اول مره يعزمنى ومحتاره؟؟ ساعدوني

[mark=FF9999]هلا حبيبتي

شوفي أنا لو كنت مكانج بلبس تنوره وقميص شيفون كشخه يجذب ومااابحط مكيااااااج وايد و ان حطيت بحط ع لون البشره مابخليه ينخدع في المكياج .. وعشان يوم اكثر مكياج يوم العرس مااايكون متعود عليه يكون غير

العطر تعطري عطر خفيف شرات عطر ستلا ولا عطر نينا ريتشي يعني بالاصح عطر بارد ومش قوي ..

وحطي شوي دهن عود ورى أذنج

وبس لاتكونين دفشه في اللبس أو في اسلوبج بيني رقتج و مستحاج ... بالعكس الريال يحب اللي تستحي مايحب القويات و بعدين لا تنسين هاي علامه من علامات الانوثه ^_*[/mark]

مشكوووووووووره اختي صدفه حبيته على مساعدتك طمنتيني حبتين

بس الى الان احاتي بحاول اهدأ وارتب نفسي

تحيه

مشكوووووووووره اختي صدفه حبيته على مساعدتك طمنتيني حبتين

بس الى الان احاتي بحاول اهدأ وارتب نفسي

تحيه

ماقصرت صدفه وفعلا حاولي المكياج يكون خفيف ...وعلى الحيا افضل لان الرجال يحبون اللي تستحي ...

نصيحتي لج لو كنت مكانج

وبما انها اول مره اظهر وياه


بلبس لبس رقيق وخفيف

تنورة خفيفه وعليها بلوزة

وبحط كحل ومسكرة وشوية بلشر

تعرفين ليش لانه اذا شافج وايد متزينه ومتعدله بيقولج مره ثانيه لا تحطين ولا شي في ويهج ولا تلبسين لبس كشخه

فكوني من اول مره مرتبه بس على بسيط

لان مره اختي ظهرت ويا ريلها بعد ما ملجو

وتكشخت عا الاخر ومن هاك اليوم الين يومج هذا (وهي الحين صارلها سنتين معرسه)

ما يخليها تلبس عبي فيها ديزاينات ولو بسيطه
ولازم تلبس النقاب

فخذي الحيطه من الحين

البسي لبس ناعم و مرتب

بس انتبهي لا تحطين عطر و يشمه احد غيره و يدخل بذمتتس , انتِ بتكونين متسبحة و نظيفة فما راح تطلع منتس ريحة مو حلوة

و حطي قلوس و كحل داخلي و بس

و كوني طبيعية بالكلام

و الله يوفكم و يتمم عليكم و على جميع المسلمين

المكياج على حسب انتي تتغطين والا لأ
اذا تتغطين حطي
واذا ما تتغطين فلأ

واعطر حطي لوشن معطر بعد ما تتروشين عشان لو قرب منك يشمه واذا مروا الناس ما يشمونك ( بس راعي قوة ريحة اللوشن عشان ما تدخلين في حكم الزانيه اجارنا الله واياكم

البنات ماقصور معاك
وانا اشوف انو لازم تتعطرين بس مو تكثرين لان تعرفين الريحه الحلوه تاثيرها على النفس وخصوصا الرجال ويبقى هالشي فباله على طول اناانصحك بعطر تشانس مره روعه وهادي واذا عندك مسك العروس حطي مسحتين من ورا اذونك وبرقبتك وصدقيني مع العطر بيطلع روووووووووعه وشوفي زوجك وش بيقول واذا خايفه احد يشمه غيره لاتكثرين ومابتبين الريحه غير له
اللبس البسي شي حلو ومرتب اذا عادي تلبسين بناطيل البسي بنطلون وبلوزه يكون مره شيك ومكياج حطي بس مو ثقيل واهم شي العيون ابدعي فيها لانه طول الوقت بيناظر لعيونك وموحلوه تكونين موحاطه شي بس مسكره لا انصحك تفنني بعيونك
واذا خايفه يكون شكلك ملفت خلي عبايتك جدا بسيطه وعاديه يعني مافيها شغل كثير بس اللبس من جوا اكشخي اكشخي اكشخي طيعيني لان الشكل اللي بيشوفك فيه اليوم رح يظل محفور فباله دوم ومارح ينساه هذي نصيحتي ولك حرية الاختيارحبيبتي

هلا حبيبتي

مبروك الخطوبة يا عمري

شوفي بالنسبة للمكياج حطي مكياج خفيف وناعم مثل هذا



شوفيه شلون بسيط بس لاعبين بالاساس والاضاءة فيطلع الوجه ملامحه ومحاسنه وتطلعين نعومه

خصوصا هذا اول لقاء فمووو حلووو يشوفج over بالعكس

وبخصوص اللبس البسي تنورة (انثوي اكثر)

وشي شدني فكلامج

غير كذا اخاف ارتبك واستحي ويقول بعدين هذي مومرتاحه بالجلسه معه

حبيبتي بالعكس لازم يبين عليج الخجل عشان تكبرين بعينه ..... لاتنسن هذا اول لقاء مايجوز تبينين عادي وتضحكين بصوت عادي معاه وكل هذا غير مسموووح عشان لاسمح الله ماياخذ فكرة

ولاتحطين عطر الا على يدج (انصحج تحطين مسك الورد من اجمل) ناااااااااعم وحلووو حيل

انا يوم كنت احطه على يدي خطيبي كان ينهبل

وربي يسعدكم

#رومانسية#

صباحكم ورد

اشكركم من جد على نصايحكم القيمه تصدقون من يوم امس بالليل وانا افتح بالدولالب ادور ملابس تناسب

ان شاء الله بحاول اطبق النصايح اللي ذكرتوها

واشكركم من كل قلبي جدااااااااااااااااااااااااا


تحيه لقلوبكم الطيبه

[COLOR="Blue"][SIZE="4"]هلا حبيبتي ...

انا من رايي البسي لبس انيق جدا ... لاتلبسي سبورت (ابدا) ... بما نها اول مرة ...

خلي اول مرة تترك انطباع حلو عنج .... البسي تنورة ... حرير مثلا ... وقميص شيفون ...ياصدر مفتوح ...

ولا هاي نك ... ركزي على الالوان شو الالوان اللي تناسبج .... واللي اطلعج حلوة وجذابة ترى الالوان تلعب دور

حطي ميك اب خفيف ... مثل ميك اب الممثلات الهنديات ... بعطيج الخطوة وصدقيني بيطلع حلو عليج ...

الله يسلمج كحلي عينج بالاي لاينر من فوق بس ... كحل رفيع ....

ومن داخل العين حطي ابيض بس مش وايد ... حطي خط مرة وحدة بس ...

ومن تحت العين ييبي ايشدو اسود ... ووزعي شوي ... بشكل حلو .. مش وايد بس اللي يقرب منج اللي هو خطيبج يشوفه بس ....

وحطي واااااايد مسكرة بحيث يبينن الرموش كثيفة ...

والايشدو حطي نفس لون اللبس بس خفيف لاتكثري ابدا ...

هذا بالنسبة لميك اب العيون

وطبعا توزيعات كريم الاساس ... والبلاشر ... والروج ... انتي تصرفي فيها ....

ممكن تحطين لون الروج بيج او بينك يافاتح او غامق البنك يحلي وايد ...

والبيج حلو وروعة على الميك اب البرونزي ....

بخري العباة والشيلة ... بعود معطر ... وحطي في الشيلة دهن عود ....

وفي العباة ممكن ترشين اي عطر بس يكون بارد ... سواء عربي او فرنسي ...

وحطي لوشن للجسم بريحة ... وحطي اي عطر يناسبج ... انا افضل عطور شانيل ....

ولاتنسين شعرج استشوريه ....وارفعيه ... خليج وايد كيوت .... وحطي في بالج هذا خطيبي لازم اكون وايد كاشخة

وعدلي ظفورج حطي مناكير ... انا افضل الاحمر ... احسه يحلي اليد ...

وربي يوفقج يارب يارب

انا يوم اشوف خطيبي ... واااااااااااااااايد اهتم وحب اشتري كل شي يديد ... عشان نفسيتي ترتاح

واحس اني اسوي شي حق خطيبي .... وابذل مجهود عشانه ... وهو وايد يستانس يوم يشوفني متعدله

يقول كل هذا عشاني .... بس في مرة من المرات بالغت في كحلة العين .... وانا عيوني وساع حطيت وايد كحل من فوق ومن تحت ومن داخل ... وماسكرا .. فهو قال لي مرة ثانية لاتحطين كحل وايد ... احس الخفيف عليج وايد احلى

المرة الثانية حطيت خفيف ...وايد عيبه ...

وهالايام احط ميك اب الهنديات ... احسه وايد يعيبه ... يقولي فديت عيونج ...


ربي يوفقج حبيبتي وطولت عليج

العفو ياقلبي ... عشان جذي احنا موجودين وياربي يسعدكم ويهنيكم:)