السلام عليكم ورحمة الله وبركاته
شحالكن امهات عساكن بخير .. وان شاءالله صابرات بعدكن؟ ^_^
عندي مشكله وما ادري لها حل والا خلاص راحت عليّ؟
ولدي من انولد وانا انومه عدالي عالسرير
لاني ولدته بعمليه وكنت تعبانه ميته تعب وما كان حد عندي يساعدني عليه بالليل
كنت مضطره ارقده عدالي طول الليل وطول الاسبوع اللي نمته في المستشفى
ولما رجعت البيت عذبني بغازاته وصياحه وحاولت ارقده في سريره ما قدرت عليه
والحين عمره شهر ونص وصار اهدى عن قبل .. وبطنه الحمدالله يعوره بس على فترات
وكله ينام عدالي وفحضني .. افرح لما ينام عدالي بس خايفه عليه .. احسن له في سريره
تتوقعون في طريقه اقدر اتبعها عشان يتعود ينام على سريره ؟؟
وخاصه انه الصيف على الابواب ولازم بنشغل المكيفات وخطر اني انومه عدالي احسن له السرير واغطي السرير كامل بشرشف عشان ما يبرد
اللي عندها حل تخبرني ... ولا تقولون لي اخليه يصيح في سريره لين يتعود ما اقدر قلبي يعورني عليه
وخاصه انه هوه بروحه صيّاح من انولد .. الله وكيلكم ما يصيح يصااااااااااااااااااارخ لحد ما يصير صوته مبحوح ويسطل من كثر الصريخ وينام على طول من التعب
ارحمه واحاول ما اصيحه ..عشان ينسى الصياح في فترة الاربعين .. الله لا يراوي حد هذيج الايام
بصراحه متوهقه وياه مب عارفه اتصرف لانه اول ياهل لي ..
صدق انه الامومه صعبه :(
اترياكن خواتي مالي غيركن
مشكلتي مع ولدي من انولد لها حل ؟؟؟
أ
21-02-2007 | 04:11 PM
s
21-02-2007 | 05:36 PM
حبيبتي:
هذي تقريبا مشكلة كل ام ولأول مرة بعد!!!
انا عانيت وايد بالمرتين
بس الحين ولدج بعده ما تعود على النوم ، اهو اهم شئ انه ينام بالنسبة له وخلاص، فانتي لا تقولين ما اقدر اخليه يصيح!! لا خليه يصيحّ!! انا قلت نفسج يوم يبت اول ولد: ما اقدر اخليه بروه، ما اقدر اخليه يصيح وكلام وايد
لين ما خلاص تعبت وقلت لازم اشوف لي حل..
اعطيه الحليب عادي وانيمه بروحه على حضني عقب احطه بالسرير وين المشكلة..طبعا بيبكي اكثر من مرة بالليل بس عادي طلعيه كل ما يبي يرضع وحطيه بالسرير مو صعبة
انا سويت جذه بولدي الثاني: كنت ارضعه طبيعي وتعبـــــــــــــــــــــــــت وايد والله
لما كان يقوم يبكي بالليل اقوم والله تقولين عندي الصبح اقعد ارضعه وحضرته يلعب ما يبي ينام اضطر افتح التلفزيون واطالع لين ما يرجع ينام وهذي حالتي
يعني السالفة يبالها تعود
والاطفال كلهم يصيحون اول الاشهر لين ام يكبرون شوي
م
22-02-2007 | 03:19 AM
والله انا اسوء وحدة ممكن تنصحج بنتي داخله على السنه الثانيه .. و انا انومها في حظني
اقدر احل مشكلتي لانها ما ترضع خلاص انفطمت بس انا ما اقدر
و ناويه ان اخوها نفس الحاله انومه عندي
لان موتي و عشقي اشوفهم عندي .. و ما يهمني من الكلام اللي ينقال ..
اقدر احل مشكلتي لانها ما ترضع خلاص انفطمت بس انا ما اقدر
و ناويه ان اخوها نفس الحاله انومه عندي
لان موتي و عشقي اشوفهم عندي .. و ما يهمني من الكلام اللي ينقال ..
م
22-02-2007 | 09:04 AM
أختى لازم تعوديه يترك سريركم،، الولد بعده صغير وتقدرين تعملينه..
يوم يومين أسبوع أسبوعين بس في النهاية بيرضخ للأمر الواقع...
دائما نقول مايصير الطفل مو متعلم ومو متعود على هالشئ،، بس لما نصر عليه أكيد راح يتعلم ويتعود على العادات السنعة اللي ودنا يتعملها....
يوم يومين أسبوع أسبوعين بس في النهاية بيرضخ للأمر الواقع...
دائما نقول مايصير الطفل مو متعلم ومو متعود على هالشئ،، بس لما نصر عليه أكيد راح يتعلم ويتعود على العادات السنعة اللي ودنا يتعملها....
m
22-02-2007 | 09:16 AM
حبيتي اول شي ما تخافين يطيح من السرير ولا وانت نايمة ممكن ينخش تحتج ويختنق؟ لااااااااازم اتعودينه ينام في سريره صحيح بتتعبين اول كم يوم بس اخر شي راح ينام فية وبعدين عن تجربه لفيه بشيلتج لانه ريحتج فيها وراح ينام والله طريقة مضمونه
والله المستعان
والله المستعان
ف
22-02-2007 | 01:42 PM
أنا اقترح عليك السرير اللي ينفتح من جانب واحد وتلصقيه في سريرك
ا
22-02-2007 | 07:57 PM
انا كنت اعاني نفس مشكلتج ولدي كان عنيد والحمدالله تغلبت عليه ^_^
والحمدالله ابنك صغير وتقدرين تحلين المشكله..لانه لو كبر صعبه وااااااااااايد تبعدينه عن سريركم
اول شي رقديه عدالج..ويوووم بيغط في رقاده وعز نومه شليه وحطيه في سريره بس شرط سريره
يكون الجنب مفتوح على سريركم..كانكم في سرير واحد..ويكون في مستوى سريركم عشان مايحس انه بعيد عنك...وانشالله بيتعود
واذا نش يصيح خبطي عليه بيدج وحسسيه انه نايم قريب منج..وبيرد يتابع نومه..واذا مارضى يسكت
شغلي قران بيصيح وبيسكت انشالله
في النهار حطيله الالعاب في سريره ولعبي وياه عشان يتعود عليه ويحبه وبيحس انه مملكته
جربي وبشرينا ..
والحمدالله ابنك صغير وتقدرين تحلين المشكله..لانه لو كبر صعبه وااااااااااايد تبعدينه عن سريركم
اول شي رقديه عدالج..ويوووم بيغط في رقاده وعز نومه شليه وحطيه في سريره بس شرط سريره
يكون الجنب مفتوح على سريركم..كانكم في سرير واحد..ويكون في مستوى سريركم عشان مايحس انه بعيد عنك...وانشالله بيتعود
واذا نش يصيح خبطي عليه بيدج وحسسيه انه نايم قريب منج..وبيرد يتابع نومه..واذا مارضى يسكت
شغلي قران بيصيح وبيسكت انشالله
في النهار حطيله الالعاب في سريره ولعبي وياه عشان يتعود عليه ويحبه وبيحس انه مملكته
جربي وبشرينا ..
u
22-02-2007 | 09:20 PM
أنا بعدأقترح عليج السرير الي ينفتح من جانب واحد .. نومي أول شيء أف حضنج وأول ماينام هزيه شوي شوي وحطيه اف سريره على طول وطيحي انتي عداله وشوي شوي شلي ايدج من تحته والايد الثانية طبطبي عليه بس أهم شيء ما اتخلينه يطول اف حضنج والله يوفقج
أ
23-02-2007 | 01:56 AM
مشكووورات خوااااااااااتي الغاليات على الردود والحلول الطيبه
هوه عندخ سرير ينفتح من جانب بس بصراحه ما استغليت هالشي بتلزيقه بسريري هي فكره حلوه
بس يمكن ما يكون في مستوى سريرنا ميه بالميه لكن اعتقد بيكون سهل اني اطبطب عليه كل ما قام واسهل لي
الله يعطيكن العافيه وما تشوفن مكروه في عيالكن ويباركلكم فيهم
^_^
هوه عندخ سرير ينفتح من جانب بس بصراحه ما استغليت هالشي بتلزيقه بسريري هي فكره حلوه
بس يمكن ما يكون في مستوى سريرنا ميه بالميه لكن اعتقد بيكون سهل اني اطبطب عليه كل ما قام واسهل لي
الله يعطيكن العافيه وما تشوفن مكروه في عيالكن ويباركلكم فيهم
^_^