بغيت اسألكم عادي ولا لا...؟

مااظن

خل اهله امه وخواته هم اللي يلبسونج دبل الخطووبة

وبعدين في الملجه هو بيلبسج دبلة العقد

مرحبا واهلا وسهلا




والله يا اختى الله اعلم اضن انوا ميصير يشوفك الى اذا كتب كتاب



يعني صرتي زوجه رسميا ودوليا وعالميا <<<تنكت الاخت

او شوفه شرعيه


بعدين يا عمري ليش ما تخلين تلبيسه دبل يوم ملكه مو احلى واحسن واضمن



واتمنى لك توفيق يا قلبي

نوسة نفس الكلام اللي انا قلته

اختي شهرزاد فديت قلبك هو يبي يلبسني علشان محد يفكر يتقدم لي لانه بيكون جاهز بعد 4 شهور وانا وايد يخطبوني وهو يبيني ....ويخاف

مب شرط انه يلبسك الدبله علشان يضمنك

المهم تستوي الخطوبة الرسمية ةتعلنونها بين الاهل والاقارب

تسلمين لي ياعسل يانوسة
ماننحرمش ...

انا مع الاخت نوسه مب لازم دبله ممكن تعلنون الخطوبه يعني ام خطيبك تروح تقول للاهل والاقارب وامك بعد بعدين بيعرفون انك مخطوبه وبتكون خطبه رسمي لين الملكه اللي ان شالله بتكون بعد 4 شهور وتلبيس الدبله وقت الخطوبه قبل كتب الكتاب مب عاداتنا فالخليج هي موجوده في بعض الدول العربيه بس مب عندنا والله يوفقك اختي .

تسلمين حبيتي الشقرا على
ردك ويعطيك العافيه بس تكفون ادعوا لي ربي يتمم لي المووضوع على خير وابشركم بالخطبه الرسمية ...

البنات ماقصروا بس حبيت اقول لك حتى لو انخطبتي تقدرين ترفضين وبكل سهوله لأنك مخطوبه !!!! حتى لو ما اعلنتوا الخطبه

موفقه

هلا اختي ..والله يتمم لك بخير ويجمعكم على خير

عزيزتي ما دام ما صرتي زوجته شرعيا (يعني بكتب كتاب ) ما يجوز ان يلمسك أصلاً ...هذا اللي اعرفه

ومثل ما قالوا الاخوات أحد من اهله يلبسك الدبلة وتعلن الخطوبة رسميا ومتى ما جهز وقدر يكتب

الكتاب ولا تحسرين حالك عزيزتي يلبسك الدبلة من جديد وبالحلال ...الله يهنيكم ويرزقكم بالذرية

الصالحة يارب

الف الف ا لف مبرووووووووووووك،،،
عزيزتي ما دام ما صرتي زوجته شرعيا (يعني بكتب كتاب ) ما يجوز ان يلمسك أصلاً ...هذا اللي اعرفه

ومثل ما قالوا الاخاوت أحد من اهله يلبسك الدبلة وتعلن الخطوبة رسميا ومتى ما جهز وقدر يكتب

الكتاب ولا تحسرين حالك عزيزتي يلبسك الدبلة من جديد وبالحلال ...الله يهنيكم ويرزقكم بالذرية

الصالحة

شرعا لا يجوز.................لانه يعتبر غريب عنك................واسألي حبيبتي اي شيخ................بيقولك مايجوز................والله يتمم عليييييييييييج على خير

اتوقع الشي هذا يختلف من عائلة لعائلة..يعني على حسب اهلك هل هذا الشي عادي عندهم قبل تملكون والا لا
وبعدين اذا انخطبتي وشفتيه وارتحتي خلاص كل الناس بتدري انك انخطبتي وحتى لو احد خطبك ومايدري انك انخطبتي عادي تقدرون تقولون له انك مخطوبة يعني وين المشكلة مو شرط تلبسين خاتم عشان محد يتقدملك لأن الي بيتقدم بيسئل اول
وبعدين البنت اذا انخطبت وخلاص وافقت وكل شي تعتبر خطبة رسميه قدام الناس لين موعد الملكة يعني لبستي دبلة والا مالبستي كله واحد انتي في نظرهم مخطوبة وخلاص

اولا الف مبروك ... وعقبال مانشوفج عروس

وثانيا ... ياحبيتي هذه الشي يختلف من عايلة لعايلة ... على حسب

يوم خطوبتي .. اهل خطيبي ... نادو خطيبي .... من الميلس ... وقالو له تعال لبس خطيبتك الدبلة ...

المهم يا ... وانا كنت لابسة عباة وشيله ... ويلست ... عداله .. واخته كانت واقفة عدالنا ... ومسك صبعي بس ولبسني

الدبلة ...واهله كانو وايد مرحبين بالفكرة ... وحتى اهلي ... بخصوص الشوفة الشرعية

مع انه احنا شايفين بعض في الدوام ... كنا نداوم مع بعض ... وبس

بس صدقيني شعور وايد حلو ... بس يكتمل بالملجة والعرس ...

احس موضوع لبس الدبلة عادي مافيها اشكال ... مجرد خاتم ... واحنا البنات نحب نتفاخر جدام ربيعاتنا انه انخطبنا

وشوفو الدبلة على ايدي ... شعور كل بنت ... وفي النهاية اهلج واهله هم يقررو

انشاء الله اهله يكونو مثل اهل خطيبي وبروحهم ينادوه ويقولو له تعال لبسها الدبلة


:shy:

المعروف عندنا دبلة الخطوبه تلبسها لج اخته و لا امه لانه ممنوع يلمسج ما في بينج و بينه شي الغاليه يحلل هالشي

من ناحية الشرع ما يجوز اهو يلبسج الدبلة مادام مافي ملجة

لأن ما يصير يلمسك

اما انك تلبسين الدبلة للملجة بعد 4 أشهر اتوقع عادي

خلي امه او أخته تلبسك الدبلة

عزيزتي
يصير يخطبونج رسمي بس مب هو الي يلبسج الخاتم
امه او اخته يلبسونج وتسوون عزيمه وتزقرون فيها الاهل والاقربا
عسب يعرفون انج محجوزه لولدهم


والله يوفقج حبوبه
ومبروك مقدما

حرام يلمسك .. وحتى لو مجرد صبعه وحده ..

والاخوات كفوا ووفوا بردودهم ..

لا ماعتقد يصير انا يوم خطبتي مالبسني

بس في ملكتي لبسني