ذكراه

مساء الخير

هذا اول موضوع اشارك فيه واتمنى انه يعجبكم

انا ابي اسأل كل المتزوجات او المخطوبات

بيوم الملكه او يوم الزواج منو يكون وافق معاج؟؟

عندي جم بيت وبخاطري تقرونهم

طرى لي طيفه السامي وتشتت باقي الافكار ,,, يبعثرني ويجمعني بطيبت قلبه وحساسه

غلاه بداخلي رايه وشوقي لبسمته تذكار ,,, انا و شلون ابنساها حروفه وكلمته وباسه

بعد ما فارقه عينه خفوقي هزة الافكار ,,, و حضني صابته رعشه وهو يلفظها انفاسه

تمنيت اوهبه عمري او اسرق له من الاعمار ,,, ولا يتركني لحالي وسط هالكون او ناسه

ثواني .. بعدها اعلن خفوقي عن سدل الاستار ,,, ونسيان الفرح بعده وشرب المر من كاسه

وحقك يا بعد كلي لكمل بعدك المشوار ,,, واسقي من الوريد ورود ذبحها الحزن و لباسه

تذكرته ونسيت اني فقدته وانطفت الانوار ,,, ولا غيره بناديني حبيبت قلبي والماسه

قال: انت امل باجر وانت سيدة الاقمار ,,, انا وشلون بتحمل وقلبي تحرقه ياسه

صرخت .. وصرختي كانت هدوء ودمعتي صغار ,,, ورجفة صابت ضلوعي وهم فاق مقياسه

بعد ما كان بعيوني سحابة ثايره وامطار ,,, صفت ذكراه في قلبي قصيدة وسط كراسه

وسلامتكم

كنت ابي اسال منو مر بهذه التجربه لان احس اني ضايعه بدون ابوي
وما ابي اتزوج اذا هو مو معاي

والسموحه اذا طولت عليكم


بلييييييييييييييييييز ابي ردودكم و ابي رايكم وبصراااااااااااااااااااااااااااحه