سمعتوا اللي سمعته!!!مصيييييييييييييييبة

ع

عضوة

21-02-2007 | 12:56 AM

السلام عليكم يحلوات...
أكيد وايد من البنات يعرفون مكياج بناي ويدورونه دوااااارة بعد ....بس يابنات انا سمعت شي خطير عنه وبقولكم باختصار:

رحت السعوديه قبل فترة وخذت مجموعه من مكياج بناي وكنت طايرة من الفرح اني لقيته لأنه مو موجود عندنا بالدوحه..وبعد فترة راحت خالتي وسألتني عن اسم المحل وعنوانه ...وبالفعل راحت له بس يوم سألته عن المكياج قالها انا بقولج بصراحة هالمكياج فيه مواد خطرة تسبب السرطان ولهسبب قمت ابيعه بأقل من نص السعر !!!!وقالها كيفج تبين تشترينه انتي حرة بس انا سويت اللي علي...وعلى فكرة هو سعودي وصاحب المحل!!!!!
انصعقت يوم قالت لي وآآآآآآآآآآآآآآآآنااااااااااااا طول هالفترة ألطخ منه!!!!:sad:

اشرايكم يابنات ؟؟؟ وحد منكم سمع من قبل هالسالفة؟؟؟ واذا كانت كذب اشمصلحة صاحب المحل؟؟؟ بالعكس هو الخسران؟؟

ناطرتكم..

ن

نجمة الليل

مشرفة سابقة

21-02-2007 | 01:01 AM

وعليكم السلام

اي صحيح يا اختي

وانا سمعت هل خبر :(

وانه الاسعار نزلت بشكل فضييع

والله واعلم اذا كان صحيح ولالا :)

l

lora18

عروس فضية

21-02-2007 | 01:05 AM

طيب ممكن سؤال؟!!!

اذا اللي يبيع في المحل عنده ضمير لهدرجه!!!

ليه ما حط الستوك من هالمكياج او الباقي وتخلص منه دامه يسبب السرطان والعياذ بالله!!!!!!

يعني بيبعه بنص السعر وبعد بيقول للزبونه هالكلام!!!!!!!!!!!!!!!

ع

عضوة

21-02-2007 | 01:06 AM

يسلم لس عالمرور يانجمة الليل......تدرين أكيد مافي دخان من غير نار!

ع

عضوة

21-02-2007 | 01:08 AM

والله مادري يالورا انا بروحي محتارة مثلج...يعني يمكن قال في ناس كله واحد عندهم وانا بسوي اللي علي!

l

lora18

عروس فضية

21-02-2007 | 01:20 AM

شهوده ياقلبي بالعقل

منهو اللي بيقول كله واحد!!!!

والعياذ بالله اسم هالمرض بروحه يتعب النفسيه !!

بس شو بيقول الواحد

الله المستعان كثر الكلام في هالامور والله يحفظنا ويحفظ المسلمين اجمعين

الناس خلصت مواضيعها فقامو يهرجون بكلام ماله داعي

هالمكياج عندنا ينباع

يعني مافيه رقابه صحيه مثلا!!! او الدنيا فوضى!!

لاتصدقين هالكلام ترى خرابيط النت وااااجد

مشكوووره يالغلا

ع

عضوة

21-02-2007 | 01:33 AM

بس هذا مو خرابيط نت ....هذا انا سمعته ووصل لي من المصدر اللي يبيعه!!!!!
يعني برايج ماأقط اللي عندي؟؟

ع

عاشقه الدوحه

مشرفة سابقة

21-02-2007 | 01:36 AM

[grade="00008B FF6347 008000 4B0082"]انا سمعت نفس الكلام

اختي مثل ماقلتي مافي دخان بدون نار

والوقايه خير من العلاج والواحد منا الزم ماعليه صحته

يروح يبيعها عشان مكياج !!!!!!!!!!!!!!!!!!!!!!

ثاني شي اكيد الرجال يقول الي عليه ويبيعها يمكن لانه

شاريها بسعر غالي واذا الزبون رضى يشتريها بعد مايقوله

يكون هو محلل قدام الله حتى لو باعها بنص السعر .

نصيحه لوجه الله البدائل عندج كثيره

وتقدرين تختارين مثل ماتبين

عاشقه الدوحه [/grade]:gum:

-

-%-سحابة حب-%-

عروس ماسية

21-02-2007 | 01:39 AM

مشكوره عالمعلومه

M

Marshmallows

مشرفة سابقة

21-02-2007 | 01:39 AM

مب معقوله هالضجه كلها تصير وبدون رقابه ولا شي ،، بعدين هالماركه لها سنوااااات يعني قديمه واحنا اللي تونا من كم سنه عرفناها

بعدين ميك آب يسبب سرطان شلون ؟؟ يعني هو مو مثل الكريمات او الشغلات اللي تتغلغل داخل البشره ..

مادري انا ماعندي علم ولا فهمت هالسالفه يمكن يكون صج ويمكن لا ،، لكن انا ماقتنعت

وبالنسبه للأسعار عندنا ماتغيرت مادري عنكم

لكن هي اساساً اسعار الماركه رخصيه ..

يعني الفاونديشن مالهم بحدود الـ 20 او 30 ريال ،، لكن المحلات هني تبيعه بـ 100 وشوي

S

SadLook

عروس نشيطة

21-02-2007 | 01:40 AM

وعليكم السلام

والله تبون الصدق بنات كل شي جايز في هالدنيا كل يوم والثاني طلعوا ان هذا فيه مواد مضره وهذا فيه بلاوي ما قمنا نعرف نصدق ولا ما نصدق
ما قمنا نعرف شنسوي حتى من كثر ما نسمع
ما اقول غير الله يحفظنا اجمعين من كل شر

ش

شنوفه83

عروس مشرقة

21-02-2007 | 01:45 AM

الوقايه خير من العلاج والله ماكثر المكياج الزين ابتعدوا عن الشبهات وفكو نفسكم من السوالف هذي أقصاه مكياج ،،اتقوا الشبهات وابتعدو عن هالماركه دام انها مشبوهه

&

ღرومانسيةღ

مشرفة سابقة

21-02-2007 | 01:54 AM

هلا خواتي الغاليات

كل شي جايز بس انا مع حبيبتي مارشملوز

يعني شركة معروووفة ومرمووقة ولها اسمها معقوووووووولة بتحط بمنتجاتها

أشياء مضرة عشان ينزل اسمها بالسووق ؟؟؟!!!!!؟؟؟

الحين مثل اشاعات كنتاكي.....والصور الي مانتهتي !!

الناس مو اغبية وفي رقابة على هالشغلات اذا مافي فبلادهم "مع اني ماظن" اكيد فبلادينا فيه>> اتكلم عن الاكل

ومو معقوولة هم لهالدرجة عاميهم الفلوس فيبيعون اي شي....... هم مشهورين و مو محتاجين

بالعكس هالشركات تسعى للرقى بالمنتجات عشان يزيدون المبيعات مايسوون العكس عشان يفشلووون !!!!!

وممكن تكون اشاعات من شركة منافسة او او او او ....... وممكن تكون صح!!!! مع اني شخصياً ماعتقد ان هالشي صحيح

اختكم

#رورو#

ع

عضوة

24-02-2007 | 04:48 AM

مشكورااااااااااااااااااااااات ياعروسات على مروركم....
هذا الكلام نقلته لكم للامانه ....
اللهم اني بلغت اللهم فاشهد,

m

mokaneh_al5ali

عروس رائعة

24-02-2007 | 05:28 AM

والله الصرااااااااااااااااااحه انا ماسمعت عن هالخبر ...

وعنيه انا مووول ما اتعامل مع هالماركه ...

مثل ماقالن خواتيه ... الوقايه خير من العلالالالاج ...

وانتن ابتعدن عنها .. افضل يعني ..

والله يحفظنا جميعا من هالامراض ويبعدها عنا ..

مشكووورة شهووده ع التحذير ... يزاج الله خير

3

3afary

عروس مبدعة

24-02-2007 | 08:55 AM

اعوذ بالله

انا اللي اعرفه ان هالماركه يستخدمونها المهرجين في السيرك يعني
وفي الدول العربيه وبالتحديد الخليجيه يستخدمونها كثير لان الوانها قويه وغريبه مثل الاصفر برتقالي الخ
ولانها ثابته بعد
وانا مااشك بكلام الاخت والدليل ان اسعار هالماركه رخيصة جدا واعلاناتها دايما في جريده الوسيط

c

cotton_candy

عروس رائعة

24-02-2007 | 09:59 AM

ما عندي فكره اختي
بس فعلا هذا اللي سمعته وقريته في كم موضوع

الله يعلم

أ

أنا الشوق

عروس ماسية

24-02-2007 | 06:07 PM

السلام عليكم

انا اللي اعرفه ان هاملركه مثل ماقالت الاخت عفاري ان هالماركه للمهرجين وهالسوالف هي وكريولان يستعملونها للمؤثرات
بس ترى هي صج في الاصل رخيصه وااايد بس هني قاصين علينا ويبيعونها بسعر مرتفع
وما اظن ان الاخبار اللي سمعناها عنها صحيحه لان هالشي مو بسهوله انه ينكشف ويسكتون عنه

وفي معلومه بعد عن المكياج
واللي يقول مو معقول انه يسبب السرطان
بس ترى هو فيه مواد ممكن انها تسبب السرطان وشركات التجميل الكبيره بعد تستعملها ومانكروا هالشي لما واجههوهم وقالوا ان المواد موجودة بكميات ضئيييله
وقامت عليهم مظاهرات وقضايا واحنا هني ولا ندري
عشان جذي طلع الحين المكياج المصنوع من مواد طبيعيه كبديل ووايد توجهوا له
انا فكرت اكتب موضوع كامل بالتفاصيل بس ترددت
ادري اني تكلمت وايد

والسموحه