انا وزوجــــــــــــــــــــــــــــــــي

والله مالك ياقلبي الا انك تدعين مغير القلوب هذا اظمن حل لك تعوذي من ابليس اللحين وروحي وامسكي سجادتك واشكي لربك وادعي انه يسخره لك وان شاء االله زوجك بيتغير باذن الواحد الاحد

الله يارب يسخره لك ويهديه ويجمعني بمن احب عاجلا غير اجل

اعتقد انه مريض صراحه يتعالج احسن عذرا بس هذا اللي اشوفه

ادعي ربج وكل شي بيهون

الله يعينك عزيزتي

لازم تتفاهمين مع زوجك وتقولين له ان هذولي اخوانك شفيها اذا سلمتي عليهم !!!!!
الحين لو انه حرام قالوا حرام لكن هذا حلال شلون يمنعك !! واذا ماقتنع
بهالموقف حاولي تفرضين رايك وماعليه لو زعل راضيه يمين يسار بس اهم شي لاتتهاوشين معه
وضحي له كل الكلام اللي قلتيه وانك مو راضيه على هالشي وبيتم حاز بخاطرك ومايصير يمنعك من شي احله الله

الله يهديه

حاولي تبينيله التزامك فاللبس عند الخروج وانك تتغطين عدل وحتى فالطلعات والروحات واما بالنسبه لموضوع اخوانك لما تسلمين عليهم قوليله هاي اخواني ومب حد غريب وانا وخواتي متعودين نسلم عليهم وهي ادايما بين الاخوه واكيد خواتك معاك جذي بس قوليله فاسلوب حلو وبالنسبه انه يمنعك من الطلعات عادي العزايم ساعات وايد تتاخر بس حاولي تقتعيته في موضوع دراستك عالاقل تاخذين ساعات شوي فالجامعه ولو هو دارس بيأيدك .

وانا اقولج نفس كلام اسيرة قلبه.....................لانه غيره موطبيعه حبيبتي..................

ياربيه الله يهديه زوجك عنده حب التملك بشكل فضيع
يعني يبغاك له وبس ولأحتياجاته معقوله؟!! ليه وين حقك بالحياة ليه ماتطالبين فيه ؟ وش الاستسلام اهذا
ممنوع طلعات وزيارات حتى دراسه ممنوع وهذا واحنا بالسعوديه ومافيه اي اختلاط
وعندك ولد ووبنت وصابره؟ يختي ماشاءالله علييييييك وش قوة هالتحمل..
تبين الصراحة الخطأ غطأك انتي من البداية مفروض من اول يوم بينكم وضحتيله صورة انو مثل ماانا ببيت اهلي اطلع واروح واجي معك بعد كذا..قوليله بأي حق تمنعني من الزيارات الي فيها ترفيه لي وتحسين لنفسيتي
انا بصراحة ضد التنازلات الي غير معقوله مثل كذا في بداية الحياة الزوجيه لأن الزوج اذا تنازلتي معاه من البدايه خلاص ماتقدرين تسيطرين على الوضع وراح يعتبر تنازلك حق من حقوقه وهذا غلط واكبر غلط ليه احنا نتزوج عشان ننحبس ..ترا بيجي يوم وتنمسح شخصيتك وتكونين مجرد تابعه له لااكثر وبيمل منك لأن في نظره خلاص مالك راي ولاكلمه ولاشخصيه وهو الي يسوي كل شي والرجال مايحب كذا انتبهي
عيدي التفكير بالموضوع وبدون ماتخربين حياتك الزوجيه واستقرارك تفاهمي معاه بهدوء واختاري الاوقات المناسبه والي يكون فيها هادي ورايق وقوليله انا من حقي اطلع واروح واجي واشوف العالم..انا زوجتك وام عيالك واحبك بس انت ماتفكر فيني وبضيقتي
واذا مافاد معاه حاولي تدخلين احد بينكم تثقين فيه لأن بصراحه امره عجيب ..كثير رجال يغارون على نسوانهم بس مو كذا لحد السجن ومن اخوانها بعد
اما اذا كانت غيرته مرضيه جدا وصعب السيطره عليها لازم يراجع طبيب نفسي عشان يتخلص منها وماتنغص عليكم حياتكم
والله يوفقك ويسعدك وسخر زوجك لك ويهديه

امممم هذي مو غيرة .. هذا مرض نفسي ... و يحوم حول الشك و التحسس بصورة مبالغ فيها ...


لازم تكلمينه و تقولينله انه تصرفه مو طبيعي و لازم حد يكلمه ... لانه فيه حب تملك و هاي من اكره الاطباع ... لازم يا يتعالج او حد يكلممه ... ولا بيزيد و اذا سكتي عنه بيحس انه على صواب و هل شي بيضرج .. بتتحملين الحين لكن باجر بتنفجرين .. مهما يكون الواحد وده يختلط مع العالم مو ينعزل

الله يعينج اختي و يهدي ريلج

والله حالة انا اتمنى خطيبي مثل زوجك يغار ويبين غيرته
احمدي ربك انا لو مكانك واااااااااااااااو انبسط وايد

شكرا يابنات على النصائح لكن اهلي مو شايفين كذا انا صغيرة وعمري 22 ويقولون بكرى بيتغير على العموم اللة يعين ويصبرني علية ويتغير وبالنسبة ل وعووودة هذي نقمة لما تعيشين زي كذا دعواتكم لي يابنات

يمكن صح انتي مجربة وانتي اخبر بهالامور
الله يهديه لك ويهدي ازواج المؤمنات كلهم قولو أأأأأأأأأأأأأأمين