اخواتي في الله** ارجو مساعدتي في تحديد طبيب للاورام بدبي ويكون شاطر ومعروف..

السلام عليكم...
كيف حالكم اخواتي...الله يديم عليكم الصحة والنعمة...
وادعو لي بالشفاء ودوام الصحة والعافية...


خواتي..انا عمري 28 ومن تقريبا اسبوعين مرضت ورحت الدكتورة وفحصتني وقالت لي مافيك الا العافية اشربي محاليل جفاف وتصيري اوكيه..والتفت لرقبتي وقالت لي ليش رقبتك منتفخة..قلتها انا مليانة واحس رقبتي عادية...قالت لا رقبت فيها انتفاخ وانتي مو ملاحظة..خلينا نسوي تصوير ونشوف..ونتطمن....قلت لها اوكيه..وانا طنشت وقلت لنفسي رقبتي مافيها شي.. وسوت لي فحوصات دم للغدة وفحوصات عادية...

المهم رحت مرة ثانية العيادة عشان زكام بعد ثلاث ايام وشافتني دكتورة ثانية وقال لي نفس الكلام...انا هنا خفت وفكرت وقلت والله يمكن فيه شي دام دكتورتين ملاحظين هالشي..بسوي صورة وما بتضرني بشي..المهم سويت صورة ...والمفاجأة:sad:

طلع عندي اورام صغيرة على جوانب الغدة الدرقية وورم كبير من فوقها على الجانب الأيمن..والجانب الأيسر خفيف...ورحت عند الدكتورة الثانية وقالت لي قبل لا احولك على طبيب مختص......لازم تسوي صورة مقطية مغناطيسية (MRI) .....


الحين يا بنات ..هذا التصوير سويته بمستشفى حكومي والحين اريد اشوف رأي ثاني بمستشفى او عيادة خاصة..وعند دكتور استشاري شاطر ومعروووف بدبي....ف يا اخواتي ..الله يخليكم اللي تعرف او سمعت عن دكتور بدبي متخصص بالأورام ..تعطيني اسمه واسم عيادته ورقم التلفون...(عاجل ربي يخليكم)
والله يبعد عنا وعنكم الاورام بانواعها..ويعطينا الصحة والعافية.....


ولكم الشكر الجزيل