347 008000 4B0082"]4) بدل البيس الي بالون البنفسجي من ميك اب فور ايفير انصحج انج تجربين

تستخدمين ALL MAT Matifying Base هذا يعطيج لوك بدون لمعه ولانه يتحكم

بلمعيه البشره وايضا ثبات لون كريم الاساس . وتقدرين تقرين عنه اكثر في موقع

ميك اب فور ايفير .[/grade]:shy:





[grade="00008B FF6347 008000 4B0082"]لاحظي اختي ان كانت بشرتج باهته من الاصل ولا تبهت بعد وضع المكياج بفتره

لان بهتان البشره الي تعانين منه والي ذكرتيه من خلال كلامج يصير بعد ما تحطين

المكياج وطبعا سببه عدم ثبات كريم الاساس وتبقعه و زياده افراز الدهون .

لان البيس البنفسجي صحيح يستخدم للبشره الباهته بس الي تكون في الاصل باهته

مش بسبب المكياج ويوضع قبل المكياج كعلاج مؤقت لها حتى مايبين بهتانها بعد

وضع المكياج .


اتمنى اكون افدتج اختي واي سؤال انا حاظره

عاشقه الدوحه[/grade] :gum:

جزاك الله خيرا حبيبتي عاشقة الدوحه :flower: وفعلا كلامك صحيح ممكن من كريم الترطيب
لكن انا بشرتي كما وضحت عاديه ودهنية في منطقة T ومع الحر تصبح دهنية
وانا بشرتي في الاساس باهته
حبيبتي ابي رايك في هذا المرطب من اف سالوران مثل ماقلتي اساسه ماء بدل الكريم
Nutri Système
intense nourishing creme

شوفي حبيبتي... عشووقة ما قصرت وياج..

بعطيج المنتجات اللي استخدمها كزيادة بس...لأن بشرتي مختلطة مثلج..

عندج مرطبات تجي للبشرة هذي.. و ما أنصحج تحطين أي شي خاص بالبشرة الدهنية.. لأنها غير عن المختلطة..

من كانيبو عندج Emulotion I إذا مختلطة تميل أنها تكون دهنية ..
Emulotion II إذا مختلطة و تميل أنها تكن جافة..



عندج من كلارينس

Hydra Matt Day Lotion

و إذا T-zone مالج ايد مدهن ممكن تحطين على المنطقة هذي
من شانيل ..T-Matt shine control


مثل ما قالت لج عشوقة استخدمي منتجات تكون oil- free.. أساسها مائي..
يفضل إذا الاساس سائل خذيه.. شبه مطفئ.. Semi matt

أنا استخدم أساس غرلاين ديفينورا...

عندج هذا من كانيبو..liquid finish


عشان تعطي لون مشرق لبشرتج..
استغملي كريم من شانيل.. تعبت و أنا أقول إنه روعة...اسمه maximum Radiance cream


عندج أنواع من البيس اللي تعطي إضاءة مثل من ..Complexion enhancer...YSL


من KANEBO ..brightening make up base
..

أتمنى أكون أفدتج..

ما شاء الله الاخوات ما قصرو

وانا مع الاخت عاشقة الدوحة..

لازم ترطبين بشرتج اول شئ بعدين تستخدمين كريم الاساس والبودر

ماشاء الله عليكم يابنات عروس :clap: ررررررررائعات بمعنى الكلمة

حبيبتي منتهى الاناقة والله إنك اسم على مسمى
حبيبتي عندي كم سؤال وعارفه اني زوتها معاكم لكن مالي غنى عنكم
اش افضل كريم كانيبو او كلارنس
وبيس سالوران وكانيبو يعطي نفس نتيجة بيس فور إيفر
وكريم شانيل هل هو قبل المكياج

حبيبتي منتهى الاناقة والله إنك اسم على مسمى:shy: :shy: ..
أخجلتيني بكلامك.. أشكرج حبوبة

حبيبتي عندي كم سؤال وعارفه اني زوتها معاكم لكن مالي غنى عنكم
أفا عليج.. سئلي قد ما تبين.. حنا بخدمتج :)

اش افضل كريم كانيبو او كلارنس
اثنينهم حلوين.. .. بس كانيبو أحسن من ناحية الترطيب للأماكن الجافة..

وبيس سالوران وكانيبو يعطي نفس نتيجة بيس فور إيفر
بصراحة ما جربت بيس فور ايفر... بس YSL وKanebo يعطوج إضاءة بالإضافة لكونهم بيس...

وكريم شانيل هل هو قبل المكياج [/QUOTE]

هو مرطب ..ينحط قبل الأساس والبيس.. الحلو فيه إنه يعطي إضاءة دائمة طبيعية بدون مكياج..يعالج البشرة

نورهان:
جزاك الله خيرا حبيبتي عاشقة الدوحه :flower: وفعلا كلامك صحيح ممكن من كريم الترطيب
لكن انا بشرتي كما وضحت عاديه ودهنية في منطقة T ومع الحر تصبح دهنية
وانا بشرتي في الاساس باهته
حبيبتي ابي رايك في هذا المرطب من اف سالوران مثل ماقلتي اساسه ماء بدل الكريم
Nutri Système
intense nourishing creme

[grade="00008B FF6347 008000 4B0082"]تسلمين حبيبتي نورهان

بس الكريم الي حطيتيه من ايف سان لوران مخصص للبشره الجافه حسب ماقريت عنه بالموقع

يعني مايناسبج .

.
.


شي ثاني صحيح مثل ماذكرت اختي منتهى الاناقه ان بشرتج مختلطه بس انتي لازم تلاحظين اذا

كانت بشرتج مختلطه مايله للدهنيه ولا مختلطه مايله للجافه لانه في فرق كبير .

ودام ان بشرتج مع الحر تتحول لدهنيه معناه ان بشرتج صحيح مختلطه ولكنها مايله للدهنيه

عشان جذي تحتاجين كريم ترطيب لبشرتج اساسه مائي وهو راح يرطب لج البشره كلها بما فيها

المناطق الي مش دهنيه كثير بس في نفس الوقت ماراح يزيتها وانصحج بكريم الترطيب الي ذكرته

لج من شانيل MOISTURE BOOST FLUID لانه راح يرطب لج البشره بانه يوازن الماء فيها وانا

ذكرته لاني استخدمه وحيل نافعني بس مب شرط تلتزمين فيه ممكن تلقين كريمات ثانيه بنفس

الواصفات بماركات ثانيه .

.
.


ايضا oil control ممكن تحتاجينه لانه راح يتحكم في افرازات الدهون خصوصا في الايام الحاره

او ممكن مثل ماقالت لج منتهى الاناقه تستخدمين T-Matt shine control لمنطقه T-zone فقط وهذا

طبعا مب شرط تستخدمينه قبل المكياج ولكنه بمثابه علاج للبشره وتستخدمينه يوميا لعلاج المشكله

الي عندج .

.
.

شي ثالث دام ان بشرتج من الاساس باهته اجل استمري على البيس البنفسجي لانج في هالحاله راح

تحتاجينه ليعطيج المزيد من الحيويه لبشرتج .

.
.


ولا تنسين مثبت المكياج لانه له دور كبير في تثبيت المكياج واستمراره لفترات طويله .

.
.


اتمنى اكون افدتج .

عاشقه الدوحه [/grade]:gum:

اذا بشرتج دهنيه
حطي كريم الاساس المضغوط يصير مثل الكريم و البودر بس
مو دهني
ماركه دريم

عاشقة الدوحه(f) منتهى الاناقه (f) نانو عروس 2007 (f)
الله يسعدكم

تسلمين أختي سربوته لكن في السعودية مافي شارمل