بنات كم وزن البيبي المسموح للولادة الطبيعيه ادخلوا اكتبوا تجاربكم؟

ماحبيت ادخل وما ارد ... بس للاسف ماعندي فكرة ... بس اذكر ان وزن بنت اختي عند الولادة كان 4 كيلو ... والدكتور قبل الولادة عطاها احتمال ولادة قيصرية بسبب حجم البيبي لكن الحمد لله ولدت طبيعي

مرحبا الغاليه ..

شوفي التساهيل كلها من عند رب العالمين يعني ماتقدرين تربطين بين وزن الطفل والولادة ، يعني فيه حريم ولدوا أطفالهم بوزن قليل والخياطة كانت وااايدة وفيه حريم يولدون أطفالهم حجمهم زين او كبير ومايسوون لهم وااايد خياطة .
يعني انا في ولادة ولدي قولوا ماشاء الله وصلوا على النبي كان فوق 4 كيلو :shy: بس مابقول جم (r)
والولادة كانت جدا سهلة والحمد الله والخياطة كانت مابتسويلي الدكتورة بس آخر لحظة احتجت شق كلش صغير يعني ماحسيت فيه أبدا ، مع ان وزن طفلي كان كبير .
يعني لاتحاتين من هذي الناحية .
الله يسهل عليج يالغاليه .

حبيبتي اذا الله كاتب لج ولادة سهله مابياثر وزن الطفل
خالتي تجيب عيالها قريب ال5 كيلو ماشالله تبارك الله
وعادي تولد مثل الي وزن عيالهم 3 ونص .. انتي بس لاتفكرين وتحاتين واقري سورة الزلزله اثناء الطلق وبعض ادعية الولادة وباذن الله بيسهل ولادتج
والله يقومج بالسلامه حبوبه

مشكووورين خواتي طمنتوا قلبي كنت خااايفه موت هالاسبوع بسوي سونار بشوف وزن البيبي بس مااعتقد فوق3كيلو يمكن وزن البيبي 3كيلو او 2كيلو وكم غرام

[glint]يارب يا رب يا رب

يقدرتك يا قادر يا كريم تسهل الولادة على عروستنا الغالية بنت الدوحة وترزقها الولد الصالح يا رب يا كريم[/glint]حبيبتي عروس الدوحة:

كل ام وكل حامل تختلف عن الثانية مو الكل يتشابه:gum:

بالنسبة لي:

في ولادتي السابقة والاولى كان وزن ولدي كيلوين تتخيلين شلون يعني!!!!!!!!!!!

لما ولدته عذبني عذاب الله الاكبر وكنت بكر

الممرضة اللي تولدني ما رضت تسوي لي اشئ ولدت بروحي وبامر من الله تعالى لين ما انشق المكان عندي بدون ما تشقه الممرضة والخياطة كانت اكيد وايد لأن المكان انشق وايد

ولادتي الثانية:
ولدي كان وزنه قريب ال3 كيلو جرامات

بس كان شكله صغير ما يبين انه 3

ونفس الشئ المكان انشق وايد بس هالمرة الخياطة سووها لي تجميليه زين ما خاطو حلجي من كثرها

والله تعذبت لين ما طاحت بس مع ذلك عادي

انتي حبيبتي اتوكلي على الله انزين
لا تسمعين كلامي والا كلام غيري والله انا جذه اسوي اقرا كلام البنات بس احط في بالي اننا كلنا نختلف من ناحية كل شئ

[glint]رب العالمين بيسهل ولادتج ورب العالمين بيخفف الالم عليج بالدعاء والصبر وانشاء الله تولدين بالسلامة يا رب[/glint]

مشكووورة اختي روعه دبي على مشاركتج ودعائج لي لاني صدق محتاجه دعاء

بالعكس الوحده ماتبي غير صحة البيبي ويكون مكتمل وسالم وبخير بس لاني بكريه وتعرفين كل وحده تقولي كلام فصاادني وسواس وخووف وتشتت بدخل غرفه ولادة وانا مااعرف شي كلش الله بالخير

فخااايفه موووت ودوم اوسوس ويقولولي لوكان كبير بيسوللك قيصري او اذا طبيعي توسع وشق كبير والخ


مع اني ببدايه حمل كنت فرحانه وانتظر متى الايام تمر عشان اكون بتاسع وكنت دوم اقولهم ادعولي اني اولد ببدايه تااسع ومن دشيت تاسع سبحان الله هواجس وتفكير لاني بدخل على شي جديد فخاايفه وافكر غصبن عني

حتى بعض الاحيان اقول سواء اليوم او بعد الف سنه مسيري الياهل بيطلع لازم هالشي اااكيد وبعد افكر واخاف

و الله سالفتك كنها سالفتي في ولدي البكر

وقت الولادة كنت اقول ما يصير اهون خلاص ؟؟ ما اكتشفوا شي للولادة ؟؟ اعنبوا كل ها الاختراعات و لا شي ينفع في ها اللحظة

سبحان الله الانسان صج ضعيف !!!

شوفي و انتي رايحة الولادة حطي في بالك ان اليوم او بكرة بالكثير معاك طفل نونو

ها الفكرة لا تروح من بالك ابد

و في خطة صغيره سويها و ادعيلي انتسي و كل البنات في ظهر الغيب

الله يسلمك : -

كثرة التصدق بنيه الولادة السهلة لك و للبيبي

كثرة الاستغفار بنية التسهيل لك و لسلامة البيبي


ترى لا تهتمين بالي يقولونه اكثر الحريم ترى يطفون العيون و الي خرعوك عن الولادة بعد ما تجربينها و تعرفين انها سهالات من رب العالمين خذيهم على دراية و قولي صج تجربة ؟؟؟ و قولي كلامهم

ما عليك منهم ترى و الولادة مثل ما يوصفونها اكثر الحريم شلون الله كتبها على حواء ؟؟ كلها سهالات من رب لعالمين

لا تنسين الصدقات و الاستغفار و دايما جددي النية

في حدود الثلاثة كيلو

انا صارلي اسبوع ونص من ولدت وولادتى كانت سهله الحمدالله وكانت اسهل من ولادتي الاولى بس تدرين شو كان الفرق بين الولادتين ولادتي الاولى دخلت غرفة الولادة وانا ارتجف من الخوف وكنت احس اني رايحة لغرفة التعذيب واترجا النيرس اطلعني من الغرفة:sad: مع ان الغرفة وش حلاتها لونها وردي يفتح النفس والستاير يهبلن مع ذلك نفسيتي كانت زفت واحس بالم ماينطاق مع ان الالم كان في بدايته وكل هذا من إلى سمعته عن الولادة وان الولادة شي مايحتمل بس ولادتي هذي كان في فرق كبير واسبب اني من بداية حملي انا ادعوا الله ان يسهل ولادتي ووصلت الشهر التاسع وانا خلاص اموكله امري لرب العالمين ولابشاله هم الولادة بلعكس ماخذه الامر عادي وكنت اقرا عن الوضعيات الى تساعد وقت المخاض وطريقة التنفس الصحيحة وولما بدا معايه المخاض كنت كله امشي واتحرك في البيت ولما يجيني التقلص استند عل شئ لين ما يروح بس كنت مرتاحه نفسينا الاني موكله امري لرب العالمين حتى زوجي كان يقولي شكلش مابتولدين اليوم حتى ام زوجي لما دخلت غرف الولادةوشافتني وانا واقفة واضحك مع زوجي قالت هذي إلي بتولد اليوم وكنت ساعتها الرحم فاتح سبعة سانتي بس انا كنت مش راضية اطيح على السرير مع ان النيرسات يحاولون فيه كنت احس اني اقدر اواجه الالم نفسينا لما اتحرك وكنت ركع على السرير وقت التقلص يعني ماحسيت بالالم الشديد الا وقت الولادة الفعلية إلى استمرت تقريبا ثلث ساعة وتساهيل كلها من رب العالمين ووكلي مرج لله وكثري من الدعاء والله يسهل عليج انشالله :shy:

حبيبتي تبين نصيحتي اطلبي ابرة الظهر انا توني والده بالضبط لي 30 يوم يوم بينزلوني الولاده كنت ميته خوف لان في بنتي البكر شفت الموت وعلى طول تذكرت ابرة الظهر مع اني كنت رافضه آخذها بس من الالم والخوف طلبتها اول ماوصلت الغرفه كنت توني 4 سانتي وجاني الكتور وعطاني الابره وكلها عشر دقايق وختفى الالم اقولج لو تشوفيني ماتقولين هاي وحده تولد تخيلي اسولف واضحك والنفسيه مشالله حتى النرس كانت سوريا تعرفت عليها وطول الوقت سوالف ومر الوقت وماحسيت الا تقولي خلاص ولاده الحين وانا فخاطري مب مصدقه فرق بين الولادتين وسبحان الله لاني كنت بكامل قوتي ووقت خروج راس البيبي ماكنت احس بألم وتيسرت ولادتي مع العلم ولدي كان حجمه اكبر من بنتي بوايد والخياطه فرق كانت صغيره ... في بنتي من الخوف والالم اللي احس فيه ارتفع الضغط والجراحه كانت كبيره زلا كان فيني قوه للولادهوفالاخير رحت العمليات عشان النزيف اللي صابني تخيلي الفرق وكل هاي من ابرة الظهر خلت فيني طاقه للولاده ونفسيه تمام واهم شي ترى النفسيه

وانشالله الله يسهل ولادتج وتشوفين البيبي في حضنج يارب