بنات عروس ساعدوني ..

اهلين بنات ..

بنات انا ساكنة في شقة من حجرتين وصالة واسعة ومطبخ والله يعزكم حمام وعندي مساحة جنب الحمام والمطبخ "عبارة عن بلكونه بس مسكرينها " مخليتها حق الغسيل ..

المشكلة ان احنا على الرغم من ان عددنا 4 افراد، انا وزوجي وولدي الكبير عمره سنتين و10 اشهر والصغير عمره شهرين ونص .. الا ان اغراضنا وااااااااااااااايد ، وكل من يزورنا يقولي وايد عندكم عفسة واغراض .. على الرغم من ان الشقة مرتبة ..

يعني مثلا غرفة النوم فيها غرفة نومنا كاملة " السرير مع الكوميدينو والكبت والتسريحة " وسريرين لعيالنا وحاطين فيها طاولة عليها تلفزيون مع رسيفر هذا غير الشماعة مالت الملابس .. والغرفة الثانية مخصصينها حق عيالنا وفيها كبت صغير حق ثيابهم وكبت ثاني اصغر حق اغراض ولدي الصغير وحاطة فيها المكنسة وشوية اغراض وثلاثة ارباعها كلها العاااااب .. الكل يقول وايد شارين العاب وعافسين شقتكم وزوجي بعد يقهرني من كثر ما يشتري العاب وانا اقوله خلاص ما في مكان حتى مراجحين وسيارات كبار مشتري وسياكل بعد وخيل كبير وهالسوالف هذا غير الالعاب العادية والالعاب الصغار وهذولا عافسين المكان بشكل كبير ..
والصالة عندنا واسعة وحاطين فيها طقم كنبات ومكتبة للكتب وشوية اغراض على جنب ، ومكتبة صغيرة نوعا ما للتلفزيون مع اغراضه " الرسيفر والفيديو والديفيدي مع الاشرطة والسيديات " وحاطة فيها طاولة للكمبيوتر مع ملحقاته ..

والمطبخ فيه اغراضه والحمام بعد ومساحة الغسيل اللي فيها الغسالة والمنشرة اللي انشر عليها الثياب ..

مثل ما قلت في البداية ان احس شقتنا وايد في كركبة .. يعني لو تشوفونها تحت سريرنا في اغراض وفوق كبتنا وفوق كبت اليهال وهالاغراض تكون مثلا شناط السفر شراشف السراير .. والثياب اللي مو في موسمها " ثياب الشتا مثلا احطها اثناء الصيف في اكياس واخبيها " مع اني احاول ارمي الثياب اللي احسها اعتدمت او شي نهاية الشتا وطبعا اغراض وثياب ولدي الكبير لما كبر اذا كانت طبعا بحالة جيدة .. ومو عارفة شلون انظم هالكركبة .. كبتنا احنا للاسف صغير شوي يعني يادوب يوسع لثيابنا انا وزوجي ومع شوي اغراض خلاص ما في مكان:sad:

والحين بعدما ولدت بولدي الصغير زادت عندنا الاغراض وكل من يزورني يقول وايد عندكم اغراض وشقتكم مكركبة .. انا احاول بين فترة وفترة اسوي فورمات للشقة وارمي الاغراض اللي احس ان احنا مو محتاجينها وحتى في العاب لولدي اذا احس انه ما يحبها ولا يلعب بها ارميها حتى لو كانت في حالة جيدة وحتى ثيابنا قاعده ارمي منها وايد " اعطيهم امي عشان تتصرف بهم واحيانا لخدامتهم " عشان اخفف من الكركبة في الكبت .. تعبببببببت وانا اعدل وارتب لكن مو مبين هالترتيب وسط كل هاالاغراض وصايرة عفسسسسسةولو حالتنا تسمح كنا استأجرنا بيت عشان يوسعنا احنا واغراضنا .. وبالنسبة للشقق فأكيد تعرفون ان في ازمة شقق وصعبببببببة نحصل شقة اكبر وبايجار مناسب :sad:



ساعدوني بأفكار اقدر انظم فيها الشقة واشيل هالكركبة علشان تبين مرتبة .. :confused: