احتقان الحليب بالصدر ساااعدوني

هلا عزيزتي
ما عليها شر ..انا جبت لج بعض المعلومات اتمني انها اتفيدج وتفيد أختج




يتضخم الصدر فجأة بعد الولادة حيث أن إفراز هرمون البرولاكتين يستحث إنتاج الحليب . يحدث احتقان الصدر في اليوم الثالث آو الرابع ويحتاج الثديين إلى ضغط آو مساج لطيف . أما إذا كانت العناية بالثديين غير كافية، فسوف يتسبب ذلك في التهاب قنوات الحليب والحمى.

يجب عصر الحليب الفاسد وهو أول حليب يخرج من الثديين ، ويمكنك وضع الرضيع باستمرار على ثدييك . ويمكن حدوث التهاب في الحلمة أو مجرى الحليب إذا تركت الحلمة دون تنظيف .

في البداية، ضعي بشكيرا دافئا على الصدر فترة من الوقت :

1** إبدأي بعمل مساج بين ثدييك صانعة دوائر حول الثدي كرري عدة مرات .

2** امسكي القرص تحت بإبهامك والشاهد، اسحبيه كما لو كنت تعصرينه . كرري ذلك من كل الاتجاهات .

3** اعملي مساج واسحبي جوانب الحلمة بأصابعك الأربعة كما هو مرسوم . كرري العملية من كل الاتجاهات .

4** اقبضي حلمتك بين الإبهام والشاهد واسحبيها واعصريها






_____________________________________________________________

أول شي تستاهلين سلامتها ومبروك ماجاكم

وعقبال مانفرح بولدتج يارب

والله ماعندي خبره بس حبيبت أدعي لها

بإن الله يخفف عليها وإن شاء الله صدرها من بكره يدر حليب يارب

وإن شاء الله الخوات مايقصرون معاج

وماتشوفون شر

مبروووووك
والحمدلله على سلامتها

تدلك حلمتها علشان تبرز اكثر

وبعد تسوي مساج خفيف لصدرهااا

ولا تياس خل تحاول ترضع بنتها علشان تبرز الحلمه اكثر

مبروك على المولود
مالج الا الكمادات الدافئه أنا صارلي 50 يوم على ولادتي أول أيام حطيت كمادات دافئه وشفطت الحليب لأن كان فعلا يعور بس مع الوقت يرد طبيعي لا تحاتين

اختي احذر اختج من هالاحتقان انا بولادتي ببنتي الاولى صار لي

نفس الشي وما رضعت بنتي عدل من التعب صرت اعطيها الرضاعة وانتفخ صدري

واهملت فترة وبعد كم يوم سولي عملية وتاديت ادية ماتتخيليها

وللحين بعد 3 سنوات الاثر موجود

خلي اختج تلاحق عمرها وتخلي بنتها ترضععلى طول حتى لو يالم

ترى الم اهون من الم

وما تشوف شر

مشكووورين خواااتي ماقصرتوا كلكم

واللحين اقولها حق الاحتقان تسوي لها كمادات حارة

ومن امس تحاول مع بنتها مافي فايدة وموقادرة ترضعها لان احتقان ذابحهااا وااايد

ما بقدر أعطي الموضوع أكثر من اللي عطته الأخت بحرينه جاوبتش الجواب المثالي واهم شي الكمادات الحارة
أني بولدي الول صادني جدي وكنت بعدي في المستشفى
وقالت لي الممرضة لما تتسبحين سوي مساج بالماي الحار وحاولي تعصرين ولما تطلعين ردي شفطي بالشفاطة
واختش غلطانة سيدة تشفط بدون كمادات وبدون مساج
من جدي يألمها واجد
وإن شاء الله تنحل مشكلتها

صعبة هالسالفة انا بعد من النوع اللي صعب ارضع واتأذى بداية ولادتي

بس بعدين اتعلم والحمدلله اقدر

لكن الحليب لما يتم بالصدر يعوووووووووووووور وايد

السلام عليكم ورحمة الله وبركاته ..

الله يعينها يا رب ويقومك غإ إنتي بالسلامة ونشوفك والدة قريب يا رب ..

بالنسبة للإحتقان أحسن علاج له إنها تتروش أو تتسبح بماي شوي حار وتوجه الرشاش مرة على صدرها وتعمل له مساج فترة طويلة شوي وإن شاء الله كله بيروح في لحظة عين ..

ألف سلامة عليها والله يسهل عليج الولادة آمييين

مثل ما قالت ام المهند يعطيها العافيه
تتسبح و تصب ماي دافي على صدرها
و ايضا تسحب حلمة الثدي للخارج

موضوع مفيد

الله يجزاكم خير ع المعلومة

:clap: :clap: :clap:

الحين مو الموية تضر الوالد كيف تقولون تسبحي؟ واللي نسمعه دايما ان اول حليب يخرج من الصدر واسمه اللبا هو المفيد للرضيع والحين اقرامنكم انه مضر؟ اناولادتي قرييييييييبة انصحوني وادعولي